請教，巴西龜唔肯食野，伸頸開口有白泡

你的好朋友

我妹妹一個月前左右買左兩隻細巴西龜，龜殻直徑只有5cm。兩三個星期前其中一隻龜開始開口，又唔食野，上網查過一下，買左支龜精靈，但用左幾日都無好轉，於是轉左龜康寶，可惜都係無效，之後本來諗住買隻黑藥，但因為貴，同埋問左幾間舖頭都無，之後有人介紹我用隻龜之意外，係膠囊，拆左佢溶水畀龜飲，但都係無效。近一個星期連另一隻龜都開口唔食野，明明已經將佢地隔離左。

雖然隻龜係我妹妹養，但每日對對下，我都產生左感情。最初買返來兩隻龜都精精神神好有活力，爬來爬去。但而家兩隻龜都唔願郁，成日合埋眼訓，一係就伸長條頸開口，有時仲有慘叫聲，睇見都傷心，有一隻攞起上來連手腳都唔郁，無任何反抗。阿妹話隻龜$12買返來，帶佢地睇獸醫又好似。。。，但我又唔忍心見死不救。請問各位有冇咩提議可以畀我？我之前未養過龜，束手無策。我應唔應該買埋黑藥試下？一百蚊內如果救到我都肯花的。


補充，平時兩隻龜只係放在一個普通膠盒，入面有少少水養住


唔該各位

路人甲

肺炎是龜殺手之一
盡過力就好 沒人是神 可以起死回生
別太難過 好好照顧剩下的小龜B
加油!!

icaicayin

你的好朋友 發表於 2013-6-26 19:29
今日返到來，阿妹話龜死左
見到隻龜的遺體，我哭了。。這是我平日最鍾意同佢玩嗰隻，不過我已經盡哂力救 ...

........................
咁請你好好照顧餘下的一隻龜

你的好朋友

今日返到來，阿妹話龜死左
見到隻龜的遺體，我哭了。。這是我平日最鍾意同佢玩嗰隻，不過我已經盡哂力救佢。
而家只希望另一隻無事。

你的好朋友

今日安排左妹妹攞隻龜畀中蜂兄睇，去之前我都同中蜂兄電話交帶左，希望佢可以五百蚊幫我搞掂，中蜂兄果然好人。除左啲藥水，我仲買埋個缸，暖管，石級，而家龜仔浸緊中蜂兄的藥，希望龜仔快啲好返啦。^^多謝中蜂兄

kellyBB

回復 你的好朋友 的帖子

你先打電話問中蜂兄响唔响度，有時只得中蜂嫂！仲有龜龜要晒太陽嫁，如果唔係就要有射燈！

你的好朋友

Andy
無錯無錯！我得閒會爬文睇睇
一係就唔好養，養得就要有責任

Andygogo

如果今次可以醫好兩隻龟，咁做主人一定要比番一個好嘅環境比佢生活，最起码要水，陸地同暖管，加埋都可以好平，佢地健康已经吾會令你又担心又浪费金钱！

你的好朋友

收到
這個龜壇真係多好人^^

Johnson

肺炎
好難e
黑藥呢個時候已冇用
你冇可能體e生啦（原因自己知）
搵中蜂啦
中蜂資料：http://www.hkturtle.org/forum.php?mod=forumdisplay&fid=73

samyung0117

黑藥五係神仙水

忍者龜工人

好！！唔好再拖了。。。希望龜仔好返。。。

龜大仙

你的好朋友 發表於 2013-6-23 22:43
唔該哂龜大仙 & 忍者龜工人，仲有回覆過的所有會員
如果二百蚊左右ok，咁就去友綠啦^^ 咁我聽日打去友緣問 ...

晚上九點前未收工

你的好朋友

唔該哂龜大仙 & 忍者龜工人，仲有回覆過的所有會員
如果二百蚊左右ok，咁就去友綠啦^^ 咁我聽日打去友緣問問佢幾時關門，因為我平時返工，我驚放工趕唔切收左工。都係唔買黑藥住，因情況繄急。

你的好朋友

忍者龜工人
查左一查，中蜂，係唔係荃灣眾安街142號嗰度？
白泡呢。。隻龜有時連續開口幾次，之後口邊就有啲白泡。便便就無乜留意

忍者龜工人

買枝黑藥試下啦。。。如果幾百蚊你都唔想俾。。。
太子魚街好多間都有得賣架。。。有間叫愛寵, 你去問下啦~ 一百蚊甘上下。。。

龜大仙

你的好朋友 發表於 2013-6-23 22:22
君臨天下
講得岩，養之前應該先睇哂資料，阿妹以為就咁搵啲水裝住養就ok
我又無養龜知識，暖管呀，reptoboo ...

是荃灣友緣龜屋二百元樓下應可以

忍者龜工人

有無留意佢既便便有無特別?
有無佢嘔白泡既相?

忍者龜工人

帶去中峰ching 到睇下咩事先啦, 唔好再亂用藥住喇。。。

你的好朋友

開口相