幫阿龜換間新屋

Wingu

終於有時間幫阿龜換間新屋，仲加咗個浮台比佢。

而家用緊海鹽加龜康寶滲緊新箱，想個要滲幾耐？

khip

Wingu 發表於 2013-4-10 03:10
回復 khip 的帖子

我每個星期都有放佢出離行，行之前都會用膠＂箭＂舖咗地同圍住佢，但每日就做唔倒，始終 ...

你有機會拍條片睇下

另外要每日一之都唔夠，天加唔好講一星期一次

Wingu

回復 khip 的帖子

我每個星期都有放佢出離行，行之前都會用膠＂箭＂舖咗地同圍住佢，但每日就做唔倒，始終要番工，屋企人都要係間屋度生活。

一星期一次足夠嘛？

另外，我開番支熱燈比佢佢就冇再叫，咁係代表啲咩？ 因為屋企人唔比開過夜，所以瞓覺就會熄（大概半夜兩點左右熄）。

Wingu

如果真係要放棄佢，我都揾唔倒一個信得過嘅人，我嘅朋友冇人養龜的。如果要我交比一個未養過嘅人，點解我唔自己養番？如果交比一個唔識嘅人，我又點知嗰個人信唔信得過？

khip

Wingu 發表於 2013-4-10 02:56
回復 khip 的帖子

我唔係唔肯比，係我比唔倒。亦唔想放棄佢，就正因為地方所限，先來forum 尋求意見同方法 ...

唔想放棄，又想俾好環境唯一既方法就係擴展，擴展以外既方法都唔係對龜隻最好既方法。

你放佢周圍走，佢有機會食到垃圾，身上帶住大量塵囂亦容易受傷。


否則你寧願乜都唔好擺，只係加深水俾佢，每日搵個時間放佢係指定範圍散步。

Wingu

回復 khip 的帖子

我唔係唔肯比，係我比唔倒。亦唔想放棄佢，就正因為地方所限，先來forum 尋求意見同方法。

khip

Wingu 發表於 2013-4-10 01:53
回復 morikwai 的帖子

謝謝。

巴西龜唔會叫，你要考慮下佢是否已經生病。

同埋唔係因為習唔習慣，只係因為冇水俾佢油，佢隨左爬仲有咩可以做?

khip

Wingu 發表於 2013-4-7 04:29
我係完全知道個箱對龜離講係好好好細，亦都知呢個唔係一個最好o既setting, 但呢個箱已經係我屋企可以擺到最 ...

如果係咁不如你考慮唔好去養，你既安排令人覺得你同虐待佢冇咩分別。

又想有水陸地，又唔肯俾地方冇咩可能。

Wingu

回復 morikwai 的帖子

謝謝。

整好o左一定會貼上來，而家暫時擺咗瓷磚，燈同溫度計，水位剛剛到瓷磚，暫時冇得游水，但總算有得濕o下。

不過唔知呀龜係咪未慣新屋，成日都想爬出離同叫，但望住佢就會停，一另轉身又再叫過，晚晚都拆屋咁。究竟佢係唔舒服?唔習慣？還是扭計呢？

morikwai

回復 Wingu 的帖子

sofar我那張貼都捱左一年,平時洗箱不用洗那邊.
如果怕咬爛溫度計加暖管時才check溫度.你隻龜咁大可能咬力驚人,食左都唔知咩事
希望過一段時間龜的環境改善左再來貼下龜相,加油

Wingu

回復 RainTonGTonG 的帖子

自從上次發現佢比地板刮傷咗大脾仔之後就舖咗膠布先會比佢出離行喇！所以次數都少咗，因為舖咗膠布屋企人就出入唔倒，所以而家都係等自己一個係屋企先會比佢出巡。我通常都等佢便便咗先放佢行，如果佢便咗上地毯我諗我媽媽會發癲！

佢好鐘意出巡同埋好鐘意呢係我對拖鞋入面，次次出巡完搬佢番入箱佢都比個好唔願意嘅樣我睇-___- 同埋試圖逃走。

Wingu

回復 morikwai 的帖子

我以前都有用呢隻貼嘅温度計，不過用幾用佢就失靈，然後先轉用圓形嗰隻（魚街啲人話啱用我先買-___-) 昨日已經加咗支細嘅温度計。希望佢唔會咬爛喇！（佢咩都咬咗先㗎！@_@

RainTonGTonG

你放佢出屋周圍行ok,叫屋企人行個時小心0.0
定期放佢去游水同晒太陽,因為你隻龜都感大,巴西好粗養
我以前個隻(大過u)都係感周圍走,不過搵屎辛苦d  ~.~

morikwai

你在家放阿龜出來散步就OK~
魚街好似有夾或勾賣.不過浮台就唔知點整,留待其他師兄師姐教路.
牠要出來咪加高D...加夠20/30cm又或者再加塊透明膠板做蓋.(如果加個格仔蓋就變左籠)加建部份用夾固定,換水都方便.
水高20-25cm高,主要看龜落水有沒有''淺''水出來.浮台應該都夾响膠箱安全D

