小盾仔今次吃了錫紙(狀況Update 22/7)

toobegood

(7月19日)小盾仔7cm大，平時都有雜食習慣，但連陶粒都可以成粒吞但就可以原粒排番出來
但因家人執拾時不小心，成盞UVB連燈罩跌左落缸，加上家人又不理會到我回家時先發覺，我本身用短燈筒加錫紙圍邊，回家後小盾好滿足地睡在燈罩邊，圍住燈罩的錫紙就無了一大忽才知大件事(吃了錫紙面積約半包煙盒左右)，唔知大家的龜龜有無亂食的經驗?? 今次有點擔心

回家後為了測試龜龜的精神狀況(驚墮燈時壓傷龜龜)，set好燈具後，先浸水，餵食，龜龜現時都未見有異樣。

7月20日: 依Hongie兄教減少餵食份量，我決定全天停餵龜龜，再依iamnero兄教路加密浸暖水，早晚各一小時，龜龜當天只排了酸，未有排便。

7月21日:  同樣早晚浸溫水各一小時，帶了龜龜落街曬太陽，運動1個多小時；多謝婷婷師姐教路，去了旺角街市買了新鮮蘆薈，中午切粒給龜龜吃，但可惜龜龜只吃了幾啖就唔食了(可能雪凍的關系)，晚上浸了一粒M糧作晚餐，這天無任何排泄。




7月22日:  今早龜龜依時起身，但就無咩活動，只在UVB燈下自行曬，浸水一小時後，我今次就試試將雪凍了的蘆薈用熱水加熱先給龜龜，果然有效，龜龜樂於進食，觀察進食途中，龜龜突然發出咕咕聲，原來他終於排便便 + 酸了。


雪凍的蘆薈粒，龜龜不大喜歡吃，但用溫水浸加熱後就樂於進食。


蘆薈真係好似有通便滑腸功能，龜龜食到一半已排便排酸
用手搓爛便便，未有發現任何錫紙，希望龜龜繼續努力，盡快能將錫紙排出來喇，待續...................

toobegood

siu_ming 發表於 2012-7-22 19:02
我想問，如果隻龜成日都食發泡膠，影響大唔大

如果成日食，師兄你唔拎開D發泡膠? 誤食始終都有問題。

siu_ming

我想問，如果隻龜成日都食發泡膠，影響大唔大

toobegood

回復 hongie 的帖子

謝謝支持~~  有進一步消息，好與壞我都會報告

hongie

toobegood 發表於 2012-7-20 15:56
回復 hongie 的帖子

唉，師兄，看見過你布甸Post，連牧草都會塞腸，今次我隻盾仔食既係「錫紙」，真係要打 ...

向好果邊諗，乾牧草好硬、又會吸水發脹，錫紙起碼有少少柔軟度又不會吸水，希望可以順利通過腸胃吧

Good luck.

toobegood

回復 hongie 的帖子

唉，師兄，看見過你布甸Post，連牧草都會塞腸，今次我隻盾仔食既係「錫紙」，真係要打定輸數等死，想哭

hongie

toobegood 發表於 2012-7-20 00:27
回復 khip 的帖子

今次真係好驚，錫紙咁尖咁利，仲要食左一大忽(約半包煙盒大)

陸龜消化系統有機會長到十幾日至一個月先將糞便排出體外

呢排你記住 唔好餵咁多，而且要餵較容易的食物 (e.g. 油麥菜、浸濕龜糧...)，要留意佢有無開始唔妥 (唔開口、嘔......)，有既話就可能係垃圾塞腸要盡快睇獸醫

呢段時間你會好難捱好擔心，點解我知因為我經歷過  

祝你好運

iamnero

toobegood 發表於 2012-7-20 00:30
回復 iamnero 的帖子

我發覺夏天龜龜浸水，假如水溫熱少少，龜龜都會亂爬好不舒服想走，極少微微暖就不會 ...

當然好啦。提高水溫只系為左加快新陳代謝，刺激腸胃蠕動同埋排便。

toobegood

回復 iamnero 的帖子

我發覺夏天龜龜浸水，假如水溫熱少少，龜龜都會亂爬好不舒服想走，極少微微暖就不會逃走，這個浸水溫度控制ok嗎? (我每天已浸兩次水)

khip

toobegood 發表於 2012-7-20 00:27
回復 khip 的帖子

今次真係好驚，錫紙咁尖咁利，仲要食左一大忽(約半包煙盒大)

我諗如果佢ALL 唔出黎，可能會影響腸胃消化...或做成阻塞

toobegood

回復 khip 的帖子

今次真係好驚，錫紙咁尖咁利，仲要食左一大忽(約半包煙盒大)

唔知誤食有無知危險期要過幾耐呢??  希望有經驗既師兄發表下意見。

iamnero

增加浸水次數與水溫，等佢排出來吧

khip

好難講...有冇D咩可以幫佢加強消化...(希望佢咬得爛D鍚紙啦)