石金兄弟之終於溺水了，昨晚發生，養水龜的請看。

banseven

前文：前日轉左個草缸養佢兩兄弟，有師兄提醒過我小心浸死佢地，我仲話我唔驚佢地浸親，反而驚佢地給濾水喉吸住上唔翻水面。
http://www.hkturtle.org/forum.php?mod=viewthread&tid=76151


昨天中午出門，忘了先把龜放回中蜂牌白色合，晚上回到家，一開門就先望一望小龜缸，只見到小石金真的給濾水喉索住，我立刻衝到缸前，見小金的頸已申長，我把牠撈起，同時我見水還很清，牠也很柔軟，我意識到是剛剛發生，我本能地衝到房內取了吹鏡頭用的塵槍，對著牠的鼻吸了一下，但立刻我又諗牠那麼小，太大力吸可能對牠做成不良後果，我放慢了手勢，吸了三下，沒有水出來，只見牠後肢前的腹腔好像凹了，於是我慢慢又再吹了一口氣，又是沒反應，當時牠的口是關上的，我用力把它打開了，吸了一下，我聽見有飲管啜水的聲，於是我吸多了一下後，又吹了一口氣給牠，然後又在鼻孔吸了一下，又來了一下啜水聲，其實我只知要吸同吹，我跟本不知道空氣有否進入肺部，突然間我牠斬了一下眼，之後我不斷來來回回的吸吸吹吹，我見牠腹腔好像郁了兩下，有點像呼吸，以上寫的只不過是發生了三分鐘既事情，突然間，我老婆(一個對動物毫無認識的人)拿著手提，跟我說要頭下腳上的倒轉牠，要拉扯牠的前肢幫助牠進氣，、與及又要輕拍其背部幫牠把水弄出來，原來她在我為小金急救時，同時間已上網找到資料，我又繼續又吹又吸又拉又拍，牠開始自行呼吸，起初呼吸了兩三下就停，我不斷幫牠，後來呼吸到五六下，之後牠突然間自已反轉了身子，我知牠已清醒了，不過當時還軟綿綿的，我對著牠半個小時，看見牠已經能自行呼吸，手也變得有力，我把牠放到禸外賣的膠合，放了點紙巾，之後一個小時，牠排了兩次水便，排出來的水把紙巾弄濕了一個約五蚊銀大小的面積，之後又慢慢地牠能提頭縮到平時的形態，就這樣給我救回來。

跟住我再找資料，資料說溺水後可能會肺炎，今天早上見牠沒事，不過我沒餵牠，收工回家後，我弄好了龜缸，放牠回去，牠好像已經沒事，還吃了四粒發色糧。

這不是故仔、是真事，救回牠主要是因為太太找到資料，拉出推入牠的手可以使佢呼吸，要不然牠可能求不回，長篇大論寫這個出來，也想過有人會多說話，我不怕給人罵，自已大意給愛龜的龜友罵死也沒話好說，寫出是因為每個龜友都可能會發生這種事，溺水不是感冒，等不了你把牠帶到獸醫面前，時間一久就算強如中蜂都愛莫能助，不過我都唔希望大家用得著我呢個不幸的經驗，如果昨晚停一停在樓下買碗豆腐花，小金就沒救了！

就是這個吹塵槍幫手救回大命金！



換了底板，牠們潛不下去了。


放棄用白膠合，係因為我覺得龜仔咁樣會開心好多，反正我唔會賣佢地，牠將來發到什麼色，也是我的事，反過來說，我這樣欣賞牠也是件樂事！


小金正或改名為大命金！


兩兄弟又重聚！


大金

banseven

joek,我都係新手，我依家放兩寸水。
keip，唔好拆呀

JoeK

回復 banseven 的帖子

師兄你好，小弟新養石金，5.5 cm 底甲，請問可以幾深水？

因喜歡看他游泳，你現在用幾深水呢？

Thanks !

keipip

主人救龜很感人

水深唔緊要，最緊要係上落浮台輕鬆同埋淺水區足夠佢休息同訓覺
加返個花籃安全啲，好彩你分享，如果唔係我都想拆左個花籃等吸屎好啲

jefflamcy

下次小心d喇

nicktong

nice 龜龜^^

nicktong

nice 龜^^

rongruo

banseven 發表於 2013-5-20 21:04
前文：前日轉左個草缸養佢兩兄弟，有師兄提醒過我小心浸死佢地，我仲話我唔驚佢地浸親，反而驚佢地給濾水喉 ...

嚇死人了甘深水丫！！

banseven

多謝大家關心，大命金雖然細粒過人，不過生命頑強，依家過左幾日，一d後遺症都無，好活潑，好大食，玩左新環境，皮膚好似好左好多。

Wongthomas1927

真系大命

leoyuchiu

回復 banseven 的帖子

指甲脫落唔緊要，我果2隻成日都脫，隔一排又生返晒
唔知係咪苗既關係，我覺得佢地對水質要求好高

banseven

大命金$1500,不過體弱，有點角質化，指甲又無故脫落，好彩根還在，石金兄長$1400,應該係同一個老豆，兄長比較大隻，無乜病痛，兩隻都好大食。就係因為佢地成日病，我先諗住整個大水量嘅缸比佢地，就算我一日半日無換水，水質都唔會太差。

leoyuchiu

回復 banseven 的帖子

師兄處變不驚，人人都有大意既時候，師兄無需太自責

題外話: 師兄2隻石金d色咁靚既！？使唔使過千？

Grace0403

無事就好喇,師兄以後一定加倍小心

平安joe

好彩佢無事,但小心之後肺炎

卓子

好感人 希望大命金繼續活得開開心心

banseven

2"水都深，佢地落唔到去下面嫁喎，佢地只會見到我行過先會落水，其餘時間都係舊木上面。

君臨天下

都係太深水了,石金水性太低,咁樣遲早出事放返低少少啦危險呀！

banseven

感覺很神奇，已經死了，又救回來，家陣密切監視佢會唔會有肺炎！

seira2242527

c兄老婆真係好醒目