花鼠一問.

笨婷;}

各位師兄師姐好
本人諗住今年買一對花鼠黎養.
因為完左中學課程, 會多左好多時間可以陪佢地.
我以前都有起其他forum 問過有關花鼠既野.
但個個答既都唔同..
希望依度有資深花鼠養家解答到我啦!

一男一女既花鼠可以一齊養嗎?
我原本諗住買2個1米高既籠先.
長度可能會買同籠既長度差唔多.
闊度就暫時未定住.
但我怕好似太大. 會唔夠位放.

另外. 我係諗住將個籠放起自己房既.
但我夏天一定會開冷氣.
佢地怕凍嗎?
如果我開冷氣既時候用毛巾遮住個籠會唔會好啲?

同埋. 我想問大約幾多個月既花鼠會易上手啲?
岩岩介左奶再買黎養會唔會好啲?
同埋大約係幾大隻? 好怕會比人呃呢. 始終第一次養依類動物.

我之前睇文既post 有相教人分男女.
但係我睇完都唔明 (蠢...
我怕到時交易會唔識分
有無師兄師姐可以詳盡啲講解我聽?

最後@@. 我係諗住set好晒籠入面既野先買花鼠番黎.
起入面放定我著過既舊衫/襪
會唔會到時可以令佢地快少少習慣我既味?
有養花鼠既朋友可以share 一下您地個籠嗎@@

kukang

花栗鼠用倉鼠籠會比較好
空間夠大養多幾隻都問題
大部份人買寵太多,籠又唔夠大先打或食同伴
唔用舊衫經常餵佢食野佢都會痴人
開冷氣都唔會好凍

kara

http://www.hkturtle.org/forum.ph ... &extra=page%3D1

skclan

花栗鼠好粗生好易養,養一對無問題
最緊要個籠夠高身,一般雀街雀籠賣到過百都岩用..
開冷氣唔怕,最緊要有個竇比佢地取曖,吊床最好
識唔識分男女都無問題,香港好難繁殖..最主要有個伴..
上手唔係隻隻得,好睇個體,有D返黎無耐己經好痴你
有D養左幾年都難上手,仲有一樣好怕大聲要小心
好易走佬,放你著過既衫會令佢地更易熟悉你習慣你陣味
初養可以多觀察佢地,之後開始用水放籠邊餵食物
慢慢習慣就可以直接用手餵比佢地食,有樣野要注意
捉佢地千萬不要捉尾,好易斷的!
花鼠係好簡單好粗生既動物,你養過就知無難度..
食物方面可餵麥皮蟲,即食麥皮,瓜子,花生,核桃,果仁等等..

比個網你參考下http://www.herpera.com/chmunk.htm

笨婷;}

iamnero 發表於 2013-1-23 17:44
係龜友論壇揾花鼠專家有d困難，我覺得天竺鼠好玩d

因為我記得應該年幾前有起度見過好多人有養花鼠
但依排睇番好似少左好多人咁 ><

iamnero

係龜友論壇揾花鼠專家有d困難，我覺得天竺鼠好玩d