求問品種有圖

550

事緣今日與老婆同仔飲茶後往常去公園水池仔睇魚同龜（平時成日都會去睇下），但因為有D無知既人掉左好多好多麵包同麵包皮落池（但池中無生物會食呢D），加上又有人放左好多只可生活於二十幾度以上水溫既熱帶魚落池，令到水質超差，熱帶魚凍死晒不特止，仲搞到連其他捱到凍既魚同龜都死左過半以上，連工作人員都一路不停撈一路不停嘆氣……

就算剩低既龜同魚好多都病左，好多仲要病得唔輕，其中有一隻龜我地一家都好鐘意佢，仲好似認得我地咁（我地耐唔耐會餵佢地），所以當見到死傷慘重之後第一時間搵下佢係邊，原本搵極都唔見佢仲諗住佢已經……好彩工作人員見我地咁擔心，就比袋“屍骸”我地睇下有無我地搵果隻，之後仲幫手“了”下D石週圍搵，最後終於搵到佢！見到佢時佢仲好精神兼無表面病徵，由於池中好多龜都病左，為免呢隻無表面病徵既龜之後被傳染埋，所以老婆膽粗粗走去問工作人員可唔可以帶返屋企養，此時隻龜游埋黎我地面前唔走，我伸手入水就輕易拎左佢上黎，工作人員都無出聲……跟住有一隻細既珍珠龜又係同樣地游埋黎唔走，由於我地都可以幾肯定呢隻龜係呢幾日內先比人放落池（之前一直未見過佢），為免應該無病既佢都中招，我再次伸手落水拎埋上黎……

但問題黎喇，細果隻我都仲知道係珍珠龜，但大果隻我真係唔知係乜黎，可能我唔識搵資料，睇過一D網頁去做比對但都係唔知係乜品種，想搵下資料了解下要點照顧佢都無從入手，所以上黎呢度請教一下各位師兄師姐，呢隻係乜黎？最少我都要知道係乜黎先可以搜集資料

我一直只係養開魚，龜我只係知少少，甚至可以講得上唔識咁滯，所以希望呢一兩日內可以了解到要點照顧佢地，唔係的話唯有放番佢地落池生死各安天命……

先行謝過！

kit941120

大係草龜，细係花龜！

我愛爬蟲類

大係草龜，細係班龜，都幾易養，做好保溫就得

玄武門

佢哋真係幸運，遇到樓主一家......

EV-DAY

麵包無知   捱到凍既魚同龜 問題黎喇  去做比對

Mike記

香港兩棲及爬蟲協會草龜護理表 :http://www.hkherp.org/document/caresheet/Chinemys_reevesii.pdf

550

多謝各位指點！

但網上搵到既資料好似仲未夠解答我所有疑問，資料好似比較零碎…

550

Mike記 發表於 2014-12-21 21:13
香港兩棲及爬蟲協會草龜護理表 :http://www.hkherp.org/document/caresheet/Chinemys_reevesii.pdf ...

