我是新來的~HELLO!

levaeva

大家好! 我叫 EVA
因為個妹1個半星期前突然買左隻龜仔番黎,

所以我就要負呢個責任去照顧佢 ,唔知性別唔知幾歲 ,, 所以龜龜冇名

亦唔知咩品種 ,不過睇左好多龜既相,應該係紅耳龜之類 !?

佢長5cm寬4.5cm~ 唔知幾時會變大呢 (期待



/\ 佢個樣~哈哈哈


宜家得閒就會去爬下文 ,例如係龜龜要曬太陽,用隔夜水 ……

亦有去睇下龜龜會有咩病+用咩藥醫再唔掂就睇醫生

而我就留意到龜龜有白眼問題 ,所以去買左眼藥水 ,感覺比之前好左少少,起碼唔會成日合埋眼

其他病就 ...

佢個殼末端軟,係咪曬多D太陽就冇事 ??
仲有佢個殼有1個好細既洞(?) 有冇問題架 ??


加上佢個殼有少少好似脫皮咁,由佢一入我屋企到宜家都係咁,脫既範圍冇改變 ,係咪要用牙刷幫佢刷下??(張圖濕左水睇得唔清添SORRY><)
今日爬到文話D殼個邊翹起左就係腐甲 !? 佢有少少喎........................
而且亦留意到佢PATPAT位其中一邊比另一邊扁左少少........冇影相=口=........點解啊........
佢係水入面果陣,我見到佢D手手腳腳好似有D皮咁,冇水果陣就好似冇野咁,係咪有皮膚病 …?

龜龜表示: 哎呀~第一次見面就比你地睇晒我成身添 (害羞)

唔知以上所講既係買番黎就有定之後先有 ~O~
買左幾隻牌子既龜糧比佢,佢都唔食,行過去只係聞下就唔SO佢

冰凍紅蟲都有買 ,係就係有買,但真係好少好少..幾條囉

所以我比左D新鮮豬肉同蝦肉佢食 ,有冇問題架??? 會唔會唔夠營養之類?

最後放張佢曬太陽果陣既相啦~ 對腳仔真係好可愛~~~~~~~係咪要伸埋對手出黎先叫曬得舒服架@@? 其實佢唔係打斜黎曬既話,個空間係夠架


好啦~ 就這樣 希望有師兄師姐解答下我啦 ^^

我愛爬蟲類

首先用個大d既缸養，水深過背多少少。
巴西龜b唔好餵咁多肉，餵龜糧唔食的話就等幾日比佢適應環境之後再餵。
個殼應該無問題，我以前養果隻龜b個殼都係咁

chan359777

施主有禮！

levaeva

回復 我愛爬蟲類 的帖子

是的~已經有1個大好多既缸~呢個只係FOR曬太陽@@
咁佢D皮膚有冇問題 ?? 擔心係果D咩皮膚病所以唔係好敢比佢浸咁多水…

我愛爬蟲類

levaeva 發表於 2014-5-1 19:07
回復 我愛爬蟲類 的帖子

是的~已經有1個大好多既缸~呢個只係FOR曬太陽@@

唔會，最多係換皮