水果的利與弊

tonycha

在下餵左龜龜1年半水果, 以前隔日餵, 後來白天餵M糧,晚上餵水果.  現在就日日連糧和水果一起餵, 會令龜龜食欲大增.

我隻阿達好鍾意: 木瓜, 香蕉, 水晶梨, 芒果, 荔枝(夏天)

我查好多書, 問過好多人, 都話水果的果糖會引發素食性陸龜爆原蟲或肚疴.  但我試左1年半, 都冇爆過原蟲, 冇肚疴, D屎好正(可能同食M糧有關).

我發現食水果的好處如下: -

1. 陸龜好鍾意食水果, 而水果水份多, 多水入胃, 就好快刺激疴尿! 疴屎、排酸、排石.

2. 體內長期水份高, 更可防止隆背、起釘, 因為水合作用可以防止起釘.

3. 水果纖維高, 特別係香蕉!  香蕉又平, 龜又勁鍾意食, 我現在幾乎日日餵一條香蕉.

4. 水果有益生菌、 菇草桿菌、 及酶!  酶係消化系統的清潔劑, 酶更是保護內臟功能的要素!  最近十年科學家發現缺乏酶的人會引發消化系統疾病、糖尿病、肝病、膽病等等內臟功能疾病.  而木瓜、梨、蘋果 等水果含勁多菇草桿菌, 菇草桿菌係制造酶的主要益菌!  好多人唔知道,韓國人整泡菜時(我成日整),最主要會放一個梨或蘋果入去,就係要靠梨或蘋果中的菇草桿菌制造酶,然後刺激發酵.

如有說錯, 請更正.

yuenyuen

以下只是我個人既經驗, 不喜勿看.

有一年夏天我試過俾阿蘇食生果, 每星期1~2次, 士多啤梨, 蘋果, 橙, 香蕉, 木瓜, 梨.. 都有俾過. 每次分量係佢既頭既大細至倍半大細(例如半隻焦加皮, 兩個大士多啤梨, 1/4蘋果連皮, 兩介橙加白色衣..). 佢地勁鍾意食, 一聞到切生果就即刻走嚟. 之後仍然大食, D屎正(因食材係70%以上牧草), 冇肚疴.
但暑假未完就見D屎(仍然黑實)外層有黑色"汁"(屎水), 行路有時會有幾滴黑色屎水滴喺地下.
呢個唔係正常既表現, 停咗餵生果一星期仍舊有滴屎水. 惟有啲晒D走地龜去獸醫度杜蟲.
醫生話爆蟲, 仲係唔同龜爆唔同既原蟲. 食藥好返之後從此唔餵生果.

又有一年我試過俾另外D細龜食生果, 佢地唔多食, 只有一隻食咗2次咁大把就冇餵.
今次又係食量冇增減, D屎正, 冇肚疴, 冇屎水. 我都唔覺有問題.
但有日就係D屎度見到有好多肉眼見到既白色線蟲. 咁又要全部杜蟲啦.
杜蟲時每隻龜都有疴線蟲, 即係一起養既龜係會交义感染架.
今次細龜既反應快過大龜, 可能係因為大龜承受能力大D, 會遲D(成個月)先見到反效果.

我每次餵生果都中招. 得到教訓之後, 對於要食高纖食物既龜 我係唔會餵生果.
對龜龜仁慈(自以為), 其實係對龜龜殘忍(佢地辛苦話唔到俾我知), 亦係對我既荷包殘忍(當俾罰款算喇).

啊橙

skclan 發表於 2013-1-20 13:22
食左水果後一定會偏食，對於健康同隆背等問題
食材只係其中一個因素，濕度陽光空間等更加重要，
我個人唔主 ...

水果水份對豹既腸胃黎講係毒藥，除時柯爛屎，不吃為妙，
但對盾又冇乜大影響，佢狗屎垃圾都放入口，腸胃之壯健，
但高糖份會對佢個肝臟做成壓力，一個月一次就足夠了。
反而叢林龜如歐陸/紅黃腿反而冇影響，
佢地原生地本就有大量腐爛掉地既水果比佢地食，
而佢地對水份有高要求，得閒餵下都冇乜所謂。睇下自己個只係乜種類龜，自己執生。
「個人意見，僅作參考。」

alexwong2012

Gary 發表於 2013-1-20 22:02
水果其實可以間中食,,而車前草,,蒲公英,,大紅葉,,桑葉等應做主食,,M糧節糧則作為副助食品
以上只個人見解,, ...

其實食得M糧多,啲生長紋會粗和好易起釘架!

Fatal_Paladin

水果糧係非常好既開口糧, 對於有自閉、絕食及小食問題既龜好有用。

Gary

水果其實可以間中食,,而車前草,,蒲公英,,大紅葉,,桑葉等應做主食,,M糧節糧則作為副助食品
以上只個人見解,,用錯請大家指點^_^

tonycha

skclan 發表於 2013-1-20 13:22
食左水果後一定會偏食，對於健康同隆背等問題
食材只係其中一個因素，濕度陽光空間等更加重要，
我個人唔主 ...

師兄講得好岩!  食左水果後一定會偏食!
因為陸龜勁鍾意食水果, 食水果後, 連平時好鍾意食的M糧都唔望一下.
但這反而更好, 我把香蕉同所有糧撈埋一起, 全部食晒!  (龜好鍾意香蕉味, 其實有D龜糧都有放香蕉味入去啦)

我現在餵一半水果, 一半M糧, 新紋未起過釘, 一切都好健康.  不過可能如師兄所講, 只適合海島龜及雜食性雨林龜吧.

skclan

仲有樣好重要，香蕉嚟講箱龜都唔可以日日食，
更何況對於陸龜，每個人養法都唔同，
但大家方向都是一樣，有人話m糧主食會隆背
我有朋友養左兩三年陸龜，不同品種從沒加鈣粉及任何鮮乾牧草，
只餵m糧兩三天一餐放養環境，龜龜身型同保齡球一樣...

skclan

食左水果後一定會偏食，對於健康同隆背等問題
食材只係其中一個因素，濕度陽光空間等更加重要，
我個人唔主張主食生果，糖份水份極之高，
唔適合就係唔適合，簡單一個例子貓狗唔可以食人野一樣
問題可能一時三刻未出現，時間會令對錯慢慢浮現，
可能樓主嘅餵法係可以引用於海島龜，用作高纖龜的話，
九條命都唔夠玩，個人意見。

benlc

樓主update 下你隻達，好想睇下近況

三龍骨

吃慣左水果会否偏食

Gary

同意,,d龜超鍾意食生果^_^