多謝師兄，條link好有用！

但可能我無經驗，所以仲想知道，如果我要養的話：

兩隻龜可否一齊養？

可唔可以平時放廁所/大膠箱，只係每日比佢地浸下水/落魚缸游下（我個缸五呎），每日連箱連水連浮台曬一陣太陽…咁樣足唔足夠？

隔日/兩日餵一次有無問題？食野係要放落水度比佢地定可以就咁放低？

有邊隻龜糧可以一種就確保佢地攝取到大部份/足夠既營養？（價錢不在首要考慮）

暫時只諗到咁多，請各師兄師姐多多提點其他注意事項

Thanks

550

返屋企後只有用約28度既魚缸水幫佢地沖下身同用舊牙刷刷殼，之後就放係廁所浴室週圍爬

剛剛用大盤放約28度魚缸水比佢地浸下（浸半殼），然後餵開魚時，就順手將少少泥鰍同蝦肉剪粒比兩隻龜試下，大龜砰砰澎澎係咁食，但細龜無反應，只掛住游水…咁正唔正常？

tiffany_john

我覺得你應該暫時分開（幾個禮拜），否則，如果其中一只有病，好容易傳染比另外果只。
1。兩只龜係可以一齊養
2。餵食一日/隔日一次都可以，放入水就得，伊加可以完全唔喂，我D龜訓多左，但呢幾日仍然日日起身，多數唔食，準備佢地冬眠啦
3。我得個好細水箱，多數俾兩只/四只細龜霸佔，裏面有完全離水曬台，大龜掉浴缸，俾個水兜，自己出入
4。龜糧你要試，有D龜只中意某一種，似人甘

一個月可以喂一次肉，我自己經驗，蝦肉幾乎可以話100%中意食，魚肉就睇個別龜，但都超過90%中意，我通常係晚餐時候，俾熟既魚/蝦，千奇唔好俾鹽，龜内臟無辦法分解，跟住就手尾長。

喂肉時候，切做細細粒，用牙籤吉住喂，草龜/花龜好純良，用手喂都得，好溫柔，唔會咬到你手指咖

tiffany_john

唔好放返落水池啊，如果你實在唔想養，搵呢度D龜友收養啦

sideneckturtle

回復 550 的帖子

或者細個隻未適應環境
試下用ZOOMED糧,應該OK
但混養小心大蝦細

Reason

(純熟個人意見）天氣冬龜吾食野係正常.冬天佢想食都吾好比多啊！

圓圓龜

有心人, 可去魚街買枝龜康寶(細細枝十幾蚊枝)做個簡單消毒, 浸十五至三十分鐘, 之後也可定期浸保持健康

我鐘意餵乾糧, 即係上面師兄講既Zoomed糧, 一樽幾十蚊有排餵, 餵肉會較污漕

佢地其實係水龜來, 用缸浸水長期養其實最好, 睇下屋企地方同經濟考慮喇.....因為一濶三大, 用缸養, 你一係日日換水(龜比魚污漕好多), 如果唔係就要去買濾桶(幾百蚊)

我唔係高手, 所以唔會比龜龜冬眠, 所以用缸用水養既話會再買枝暖管, 較25至28度喇, 其實就係同養魚差唔多喇

有問題再問喇, 呢度尐師兄師姐好厲害, 實有人幫到你!!!

好心有好報!!!

仲有, 隻大草個殼其實都幾靚喎, 比心機
細班呢, 始終係苗, 可以先用熱燈加温(唔好乾晒喎, 浸住水來晒), 等佢温暖番之後就應該會食番野...
兩隻都係好粗生既龜!!!

jhustti

回復 550 的帖子

兩隻龜好好命 遇到你地

550

tiffany_john 發表於 2014-12-21 23:19
我覺得你應該暫時分開（幾個禮拜），否則，如果其中一只有病，好容易傳染比另外果只。
1。兩只龜係可以一齊 ...

請問乜野形狀既水兜，可以比佢自己出入？

tiffany_john

回復 550 的帖子

我個係長方形，成個盒甘，面盆唔得，邊太滑，龜爬唔倒出來

tiffany_john

回復 550 的帖子

我個係長方形，成個盒甘，面盆唔得，邊太滑，龜爬唔倒出來

tiffany_john

回復 550 的帖子

我個係長方形，成個盒甘，面盆唔得，邊太滑，龜爬唔倒出來

550

tiffany_john 發表於 2014-12-21 23:23
唔好放返落水池啊，如果你實在唔想養，搵呢度D龜友收養啦

應該都會係自己養，因為我個仔已經幫佢地改埋名，走唔甩…因為我個仔只會幫有感情既寵物改名（e.g.成個魚缸中只有幾條魚佢會改名）

草龜叫小球，因為以前o係水池果陣睇佢，佢果殼成個足球咁，好早我地已經叫佢「足球龜」

細果隻叫小珍，因為我話比佢聽呢隻係珍珠龜