豈有此理！（轉貼）

啊橙

豈有此理！（轉貼）
https://www.facebook.com/photo.php?fbid=542749722414336&set=a.526151317407510.113915.526123307410311&type=1&theater

（轉貼）豈有此理！平民小店老闆的善心，不是用來贊助大
學生開Party！！請廣傳！！

【十級怒】大學生自己攪Party　苛求明哥免費送食物

戰友和明哥在店內閒談期間，他說四月初會贊助一間大學學
生party 數十份的下午茶.......等等，戰友聽落唔係好妥，
什麼大學.....贊助......下午茶！？詳細問下
發生咩事！

之後直接致電明哥，頂！！！！！唔係下麻！原來上月，浸
會大學有不同學系的學生，上門同明哥話冇資源，要求明哥
贊助三文治、魚蛋同鷄翼比佢地開party的食物！明哥
那個率直的性格又不懂拒絕，結果一個問完又到第二個，已
經有三四次！ 四月仲有兩次！！！

浸會大學的「大學生」！你地冇野麻！你地有冇腦架，有冇
良心架！！你地唔去五星級大酒店拍門贊助，竟要找一個連
衫穿左都要補！找一間賙濟窮人、老人家和無家者的良心小
店，去贊助你地開讀大學的學生開party!!!! 你地可以好意思出口問？你地係有病？係咪讀書讀壞左個腦
！？仲要唔係一個，而係一大班！你地知唔醜字點寫？

你地有良心，就成班人自動自覺夾番錢比明哥！

1：（13/3) 浸會大學學生會樹仁堂（魯迅節）
2：（23/3) 浸會大學學生會經濟學系
3：（25/3) 浸會大學中國研究課程學會

下月，未攞的這一班，唔該你一係比錢，一係自己搞掂佢，
唔好搵明哥笨！
1：（8/4) 浸會大學政治國際關系學會
2： （19/4）浸會大學圖象傳播學系學會幹事會
By Benson Tsang

人稱明哥的北河燒臘飯店老闆陳灼明，多年來熱心公益，為
了令深水埗好多靠綜緩的街坊可以負擔得起，多年來堅持不
加價，$20可以食三餸飯，或者買到一大碟好餸（包括咖
哩蟹），又同慈善機構合作攪飯­票，而且堅持每一個月都
派一次飯給露宿者。

龜心似箭

1. IVE LEAGUE 香港專業教育學院
以高認受性的學術成續榮登全港一等一學府, 學生多以中三/五畢業之齡就入讀I大, I大學生成就不可嘍囉而言語

2. The University of Hong Kong 香港大學
港島區唯一一間大學, 座落全球首屈地段-中西區, 全球排名第一的亞洲大學, 以醫科及法學為名, 學生大多出世富裕家庭或ABC, 日間走堂, 夜間到蘭桂坊消遣, 但GPA仍不俗, 校內有多間星巴克, APPLE STORE, PACIFIC COFFEE, FROYO店, 素食店等, 堪稱中產階級的縮影

3. UST 科技大學
近年冒起的大學, 以商科為名, 但學生表示作為科大生壓力甚大, 曾被冠以The University of Stress and Tension 之惡名, 曾出現多宗科大學生自殺案

4. CUHK 中文大學
位於新界, 由於部分入讀的學生的外貌較老土, 中大學生被冠以"村姑毒男", 例子有「物理鳳凰」, 但近年中大的迎新營以不雅口號為傳媒注視, 可見部分村姑毒男立志改變形像

5. POLYU 理工大學
因大學本部的建築由紅磚所建造, 故被稱紅磚大學, 為學店始祖, 學生對學校無甚歸屬感, 出名的學科包括物理治療, 酒店管理等, 屬職業類學科. 學術氣息欠奉, 理大學生亦沒有可辨識的特徵, 被人璣為職業訓練學校

6. CITYU 城市大學 及 BU 浸會大學
城大成為全球首間座落於商場的大學, 學生於課餘可到商場購物或享用美食, 甚為方便, 學生青出於藍, 校友包括將貓仔用膠紙痴在牆壁的「虐貓男」, 狐狸精「張茆」, 而我不知道「仇思達」是誰, 津巴布韋總統付馬等等, 學校被戲稱為SHITTY U及又一城市大學

浸大於近年冒起, 3月的SING CON 請得樂壇小強TOMMY仔作嘉賓, 被網民笑指「垃圾學校請垃圾嘉賓」, 與HKU SING CON請方大同作嘉賓相形見拙, 近日更爆出有部分學會找小店作SPONSOR, 無恥程度令浸大便冠以BEGGAR U之美名, 浸大學生的回應更令網民髮指, 認為浸大學生「無腦」, 此舉更令浸大成功與城大齊名, 成為大學界中的關心妍

dragonkomodo

回復 啊橙 的帖子

我覺得呢單野並非網絡欺凌!  而係公憤!
三哥老婆戚美珍個節目一出街(訪問明哥2次), 感動全港市民, 我當時睇完都感動到喊
明哥70歲, 唔退休,都仲要做餐死,照顧長者、露宿者飲食...

