醫生懷疑我染上登革熱 (急)

602151

　　6月11號我開始劇烈頭痛、一對眼窩後面痛到死咁制、肌肉及關節痛、食慾不振、呢幾日我每日都食８粒止痛藥，但都無法止到痛楚，但已經係上限了，不能再食更多止痛藥，無可奈可下，今朝去了睇普通科街症，醫生立即寫轉介信，叫我去急症室，可是，自幼體弱多病的我極抗拒入醫院，因為我超怕打針、吊鹽水，我立即拒絕到醫院，醫生無奈即時叫人為我抽血，並叮囑我食完尼隻超強止痛痛後，有機會導致胃出血，如果食完都無法止痛，就要立即入急症室，他連轉介信都一併俾我了，於是我便返家了。


問題來了，我食完尼隻超強止痛藥後，個頭及後眼窩仲係痛到爆，痛到我想掉咗個頭去。肌肉及關節依舊的痛。

點解會咁？點解又係我病?   .... 六合彩又唔見我中.... 日日失業被迫留在家中都中招.......嗚.....嗚.......

我應該點做好，我而家身、心都好痛苦啊，請問有無朋友可以開解下我啊？


如果唔舒服，一定要去睇醫生呀，
黃姑娘一定會支持你呀，
如果延誤治療後果可能會好嚴重呀！！！
我地一班龜友都會祝你早日康復！
wongfafa

龜龜ying

回復 602151 的帖子

恭喜師姐！證實唔係登革熱！真係比個庸醫嚇餐死！
佢所謂既"止痛藥"都唔知咩黎架　居然食８粒都止唔到痛？！食咁多粒止痛藥有排都排唔出體外呀...
最後祝師姐你快啲快啲好返啦～

602151

Norrishill 發表於 2013-6-25 07:42
冷氣令你好凍只不過係你吸收唔夠足夠熱量, 平日你冇注意飲食, 人係溫血動物, 但其實我地要日日進食熱能食 ...

Ching你講得好啱，我平日真係極鍾意飲同食凍既野，多謝你話俾我知

Norrishill

602151 發表於 2013-6-13 15:33
多謝各位朋友關心，但我真係好驚入醫院、好驚見到血、好驚醫院既中央冷氣，令我好凍{ ...

冷氣令你好凍只不過係你吸收唔夠足夠熱量, 平日你冇注意飲食, 人係溫血動物, 但其實我地要日日進食熱能食物去KEEP住體溫, 所以一定要食如白飯, 粉面等高熱量食物去維持我地體溫.

體溫要夠, 唔可以成日係屋企, 要有汗出, 身體要不斷運行, 新陳代謝先健康.

頭痛、一對眼窩後面痛到死咁制、肌肉及關節痛, 我諗你要停止飲同食生冷野.  風重同濕過重都會出現你依D情況.

祝你早日康復！

602151

龜龜ying 發表於 2013-6-25 01:22
回復 龜大仙 的帖子

實在太好了！！！！！

好多謝C妹妳的關心，事情是這樣的：
　　我前幾日個頭痛到爆、全身肌肉都好痛，每日食合共八粒止痛藥都止唔到痛，於是走去睇普通科街症，不幸遇上庸醫，佢話懷疑我染上登革熱，叫我立即去急症室留院，我當堂O晒咀，我話我唔去醫院！佢搵姑娘立即幫我抽血，佢仲寫埋轉介信，叫我俾急症室醫生睇。佢開咗隻超強止痛藥俾我，叮囑我如果食完都無法止到頭痛，就無論如何立即要入院。
　　我返家後覺得好絕望，點解自己成日都唔係呢樣病就果樣病，就上龜友論壇呻，仲喊咗成晚，幸得各龜友鼓勵我快去急症室睇，我先至有勇氣，第二朝瞓醒就拎埋封轉介信，立即去伊利莎伯醫院，呢次遇上資深醫生（因為我見佢帶埋四個見習醫生學嘢），佢檢查我手腳、面ｄ皮膚後，話我無出疹，斷定根本無可能係登革熱，佢仲立即响ｄ見習醫生面前掉咗封轉介信，佢話我只係全身既肌肉及神經線痛楚，先至令到我咁樣，佢開咗藥我返家食，食咗之後好眼瞓，但好有效，無再痛了

龜大仙

龜龜ying 發表於 2013-6-25 01:22
回復 龜大仙 的帖子

實在太好了！！！！！

他是師姐已出院了

龜龜ying

回復 龜大仙 的帖子

實在太好了！！！！！
希望師兄／師姐可以快啲康復出院啦！！

龜大仙

龜龜ying 發表於 2013-6-25 01:12
回復 君臨天下 的帖子

唉...真希望樓主既答覆　唔係又係果句"憑意志戰勝病魔"啦....

她已去醫院睇了現在無大礙呀

龜龜ying

回復 君臨天下 的帖子

唉...真希望樓主既答覆　唔係又係果句"憑意志戰勝病魔"啦....
我真係怕樓主再唔去醫院　會越拖越嚴重！！

君臨天下

回復 龜龜ying 的帖子

Ｃ妹講得一Ｄ都冇錯

龜龜ying

回復 602151 的帖子

單憑意志如何戰勝病魔？人人有病痛都不用看醫生嗎？
病向淺中醫呀！！要愛惜生命！！
你自幼經常出入醫院　可能會因此留下陰影　但你要明白　有病始終雖要睇醫生　得到適當藥物治療先會康復　當然加上意志　好返機會自然會快啲。
如果我病情嚴重到咁　我相信就算醫院有鬼　我都會入去醫！
若珍惜自己　尊重生命　請快快就醫！支持你～！！！

Johnson

cjie救甘多龜
一定冇事

twbb

廢話唔多講喇,而家一天光哂小心d照顧好自己知無

zerochan1318

哈哈 無事咪好囉 呢排我都有感冒 感冒完就咳左3個星期/ .  \
仲要咳住開工 所以唔洗驚 仲有我陪你戰勝病魔!

602151

君臨天下 發表於 2013-6-14 23:43
冇事就好啦，我都話一定要睇架啦，依家咪安心囉，妳如果再唔睇我都會同妳絕交架，依家最好就早Ｄ訓休 ...

Ching唔好同我絕交呀，我依家食咗醫生俾既藥，好眼瞓，我去搵周公

602151

lishuikuen 發表於 2013-6-14 23:58
回復 602151 的帖子

點解要紅字...(絕交先用紅字啦XD)

乜原來絕交先至用紅字架，我唔知呀，Sorry,
我唔食得雪糕的，因為我有哮喘，唔食／飲得凍野

火星

alicetung

冇事就好啦~~
抖多D養返好個身體
或者我地未能夠體會到你果種怕醫院的感受
但始終有病就要睇醫生
雖然意志有一定的作用可以抵抗到病
但始終只係附助作用
以後都唔好要大家擔心
+油

lishuikuen

回復 602151 的帖子

點解要紅字...(絕交先用紅字啦XD)
你呢段野講到遺言咁...
你出院請你食雪糕丫

君臨天下

冇事就好啦，我都話一定要睇架啦，依家咪安心囉，妳如果再唔睇我都會同妳絕交架，依家最好就早Ｄ訓休息調理好身體，健康才是金錢嘛，冇佐健康又點同我地吹水呀！