我唔明呢個論壇某小部分人咩心態!

dpok33456

我指既唔係所有人，而係小部分有極度自戀自大傾向，經常貼自己以為靚既自拍相上黎。首先我講講自己，我上左呢個論壇已有1個月，我上呢個論壇既目的係因為我養龜，我熱愛龜，我想分享或者學習其他龜友既養龜心得。

呢個論壇叫龜友論壇，龜友2個字，我覺得係為有養龜或其他類似動物既人而設， 我喜歡呢個論壇，係因為我係到睇見不同龜友既養龜心得，話題亦只係關於龜，唔似其他論壇，如高_論壇，_男_女論壇(俗稱5P)，香_討_區，可以講乜，做乜都OK，特別是所謂既5P論壇，可以比會員自由貼自己既相。

但我發現呢個論壇有小部分人，原來唔係主要討論龜，而係經常貼自己以為靚既自拍照上黎，我唔開名啦，大家知道，我唔明點解佢地要咁做，想比人讚靚仔/靚女? 自戀自大? 滿足自己既欲望? 搵滿足感?一個論壇係為龜友而設，係比龜友分享龜心得或者物品交易，點解會有人係到貼自拍相，仲問人地意見或者加分，如果你係5P論壇 貼相 我唔怪你，因為果個論壇真係為會員貼自拍相而設，但我覺得呢個係龜友論壇，係為龜友傾龜而設，並唔係比你貼自己既靚相，我開始唔明白論壇成立係為左D乜，係比人貼自拍相定係真係比龜友傾龜既野，如果果D覺得自己靚既人，一定要分享自己既靚相，唔分享會死的話，咁樣我覺得你地可以去5P或者其他。留返D網絡資源比真係想傾龜既朋友仔





我見到論壇成立既目的如下:1, 交流飼養寵物龜的經驗，減低因主人疏忽照顧而引致寵物龜死亡的機會；

2, 宣揚保護野生瀕危龜類，為保持物種的多樣性而努力；

3, 反對放生外地引入的龜隻(如紅耳龜)，以免破壞本土生態平衡；

4, 反對購買野生捕獲的龜隻，支持人工大量繁殖瀕危龜隻作寵物用途，以減低野生龜隻被捕捉的壓力。

5, 反對以瀕危龜隻（如金錢龜）作藥材、食物用途。

6, 提供一個免費的網上交易平台，讓網友自由地買賣一二手寵物龜及寵物用品，以減低龜隻被放生棄養的機會；

7, 不定期舉辦聯誼活動，以龜會友；

黑寶`;p

吾想睇就吾睇啦.我都好少禁入去.
不過見你講一講.我就想禁入去睇

wel524

回復 twbb 的帖子

哈哈, 可能就係E兩樣野''四周圍界女同撩交嘈'' 加埋既精神病

banseven

自拍照如果放係哺乳類應該無問題，一路飲奶一路自拍就對晒題啦！

dondon

樓主不要眼紅別人，但你有你自由去唔睇同去唔post

李子火鍋

twbb 發表於 2013-6-12 13:33
一賭女龜友既芳貌~~賭幾大先,有無限注架......(講笑),其實愛美之心人皆有之,只要唔影響到其他人既我其實 ...

  暫時都無邊位自貼影響到人   而且人地係自貼區自貼.....一陣我可能係聊天室自貼 哈哈哈

twbb

李子火鍋 發表於 2013-6-11 23:06
下~~~ 咩自貼區唔係為左滿足我呢D 咸濕仔 可以一賭女龜友既芳貌 ??   ...