(我隻龜,龜齡少你好多)
呢隻貼的溫度計可能都啱你. ($8-12) 另外買一枝細溫度計for開燈位溫度 ($10)
加油~

Wingu

回復 morikwai 的帖子

我都相信呢度o既龜友係愛龜之人。

因為廁所沖涼同一個地方，所以之前間中放龜出離行都要先洗淨toilet 地下同埋舖膠布，如果屋得我自己一個o既時候就會咁做，最多去toilet 時小心D 唔好踩倒佢，但長期咁做就唔可行。
間中都有比佢出廳行，但係都係要屋企冇人出入同舖膠布(屋企木板地，之前冇舖膠布，呀龜舊肥脾肉比地板刮傷o左。)

我本來諗住半缸水，之後個浮台，但個浮台唔多夠力，呀龜爬o左上去就成個沉o左，而家搵緊有冇D 部件可以掛係箱邊托住個浮台，同埋cut 細個台少少等個台可以打橫擺冇咁阻位。

我想問師兄加格仔板會唔會令佢易借力爬出離？而家個箱高30cm,  水位應該要幾多好？

morikwai

唔知咁樣加建會不會好D,至少都有水有浮台又不用買大size箱.

呢度D龜友很善心啦
不過看樓主的情況,隻龜都不能半放養吧?(响屋四圍行)如果得都唔使煩浮台
加油~

Wingu

回復 43qu782 的帖子

所以昨晚已經拎起o左，而家諗緊點咩整等佢唔駛長時期乾或者長時期滲水。

43qu782

空間咁細你仲放多舊浮台

Wingu

我係完全知道個箱對龜離講係好好好細，亦都知呢個唔係一個最好o既setting, 但呢個箱已經係我屋企可以擺到最大o既size, 浮台係想唔駛成日乾養等佢有水又有個地方佢爬o下, 仲係度用唔同o既方法試緊。

知道咩對龜好同容唔容許去做係兩回事，人人都想屋企有地方比個大Do既空間隻龜 (我都好羨慕有D 師兄地方比較大／有天台露台 even 大窗台)，但有幾多人可以咁做? 屋企得個百令呎住o左3個人，我都想比個大D o既箱佢，但唔得。亦有諗過比佢係toilet, 但屋企toilet 係一入去就係沖涼企位之後就係座廁，如果擺toliet 屋企人沖涼就要搬走佢(我唔知成日搬來搬去會唔會對龜唔好)，而且toilet 冇插頭，入toilet 就唔可以照燈，或者要係toilet 出面拉電線入去，咁去toilet 時就要拎走佢或者唔閂門。

貼圖出離都係想知有咩可以再做好D，有師兄覺得太迫唔好擺浮台，浮台可以拎番走，但有咩其他方法做倒水陸兩地呢？還是成龜可以唔駛水陸兩地都得？有師兄話個溫度計唔o岩，亦都可以換過。有師兄覺得箱太細應該換個大D, 亦都多謝師兄o既提點，但係提點之外o既評論...

好多時係forum 見倒好多人o既意見都評人o地個箱太細呢樣唔好個樣唔好，但有冇考慮過別人o既處境? (當然亦有人係冇做足功課有事先離forum 求救，自問都唔係100% 做足功課先開始養呀龜) 唔好話屋企細就唔好學人養小動物，老實講十幾年前十令歲人仔真係唔知一隻$10 可以擺係掌心o既龜仔會變成咁大，難度因為佢咁大屋企咁細養o左十幾年叫我放棄佢？難度日本成實惠o既箱同呢個箱o既差格爭好遠？(上一個箱就係日本成膠箱，不過唔係最大size)買得個新箱比佢當然想有咁大買咁大，經常換箱對龜離講都唔係一件好事，但呢一刻就只係可以做到咁大，所以先離forum 睇o下其他人有咩經驗可以share o下，係有限o既條件之下做到最好，亦希望得倒D實質同實際o既提議。

以上o既一段話可能會得罪師兄門，但呢段話係過去睇o左一段時間forum 同埋呢個post 之後o既感想，我唔係介意別人o既批評，但都係o個句，希望得到實質同實際o既提議。如有冒犯，我係呢度先講句“對唔住”。

bgw10

Wingu 發表於 2013-4-7 01:02
完成。

不過呀龜唔多高興個箱咁高佢做唔倒引體上升。

你個箱會唔會太細呀？？

小豹

對住呢個setting有啲無言，隻巴西郁都郁唔到！仲有個溫度計想點？？果隻溫度計係俾陸龟用！！唔該你認真諗下咩先對隻巴西最好啦！！