買貴野就熱心,買平野就冷漠?

kwong_1980

我之前在這論壇大部份龜友喜歡的龜店買龜, 之前因為家中有點位置, 我都一星期大約去一二次龜店左右,大多會買龜回家的,都差不多每次去都買一二隻左右,現在家中已經有二十多隻.
在這段期間 我去問一些龜的問題,個老板都好熱心甘回答我問題,都給我多方法意見

到最近我早上 上班, 晚上 上學,沒什麼時間去龜店,剛早幾天去買龜糧,問他一些龜的問題,他 很求其回答我,還有點不耐煩,當時全店只有我一個客的

我在想,  買平野就不是客?態度可以這麼差?買龜同買龜糧分別真的很大

我現在寧願坐車遠一點去買糧都不去他那買了

小瑰子2

唔知係咪最好

但比起魚街那些~~已經係感覺良好喇

同友X有1-2次接觸既新手講兩句

honeybee

租金那麼貴,雖然我也非常不喜歡,但相信人家也在求存而已.

boap

係呀
尤其是果間.,.........有圓
直頭當啲客係水魚咁劏
劏得就劏

大少

LiB 發表於 2012-10-17 00:15
其實好多師兄成日話果啲好好既店，
個人都唔覺得好得去邊，成日po完有龜到有龜賣，
問下價叫佢pm下個價都洗 ...

不過呢個係真, 好多時PM問價都沒有回覆, 我又唔近, 唔通要我到荃灣去問價咩.

有時係想買, 不過被迫放棄

大少

龜之友 發表於 2012-10-16 19:14
回復 power15 的帖子

同意power兄論點。買龜重要係要買到喜愛，健康的龜。賣龜的商販始終都是一門生意，服 ...

認同, 沒有到過中X度買野.

不過都覺得老細都係人, 人都會有情緒.

唔好太在意

winnietran

見到呢，个post 雖然咁耐真係不得不回
我第一次去買龜係老闆娘黎，態度真係好，問好多都答，而且仲好有笑容，講句公道說話真心果陣覺得真係好似大家咁講咁好，心以為呢間野真係好似啲人咁講咁好啦
第二次去買，老細係度，有班客吹緊水揀緊龜，我話要隻百幾蚊嘅苗，佢冇乜反應，收錢仲掛住同班客講野，一野就飛左隻龜落地，當冇事，執番，我話要望下，佢就唔耐煩咁嘅樣
上到黎講左兩句，就俾人圍插
自此之後冇再去過，就算去魚街都唔去佢度
前幾日又係咁行過，入去望過一陣，又係當你透明咁
唉，真係咁好，就唔會得失咁多客上黎講。。。

小森美

我今日同朋友打算買盾龜
店主不在
幫手看舖既雖然10問9不知
但都幫我打電話去問
可能冬至食飯聽唔到電話吧
但佢既態度都好好
雖然我地買唔到野
但係看舖既人都冇黑面

Siriusljay

我去過旺角一間樓上爬店都係甘，唔記得左咩名，一上到去睇左一分鐘都冇，個老闆就話要內部裝修趕我地走，但隔離有幾個男人係到同個店員傾緊計，應該都係訂野既聽到，所有人走晒佢地都冇走，我老公一行出門口就小佢地，明眼人都知咩事啦，我都費事打甘多字

龜心似箭

我中蜂去過幾次,都係搞搞震無幫趁,
但老闆娘同老闆都好熱情...