一賭女龜友既芳貌~~賭幾大先,有無限注架......(講笑),其實愛美之心人皆有之,只要唔影響到其他人既我其實都幾鐘意睇D C姐自拍架,有靚女唔望我先覺得自己唔正常呀

twbb

wel524 發表於 2013-6-11 21:21
回復 icaicayin 的帖子

唔係麻, 又有咁多熱烈追求者, 唔受會俾人唱GA WOR

我見到一句說話忽然覺得好啱佢:「自從我有左精神病之後,我覺得我病得好有精神」,精神得佢四周圍界女同撩交嘈都有既......

twbb

samyung0117 發表於 2013-6-11 21:21
呢個論壇有好多區域比大家選擇。
大家可以選擇自己心儀既區域交流。
一人講少句，以免傷大家感情。

有D人係好奇寶寶,想收集人地意見,想知其他人對自己既諗法會有D咩既睇法,只係我覺得樓主只係想人支持佢,從回覆中我見唔到佢有反思別人的意見,只係不斷強調自己係正確,其他人咁做(自拍)就係錯既,但其實幾乎所有人都只係同佢講自拍只係會員私人間既交流,討論龜之餘既閒暇話題,佢唔喜歡睇既可以直接去龜區,我就唔明點解係咁既情況下佢都係要堅持反對自拍,除左係佢所講會令龜友網沉淪之外(本人係覺得無可能既)會唔會仲有其他因素???

siusun

回復 lktq 的帖子

呢樣係真, 我都少左上黎. 呢度悶左好多, 以前熱鬧D

睇得出樓主都係小朋友一個, 自己唔鐘意人自貼就出POST批評.
有自貼區就一定有D 稚氣未除既自貼相, 唔鐘意咪唔好睇或少一句囉, 有得自貼區人地就有權自貼架啦.

如果真係要分得咁清楚, 要自貼非得去5P, 要暢所慾言字字粗口要上高登, 要講龜就呢度.
咁樓主又點解要O係呢度用 巴打 一詞去稱呼別人呢

qqqq1418a

jefflamcy 發表於 2013-6-12 02:44
回復 qqqq1418a 的帖子

唔係小妹妹喎

2多歲生得佢出啦！30就冇本事！其實見你地玩得咁開心至多口搭嗲啫！

jefflamcy

回復 qqqq1418a 的帖子

唔係小妹妹喎

qqqq1418a

回復 lishuikuen 的帖子

心境都老架小妹妹！

lishuikuen

回復 qqqq1418a 的帖子

心境唔老就得啦

qqqq1418a

一個公開平台每人都有利用它的權利，只要冇傷害到任何人佢地喜歡post自拍照關人セ事！我佩服他/她們有勇氣而且那裏是自拍區，我不喜歡影相吾代表別人可以而且你地令我呢個老鬼睇得好開心，可能有天係魚街見到呢！！

龜媽

火星 發表於 2013-6-12 02:26
樓主你唔鍾意可以唔睇，唔小心入左去睇，
咪當睇小丑，一笑置之，做人何必太認真呢！ ...

我暫時都見唔倒有邊個係小丑,
佢地D相都好正經,幾可愛的,
我同意你講"做人不必太認真'

火星

樓主你唔鍾意可以唔睇，唔小心入左去睇，
咪當睇小丑，一笑置之，做人何必太認真呢！

龜媽

君臨天下 發表於 2013-6-12 01:37
樓主Ｃ兄，其實我都明白有你一樣感覺，有個Ｃ弟係有咁果傾向，次次都唔係講龜，我都覺得佢有自戀咁，所以我 ...

邊個呀？

jefflamcy

每個人都有自己表達自己嘅方式
自拍區可以比我地放左工吹下水放鬆下
人地都唔怕up自己啲相點解你要care？
洗唔洗開post話人地？
放鬆下啦香港人

君臨天下

樓主Ｃ兄，其實我都明白有你一樣感覺，有個Ｃ弟係有咁果傾向，次次都唔係講龜，我都覺得佢有自戀咁，所以我選擇唔睇，但又唔可以阻止唔比人自貼架麻佢有咁個權利

boap

其實有自拍，有咩問題?

利益申報：我從沒有在此公開自拍照