投選魚街中你認為最好既爬店！！！！！！！

SnappingTurtle

上次開左個選服務態度最差爬店既poz，可能涉及好多好多問題，影響論壇日後發展（某版主講），今次就搞個選魚街最好爬店既poz，應該無問題啦！

nero1819

奇珍屋，細心留意下，只有奇珍屋啲龜，唔食野嗰陣會跑來跑去好生猛，其他店舖嗰啲一律瞓覺

Jackyyau28

奇珍個老細都幾好人，我買過兩次龜，兩次都贈我一句：我Ｄ龜一定靚。不過最印象深刻嘅係成間舖都係煙味…

Kurobuta

奇珍可能係魚街最早有陸龜的店舖之一，十幾年前已經比佢啲陸龜吸引，睇多幾次就買了第一隻盾臂，跟住一年內就同佢買豹買星 total 6隻，全部健康，一星期前就再同佢入刀貝蛋和阿根廷側勁，雖然自己心中都揀定邊隻，但都叫佢幫多揀，竟然又比佢揀到我心水喎！回家入缸即開口食嘢，講唔出奇珍除了物種多外還有咩好，但想買龜都會同佢買，昨天想同佢入隻蛇頸，點知賣剩一隻有背傷，結果決定去熱帶雨林買隻卡鑽苗，老婆在元朗爬店睇中卡鑽，奈何太貴放棄， 上星期見到又驚苗難養都無買，結果昨天忍不住入手了

anderson.cph4

作為一個新手，感受到稀鰭同香港爬道的熱情服務及耐心解答。基本上都係去呢兩間買野
魚佬都好，但次次去都好多人，店員好忙@@"

Darwinia

各位：除了旺角和元朗區；請問哪區有售比較稀有两棲／爬蟲的店呀？

BIG龜

除左識奇珍屋，其他都唔記得咩名

boap

根本揀唔落手!!!!

whampoa

奇珍屋每次經過魚街,我都會入去睇吓龜吓混桔,簡中問吓嘢無幫親,需然長毛個樣好似好惡好寸咁,但唔好比佢外表嚇Q到,你無幫親問親嘢佢都答你,上個月8點左右係佢門口度睇Q咗好耐D龜仔,長毛老細係鋪入面整嘢,我叫佢出嚟攞咗隻紅腿象龜仔比我睇,佢攞咗隻龜仔比我,叫我係門口度慢慢睇,即刻返入鋪整嘢,背住我都無Q理度我,佢又唔驚我會係門口度帶埋隻龜仔著草,後來比咗550買咗隻紅腿象龜仔,跟住問吓佢紅腿象龜大唔大食,佢話叫得象龜更係大食,真係比佢吹Q漲,係鋪入面D龜仔好多時都幾拾隻咁比人定咗,佢好似有做埋批發龜仔,不過佢賣D龜仔都好健康活潑,價錢又合理.

waterwater

經過魚街都會睇龜龜，咁多間奇珍屋係最奇嘅一間，店舖好細之餘仲無其他店一樣裝修，感覺好舊，但有另類親切感，間店古古怪怪但個店主仲怪，外觀好有「男人味」有別一般老細款之餘，仲要對客愛理不理成日掛住同fd吹水，次次行過都見佢高朋滿座吹唔停，好似唔憂做，唔擔心人偷野賺錢買花戴咁，仲有樣怪係掟低個十歲以下嘅細路一個睇舖自己走左去咁都得，果個細路可能係佢個仔，老氣橫秋到賣野似個大人唔似細路，十幾年前三隻寶寶就係响奇珍屋買，果時間店就係只得個細路，佢好好人把口仲好識sell 野，結果諗住買兩隻變左買三隻，仲要龜糧其他雜物全部一次過埋單，見到個細路真係傻眼，心諗有無人告過店主虐兒或者顧用十六歲以下小童犯法？第一次同個細路deal，似回到從前香港七十年代，結果買番黎嘅龜龜好健康好強壯好活潑，推介嘅物品好好用，品牌用到依家，轉過但最後都係轉用番，覺得係最好，果個細路依家應該變左大人出黎做野，因店舖古怪另類，每次去魚街都會去裝一下有無靚龜或另類爬蟲，有次見無左間舖以為佢嘅另類生意手法做唔住執左感覺好失落，點知過無耐又出現番，真係延續佢另類做生意手法，見佢出番黎都好開心，間舖陪左我好多歲月，雖然無咩幫襯齋睇，但好似已成了魚街標記之一，個人嘅落腳點，集體回憶，多年老舖。

祖堯yiu

因為工作關係，我幾乎每日都會經過魚街
包括奇珍，幾乎每日都會望兩眼先會走
其實我好想睇下裹面有咩品種既龜
但無奈女朋友在旁，無辦法睇
你地都知睇岩一隻龜要幾耐架啦。
佢又驚呢樣驚個樣haha
所以我未幫親過，但介紹過朋友去買
到以家為止，我幾個朋友都係好評
我見d龜都係活潑大食，健唔健康唔係獸醫唔會講
但真係周圍爬。

bean2008

其他未去過。。不過爬蟲地帶就冇乜服務

小虎

覺得阿擇好似5休做咁時間唔定

yim213385cyt

奇珍O.k我剛買了一隻缘。

教父

Leung728xDc5 發表於 2015-3-16 12:07
認同尾部分

Leung728xDc5

教父 發表於 2014-10-22 22:50
奇珍幾好
但因店面細，有時入去怕阻住老闆~
魚佬有部分員工態度「超好」 ...

認同尾部分

raymondcheng

綜合價錢,龜質數,服務....
我都會選奇珍!!!

luis007lyk

回復 ah林-3- 的帖子

你呢句野好正

釗

我覺得龜仔樂園都幾好！