tetsuro

其實元朗都有唔錯既爬店！

tetsuro

爬地同埋樂園都係去魚街一定會走上去既鋪頭，買野都係呢兩間鋪！

03110126

老實講,我就近呢兩個月先知中鋒間鋪既
但係感覺絕無上面班人講到咁差
本人有隻龜,唔係中鋒到買,肺炎左好耐,又中耳炎過,都拎去比中鋒到醫
中鋒次次都同我詳細問下個情形,又講下點樣照顧佢好d
有幾次,就算冇帶龜黎睇病,只係入去問下,都好親切咁同我傾好耐,仲教我養龜知識
順帶一提,係龜龜病既期間,我幾乎隔兩日就打比中鋒兄(係打手提),次次中鋒兄都不嫌其煩,同我傾好耐,又好關心龜龜情況,有次佢都對住隻龜嘆氣,點解會咁多病痛架~個一刻我覺得中鋒絕對唔只係一個生意人,仲係一個愛龜之人
其實,你地話中鋒唔回你地pm又盛,唔知你地有冇睇過中鋒兄好耐之前一個提點人地買龜要檢查清楚既post,佢提過自己不擅中文輸入法,唔好咁多猜疑啦,而家養隻龜姐,講到咁多陰謀咁,香港社會家陣壓力大到連養寵物都猜忌人?
拿,老實講,中鋒兄平時講野又真係陰聲細氣左d,連我女朋友都話佢cool cool地,不過絕唔係咩無禮貌唔理人,我又真係一次都未試過被不禮貌對待(去左中鋒到不下十數次)
有冇諗過,人地都係人,可能人地個刻心情唔好或者其他原因,唔好永遠都覺得"顧客永遠是對的"呢句至理名言啦,你返工都受過客唔少氣啦,唔通真係當呢句野係真理咩,比幾十蚊可以當自己係大爺?(唔係話顧客一定唔岩,只係唔好諗到,一定要人地秒秒四萬咁口,大佬,人地都係人,有情緒架)

最後,我多謝中鋒兄比過咁多建議我照顧龜龜,雖然佢已經回歸大自然,但係佢病個排,的確有幾次係靠中鋒兄由鬼門關拉佢返黎,中鋒兄加油經營友緣龜屋,有緣人一定會明白你的!不需理會無謂人的閒言閒語,套用中共喉舌一句說話,他們(可能,希望不是真)別有用心。中鋒兄不要亦不需介懷:)

EV-DAY

乜鬼某店？街市龜檔？

自卑心作法自斃  買平野 阿呀哎喲 人笑緊俄

自大心作威作福  買責野 哈嘻哼喀  全人嫉妒俄

﹔嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻皮笑臉   

L.F

X蜂？，

一刀兩斷

我買龜多去白大,爬地同水中情,其他刀會去但很少.
白大待客態度多好就不必多說了,名聲已反映一切.買龜首選.
爬地就因為識得老细同佢姪女阿yan,所以會去順便吹下水.買龜次選.
水中情龜只售價雖然比其他鋪頭貴了幾成,但我很欣赏阿泰故間中會去,排第三.
至於友緣也不錯的,我很喜歡中蜂,只是去過幾次後,我較喜愛那時在天光墟的小檔多點,地點同龜價問題

龍之殺

回復 我愛中蜂 的帖子

中蜂嫂〜
幫襯左你咁耐難道唔知你對客人有善同熱心嗎
唔好理人講咩喇
100%對你支持

leoyuchiu

中峰嫂，撐你，每次黎問你野你都好熱心幫忙
我覺得呢個世界唔可以討好晒所有人，一定有人不滿既，唔需要唔開心，人夾人緣

左武介

做人做事問心無愧便可以。

zip

中峰嫂，我都撐你！我每次都只係幫襯十蚊桑葉，問你嘢時你都笑住口回答，我只講過一次我是養豹龜，你都竟然記得！⋯不過我都係做生意，好明白當遇到黎買嘢或問嘢嘅特別客人，其實真係招呼唔得到咁週到！

tung_chan

中蜂太太:
無須傷心難過,你同你先生對客人,對龜的熱心同愛心
會有人欣賞

我去過你地店舖一次(當時只有中蜂,你外出了)
中蜂很有禮貌同耐性,連我這個不善辭令的人,
都有膽量同一個陌生男子一對一地傾了30分鐘,
有心人的用意,真的不用介懷

反而我鼓勵你們多點抽時間照顧兒女,不要只專注在龜龜身上:)
(做你們的子女都幾幸福,家中有很多龜龜^^)