小巴你唔好玩我啦,我已經心疲力盡頂唔順喇

twbb

我的小巴,一直都多災多難,係呢一個月嚟風雨相伴下睇住你成長,由你一直瞓(左小巴右小西) 到你第一次開口食野 再到你肯落水 但無幾耐之後你又話爛甲 於是去中鋒兄到攞藥搽,期間你都仲肯食肯走四圍游,但你咩事由昨日(31/05)開始又唔肯食野又唔肯落水,放你落水你又掙扎又要爬返返上岸 你知唔知我好擔心你架,瞓又瞓得唔好驚我一瞓醒變左你唔識醒,你千祈唔好有事唔好嚇我呀,我真係已經心疲力盡頂唔順喇....PS:總算係我今朝出門口前見你肯落水....之後既我真係管唔到咁多

mblack

Oh, I am so sorry to hear that, but anyway, you already try your best to save 小巴! 小巴must know that!! RIP....

mblack

c hing 比心機, 只要有愛心, 用心盡力同要有耐性, 小巴先有希望!! 小巴靠你喇

kamkamkaka

回復 siumaiguy 的帖子

學到新知識,謝謝

siumaiguy

twbb 發表於 2013-6-2 04:30
我聽朝開始會試下一切生活都係缸入面，睇下會唔會好d啦

慢慢來。

twbb

siumaiguy 發表於 2013-6-2 03:50
我知爛殼要乾養，但乾養對龜有壓力，龜細隻壓力影響大。
我知你有俾佢浸返水，唔係佢死左好耐，但龜唔會 ...

我聽朝開始會試下一切生活都係缸入面，睇下會唔會好d啦

siumaiguy

twbb 發表於 2013-6-2 02:45
因佢爛殼我帶佢去中鋒到睇,中鋒建議我干養,不過夜晚我有比佢浸返兩三個鐘頭水,我養定左之後一直都係分缸 ...

我知爛殼要乾養，但乾養對龜有壓力，龜細隻壓力影響大。
我知你有俾佢浸返水，唔係佢死左好耐，但龜唔會知道你做乜，成日放佢係乾水的地方。
龜見到有蝦食當然撲水，我覺得人咁大隻龜多少都會怕人。
中峰話要乾養幾耐？

twbb

siumaiguy 發表於 2013-6-2 02:31
動物唔開心會行為古怪，絕食一係身體有病，一係環境令佢唔滿意
你話你有乾養，我就記得水龜乾養真係好唔 ...

因佢爛殼我帶佢去中鋒到睇,中鋒建議我干養,不過夜晚我有比佢浸返兩三個鐘頭水,我養定左之後一直都係分缸餵食一直都無乜野,小巴每次食完龜糧後見我攞出蝦干會立即開心到撲哂水,所以我估佢唔怕人望掛,有時我放佢上手摸佢個頭佢都唔縮唔怕嘅,我唔係迫佢落水,而係見佢長時間唔落水會有問題所以會放佢落水,之後佢爬返上岸我都唔會再搞佢,我屋企唔用冷氣,缸溫同水溫保持30度,我仲怕佢地焗加左把小風扇通風

siumaiguy

twbb 發表於 2013-6-2 01:43
會係環境問題嗎，佢已經干養左幾日，爛殼唔干養唔得，但佢之前有食，係突然之間唔食，我試下放佢落水兩日 ...

動物唔開心會行為古怪，絕食一係身體有病，一係環境令佢唔滿意
你話你有乾養，我就記得水龜乾養真係好唔開心
佢地覺得留在無水或者水位地方唔夠地方會因為缺水源死，會有可能壓力過大唔食野

小巴養左大約一個月都算係新龜，爛甲除非真係好嚴重
我覺得都係俾佢熟左環境先搞其他野好。

餵食時，盡量俾佢係相同環境食野，唔好望住佢食野，等一個鐘左右回來撈唔食的龜糧
唔食兩三日都唔好太擔心，龜唔怕餓親的
唔落水唔好逼佢，你放佢落去水都會嚇到佢
平時有開冷氣嗎，有的話，小巴成日上岸會易冷親

twbb

siumaiguy 發表於 2013-6-2 01:17
乾養會俾佢地好大壓力，會以為困係無水環境等死
拿出來分缸餵水質會好好多，我都係咁做，但拿佢出來會嚇 ...

會係環境問題嗎，佢已經干養左幾日，爛殼唔干養唔得，但佢之前有食，係突然之間唔食，我試下放佢落水兩日睇下環境啦

siumaiguy

twbb 發表於 2013-6-1 20:18
請問點樣先算係一個安全感環境?
我會每朝分缸餵食,之後放返落缸/乾養箱,除非有時加特別餐或浸reptoboost ...

乾養會俾佢地好大壓力，會以為困係無水環境等死
拿出來分缸餵水質會好好多，我都係咁做，但拿佢出來會嚇到佢
要睇龜仔性格怕唔怕，怕的話會嚇到唔多想食野
乾養同分缸餵食都係技巧，要知道對龜的壓力有壞影響，壓力大的話人都爆煲，幼龜更受唔到太多壓力。

有安全感的環境：
◇缸裡有地方躲藏(山洞、水管、浮萍)。我之前無放水管植物，有隻怕事的巴西無地方躲，都要特登跑去濾水器後面陰影避我。放左水管植物隻龜開心好多。
◇缸邊有野遮擋(水族缸背景彩圖、放雜物擋住)。龜龜佢地無透明概念，透明缸會俾佢地以為暴露在空礦地方，有背景彩圖遮遮缸的三邊，又美觀龜又淡定好多。
◇環境不會經常變動(突然大轉Setting、每日換水、乾養、拿出來分缸餵)。
◇無人類其他動物走來走去。我屋企好細要放廳無法子，但有能力可以放龜缸係角落，等佢地覺得環境安全好多。

總之就係要注意龜膽小怕事重有慢熱的天性。

samyung0117

回復 samyung0117 的帖子

大返2cm都係差五多姐

twbb

wel524 發表於 2013-6-1 16:41
祝龜仔健健康康, C兄唔使再咁担心

我覺得最好用另一個箱餵食, 餵完倒哂D水, 平日個缸D水無咁污糟,  ...

多謝,我已經係分缸餵食,之前有曬,呢排氣溫保持30度所以無,請睇:http://www.hkturtle.org/forum.ph ... id=77535&extra=

twbb

kof 發表於 2013-6-1 16:21
给牠吃些肉吧

旱幾日比左d吞拿魚佢食,一星期一次大餐,打算明天試下再買嚟引佢

twbb

siumaiguy 發表於 2013-6-1 13:02
第三四張係水企係到好得意
睇落有D瘦，慢慢來順口問下，你有無俾個有安全感的環境佢？
龜唔多鐘意俾人打擾 ...

請問點樣先算係一個安全感環境?
我會每朝分缸餵食,之後放返落缸/乾養箱,除非有時加特別餐或浸reptoboost或搽藥,否則我會由佢地係缸入面自己玩,請睇:http://www.hkturtle.org/forum.ph ... id=77535&extra=

龜龜ying

回復 twbb 的帖子

師兄你要加油加油加油呀
照顧病龜龜係要加倍愛心同耐性架喇...
比啲心機湊 龜龜一定會好快好返架 支持你！！！

wel524

祝龜仔健健康康, C兄唔使再咁担心

我覺得最好用另一個箱餵食, 餵完倒哂D水, 平日個缸D水無咁污糟, 無咁易有皮膚病爛甲, 另外有無曬燈? 最好帶多D龜仔出去曬太陽光, 會健康D

kof

给牠吃些肉吧

JoeK

加油呀！

Puiki