悲情小紅腿><

米高佐龜 · 發表於 2012-6-4 01:57:15

本帖最後由米高佐龜於 2012-6-4 02:01 編輯

中午係網上見到有人賣隻紅腿，二個鐘內比人買左，跟著五個鐘內又見到人放……我心諗，隻龜龜係咪有病呀？我聯絡賣家，出黎睇下龜龜，見到龜龜佢感冒、唔生猛、眼冇神…但佢無奈嘅眼神，已經攻陷左我嘅同情心，所以我冒住比老婆鬧嘅危險，帶佢返屋…返到去立刻浸水加rep、益生菌、維他命…但佢都係手腳冇力，咩都唔食，我相信佢比人餵左大量生果…我講出黎唔係想比人讚，只係想養龜嘅人唔該睇多D文章，唔識就問多D有經驗嘅人，唔好養幾個鐘又話唔養，始終係生命，生命係冇分貴賤嘅，請尊重生命，唔好三分鐘熱度好嗎？仲有今日去搵桑葉時，見到一個女人，抱住隻狗仔bb，隻狗仔係度狂震，我問個女人，佢話狗仔係垃圾筒裡面見到，一隻已經死左………世上善惡只係一念之間………種瓜得瓜，種豆得豆，謹重之！！！希望佢冇事啦…佢食左幾下菜就跟大隊瞓，一陣先隔離佢！

4848 · 發表於 2012-6-4 18:14:13

夠啦件事都係因我已起
我承認我係個三分鐘熱度既人買返來唔夠半日就轉售比人
原因唔係因為隻龜有病而係我根本唔識養所以我無謂死頂玩到隻龜死為止
所以先轉售比有經驗有養開既買家
最後我只想澄清我同之前位師兄唔係無良心唔識尊重生命既養主我地目的只係想比隻龜一個好d既生活
希望呢件事到此為止

ryanfung11 · 發表於 2012-6-4 15:03:05

龜友論壇係比大家來分享、交流、討論下各人心得經驗，有好多情況未必都發生在自己身上，藉著該論壇作參考，若然發生的話也可以作為借鏡，係論壇大家用詞都唔一樣，有時會用同音字、打漏字、打錯字等…可能大家都在猜測意思，有主觀有客觀，有時真係＂講者無心聽者有意＂，講錯野、會錯意大家多多包容，免傷和氣

happyturtle · 發表於 2012-6-4 14:51:15

講到呢度,信我既師兄就信,唔信既我都唔想再講
由我第1個留言開始,樓主從來無正面回應過.我問左好多個問題,點解會有咁多唔合情理既事,都得不到解答.
我呢2日個心情好激動,我覺得我要抖一抖氣
我唔敢再睇米高佐龜講既野,我會爆血管的.
我迫自己暫停兩日龜友論壇,後會有期.

happyturtle · 發表於 2012-6-4 14:34:55

我本身口才唔好,講說話太直唔識轉彎,但樓主講既野實在太唔合情理,太多疑點,太容易駁斥.
我估最後既殺手揀都係整病隻龜,之後影張相上網,咁就當自己贏左,不過我估都要幾個鐘時間.
仲有,樓主要養老婆,我以為樓主日頭要返工,原來仲可以響屋企見住隻龜流鼻水.

happyturtle · 發表於 2012-6-4 14:20:57

樓主咁大膽,隻龜流鼻水,尋晚唔即刻隔離,真係藝高人膽大!!!!!!!!!

happyturtle · 發表於 2012-6-4 14:17:00

本帖最後由 happyturtle 於 2012-6-4 14:19 編輯

各位,如果你有隻幾萬蚊既龜,例如金錢龜,阿達伯拉象龜,如果佢流鼻水,仲吹波波,你地有什麼高招可以同人交收?我放隻龜400蚊咋,駛唔駛做咁多野?我之前試過500蚊放4隻龜:火焰石金刀旦南錦,果度都唔止蝕400啦,要為400作奸犯科嗎?

iamnero · 發表於 2012-6-4 14:16:18

米高佐龜發表於 2012-6-4 13:38
多謝你地！！！我去緊買龜藥，因為佢流鼻水、吹波波，不過我覺得佢會冇事 ...