"全港唯一的露宿者免費飯堂於除夕夜關閉後，有熱心市民火速於網上大召集，自組義工隊出錢出力為露宿者送暖。他們來自五湖四海，當中包括影星洪金寶、茶餐廳東主、退休人士及學生，接力讓露宿者溫飽度歲。黃昏五時許，人稱明哥的餐廳東主陳灼明，親自將兩箱裝滿各款飯餸的飯盒、幾箱支裝水和生果等，送到砵蘭街露宿者行動委員會的會址。明哥說得知委員會暫停服務後，擔心露宿者三餐不繼，便主動提出送飯盒，「一日送45至50盒飯，仲有飲品同水果。」"

明哥故事感動全城, 有誰不知? 有誰不被感動?  我期期六合彩都有買, 我自己同自己講, 如果我中幾千萬, 一定要學明哥, 開間soup kitchen, 並且親力親為!

頂你, 今日返到公司, 全公司既人都鬧緊浸大有關呢件事, 全公司同事都曾經聽過明哥既感人故事, 並非人鬧我鬧!!  除非浸大D學生個個都係井中蛙, 我就唔信國際事務系都唔識明哥???  所以, 請大家理解、明白點解全城鬧爆浸大學生同露宿者、老人家爭食, R社會捐款!!!!!!!

浸大5個唔同既學生組織r sponsor

bb940

成班食塞米！！

龜友

唉,人地做間咁GE檔口用真正街坊價錢賣野,咁都要R人
香港的年輕人呀,識諗深一層嗎

jellyfish

各位會員龜友請自重，做糾察的我好難做!
麻煩不要打粗口或諧音字…
集體打字係咁粗口攻擊性…
我唔知做唔做野好…

jellyfish

cmt3602tt 發表於 2013-3-27 16:34
我覺得問題不在大學生身上，明哥如果覺得唔想贊助可以拒絕，唔通佢地會打佢? ...

有一種叫做群眾壓力法則:

我拎工作上例子

公司活動需要買活動佈置
本來唔係我工作範疇負責!
一個同事問
呀man你幫公司買佈置好嗎?
我想推...但另一個說麻煩你啦!我靜止了但想發言既時候...
第3位同事:我地手頭上好多野做 (我睇唔出佢有咩忙)
第4同事我都唔得....如此類推
成堆同事群眾壓力行過來異口同聲又說最合人選~
說滑頭說話 (佢地講到尾都是想我去做!我都有野跟緊...)
問完1次又1次厚面皮...我頂不了接二連三群眾請求.....
(我最後去做...大家唔願去買野,二來搵公司拎番錢手續煩多...起碼兩三個月)
o甘我夠係...冇推..人地問!去拜託我就去做!
我唔係果個部門既人,但老細唔理邊個辦只要有人去做可以了!
有d野唔係我沒推就心甘情願~也沒有用刀叉住我~

另有一種叫自發性憐憫心(一般正常人都有)
假設我在街路見到位樣子好乖巧小學生買午餐食,發現帶唔夠錢還欠5蚊,
佢苦苦相求問我可否資肋5蚊午餐,身上只有8蚊的我?會唔會資助佢?

(道理就差不多我望到年紀比我少的小朋友,作為大姐姐大哥哥會忍心拒絕?
當我資肋小朋友後發現轉頭~佢竟然在書包拎薯片朱古力,檸檬茶出來.....
正常人是會後悔資助佢...搞到得返3蚊在身上~)

啊橙

浸大R贊助事年中，有網民不斷上綱上線的批評，
某程道上已接近cyber bullying，網絡上掀起一場「道德」審判
有人認為網上審判係不合理，不全面
的確，係一個資訊泛濫既年代，只要上網就能知天下事
但過多既資訊就成為網民既證詞，就不同事件作一個批評
係網絡上發言，發帖等，主要目的係為左吸引人留意
或尋找同一理念既人，好等一齊「炮打」
而最主要既攻擊武器，正是「道德」
道德呢樣不可視之物，如何成為武器?
道德既標立係一群人對某種情感上既共識
就好似君君，臣臣一樣，係一種共識，
君不君，臣不臣，係失德既事，係不道德既事
越軌既行為，就係失德，咁咩係越軌?就係民眾既共識
「網絡審判可恥」，咁點樣既道德審判先唔可恥?
從來道德既審判係邊到進行?
係祠堂?係異端裁判所?係法庭?
報紙上既社論就係一種對社會既審判，
但係報紙上面發表，所以合理。而係網絡上面就可恥
定還是因人而異? 網絡審判可恥，係因為網民算哪根蔥?
審判者一定要有專業既資格，有社會地位，所以佢有權力審計
蟻民字都係識幾只，學咩人做審判? 咁道德既審判就好似財富一樣
又落番係少數人既手中，無發言權既蟻民只可以話係不幸。到最後咩係人民共識?不過係上位者說了算，下位者食了算

啊橙

nichol 發表於 2013-3-27 19:34
而且
揾sponsor間間大學都有，為何係要呢排浸大争取李惠利的敏感時間先比人話有問題？ ...