流鼻水唔一定系感冒，搞清楚先好落藥

happyturtle · 發表於 2012-6-4 14:10:06

好坦白講,如果隻龜有暗病,都仲可以搏懞賣出去,但試問有冇人會拎一隻流鼻水吹波波既龜出去同人交收?得閒得濟?之前d人話買黃緣返屋企幾日死左,都唔會交收既時候吹波波流鼻水咁誇張啦.
樓主尋晚半夜拎隻龜返屋企,都即刻影2張相,今日隻龜流鼻水又唔影?睇返尋晚張相個鼻仲好乾爽!!!依家俾我話完,樓主為啖氣,放隻龜落雪櫃整到佢流鼻水都得,清者自清.如果隻龜感冒,樓主又何來信心醫好佢?我本來想告一段落,係樓主想執尾彩!

米高佐龜 · 發表於 2012-6-4 13:38:49

多謝你地！！！我去緊買龜藥，因為佢流鼻水、吹波波，不過我覺得佢會冇事

AKIBB · 發表於 2012-6-4 13:33:05

希望佢無事LA

阿肥 · 發表於 2012-6-4 13:31:33

回復米高佐龜的帖子

希望龜龜早日康復，快高長大

GIANT · 發表於 2012-6-4 12:14:08

尊重生命

happyturtle · 發表於 2012-6-4 12:04:26

回復 seamus 的帖子

你話樓主想問人點救龜龜,請問條問題響邊?
中午係網上見到有人賣隻紅腿，二個鐘內比人買左，跟著五個鐘內又見到人放……我心諗，隻龜龜係咪有病呀？我聯絡賣家，出黎睇下龜龜，見到龜龜佢感冒、唔生猛、眼冇神…但佢無奈嘅眼神，已經攻陷左我嘅同情心，所以我冒住比老婆鬧嘅危險，帶佢返屋…返到去立刻浸水加rep、益生菌、維他命…但佢都係手腳冇力，咩都唔食，我相信佢比人餵左大量生果…我講出黎唔係想比人讚，只係想養龜嘅人唔該睇多D文章，唔識就問多D有經驗嘅人，唔好養幾個鐘又話唔養，始終係生命，生命係冇分貴賤嘅，請尊重生命，唔好三分鐘熱度好嗎？仲有今日去搵桑葉時，見到一個女人，抱住隻狗仔bb，隻狗仔係度狂震，我問個女人，佢話狗仔係垃圾筒裡面見到，一隻已經死左………世上善惡只係一念之間………種瓜得瓜，種豆得豆，謹重之！！！希望佢冇事啦…佢食左幾下菜就跟大隊瞓，一陣先隔離佢！

seamus · 發表於 2012-6-4 11:56:29

回復 happyturtle 的帖子

成件事根本無人追究對同錯,樓主呢個post 係問人同分享點救龜龜!唔知你做咩帶開左個主題.....
要人地同你講咁多無聊既說話,你自認就算啦!仲同人討論d無聊野,而影響點救隻龜~你都傻傻地

iamnero · 發表於 2012-6-4 11:33:54

總之，即使上手玩家做法不妥，樓主亦無需為自己既行為賦予道德優越性。
況且，以你現有器材同埋收到龜之後既做法，我個人尚懷疑你是否養得好隻龜。

samwong4949 · 發表於 2012-6-4 11:26:22

回復 samwong4949 的帖子

為所喜愛的動物,繼續做個happyturtle!

samwong4949 · 發表於 2012-6-4 11:13:32

不要再為大家喜愛的共同寵物再傷和氣,最緊要令小生命活得快樂健康,大家共同交換飼養心得,繼續做個happy嘅龜友!

龜媽 · 發表於 2012-6-4 10:52:25

happyturtle 發表於 2012-6-4 10:43
唉,今朝早餐都食唔落.如果有師兄覺得係我錯,可以俾d意見,等我唔好自以為是. ...

你唔好咁唔開心啦!
自己無做過, 澄清咗就唔駛再擺喺心.
虐待自己好唔抵！
一笑置之啦!

米高佐龜 · 發表於 2012-6-4 10:47:11

其實我問過好多買龜嘅店主、醫生、及網上嘅朋友，我係綜合大家意見而選擇飼養方法，點養都冇所謂，健康咪得囉！！！

帳號		自動登錄	找回密碼
密碼			註冊

悲情小紅腿><

評分

點評

點評

點評

點評

點評

點評

點評