R贊助本身唔係問題
最重要既係態度
R錯贊助比人鬧又點
重緊要既係肯認錯同改過
既然走去R一間為市民服務既店鋪
就應該回饋番比社會

U87111

http://cablenews.i-cable.com/web ... .php?news_id=404106

浸 大 學 生 尋 基 層 飯 店 贊 助 遭 抨 擊

啊橙

nichol 發表於 2013-3-27 16:16
人渣? 厚顏無齒?
大家覺得呢個係事實既全部?
如果就職典禮係PARTY, OK 佢岩.

R贊助唔係問題，
但點解有咁多間唔R
要R一間小本經營既店鋪
一個學會去R冇問題，
但接二連三咁有不同既學會去明哥個到R
唔通咁多人裡面真係冇一個人會去思維，
呢間店舖應唔應該R

一竹篙打一船人係唔岩
但而家係幾支竹咁去打BU，
外界好難唔去懷疑BU既道德教育

你講到就職典禮咁把炮，
但充其量係為學生服務
但而家受苦既係一個為社會服務既人
R贊助個尐人會否過於放大佢地既就職典禮?
上莊的確唔係一般人識既字，
咁白癡既用語
總無文理可言既用語有人唔識係好正常
唔好將「上莊」呢件事放係神檯到

既然你咁重視就。職。典。禮，
宴請咁多有頭面既嘉賓
做咩搵間咁唔起眼既店鋪，唔怕失禮嘉賓?

nichol

而且
揾sponsor間間大學都有，為何係要呢排浸大争取李惠利的敏感時間先比人話有問題？

nichol

算吧, 如何解釋, 香港人只會相信第一個VERSION, 不認自己有錯
BU 學生有錯
錯就錯在冇留意時事, 仲R 個窮人
明哥也有錯
有經濟困難不懂說? 不能拒絕?
明哥是好人, 明白的,
但不應該全怪BU的學生.

最不憤就是說BU學生開PARTY, 就職典禮是一件好認真既事,
校園不同的SOCIETY, 不同U 的SOC 也會到
被說成PARTY, 有點那過

沒其他好說了
還請一些CHING 自重, 當攻擊BU學生時, 不要混雙非, 土地等來說.
是非常幼稚的行為
*我不是當時人, 只是一名小小的BU學生.

jellyfish

https://m.facebook.com/?ref=tn_t ... mp;__user=714798701

dragonkomodo

龜媽 發表於 2013-3-27 17:09
今次陳新滋要好好教吓班細蚊仔了.
因為其中有D細蚊仔仲夠膽死公開話"我的確唔覺有咩錯, SPONSOR 一直都係 ...

佢教好D細既?  佢都帶頭R地啦!  臭Urn 出臭草!

welcome

回復 nichol 的帖子

你有份R?

龜心似箭

浸會醫院 R 雙非
浸會大學 R 地
浸大學生 R 下午茶.

龜媽

龜心似箭 發表於 2013-3-27 17:01
浸會大學多個學生組織向良心飯店、北河燒臘飯店要求贊助活動，被批評與窮人爭飯食，事件在網上瘋傳，浸大 ...

今次陳新滋要好好教吓班細蚊仔了.
因為其中有D細蚊仔仲夠膽死公開話"我的確唔覺有咩錯, SPONSOR 一直都係咁R, 每間大學都係咁R"
唉！道德標準之低表露無遺！其實唔怪得晒呢班人,依而香港處處都係弱肉强食,窮人被剝削,佢地係有樣學樣.

龜心似箭

龜媽 發表於 2013-3-27 16:11
我要向浸會大學校長陳新滋教授投訴呢條事,同時將事件向東方及蘋果報料.

浸會大學多個學生組織向良心飯店、北河燒臘飯店要求贊助活動，被批評與窮人爭飯食，事件在網上瘋傳，浸大校長陳新滋表示已知悉事件，校方會向學生了解，又說：「如果真係啲細蚊仔唔啱，都係要教下嘅。」

陳新滋又讚揚明哥「真係一個好人」，表示會考慮如何協助明哥義舉。對於有意見認為學生可以加入明哥齊齊做義工「補鑊」，陳新滋形容是「好提議」。

浸大細蚊仔

nichol

佢地一定知明哥有難？
是非黑白非三言兩語解釋到

龜心似箭

nichol 發表於 2013-3-27 16:16
人渣? 厚顏無齒?
大家覺得呢個係事實既全部?
如果就職典禮係PARTY, OK 佢岩.

明哥係好心, 但就變成辜釋養奸, 香港咁多80後、90後問題, 就係我地或上一代, 太過溺愛他們, 變成裙腳仔, 或有持無恐. 長遠睇香港玩Ｌ完, 都係德育出問題. 今次唔係錢多、錢少問題, 係原則問題, 那些甚麼活動, 為何要飲飲食食, 同中共國果Ｄ公費開會有乜分別, 可能係更衰, 因為果Ｄ都係食稅款, 今次係明呃Ｄ良心商號, 行為同騙子無大分別.