急: 巴西龜頭腫+甩殼

kwclau

求救, 點算?

kwclau

已每日換隔夜水喉水,換水後餵龜糧, 有無人可以指點吓?

many104723

中耳炎+腐甲?

kwclau

噢，慘了

hkpc1

kwclau

今日帶牠到醫生處做手術，醫生每篤牠粒野一下，牠便瞇一下眼，狀甚痛苦，之後縮曬個頭入殼入面，死都唔出返來，我好心痛，唔知點形容。牠要留院3日。頭先護士打來，話手術做完，我個心離一離，言念住突登打來吾慌好野。好彩護士話無事，手術順利，我即刻放下心頭大石。
龜龜買返來只是10元8塊，今次睇醫生盛惠3000蚊，我都豪不猶疑，牠已經係我寶貝，有無人明白我？

鬼鈴音

師兄，我完完全全明白你的心情 ，最重要你的寶寶健康快樂，願祝【早日康復】

Mike2012

完全明白....但都好過23年前,我隻巴西同你隻情況一樣。
但最後揾吾到獸醫死左。。。

kwclau

昨日接返寶貝龜返家。醫生說牠在醫院數天都沒精打彩，係到我來接佢果日先四圍爬，好似知道要返家一樣。牠今朝都不太願意食龜糧，晚上會比啲豬潤佢試吓，希望佢開口食吓啦。今朝幫佢查碘酒，每篤佢一下傷口，佢瞇一下眼，但唔查唔得呀，唯有忍心頂硬上啦。之後佢成日用前肢撥面，可能仲係好唔舒服。掃佢背時，見到佢個冧樣，真係好可愛。希望小寶貝快啲好返。
多謝收看。

mad0707

請問樓主睇邊間醫生?可唔可以俾d information?

kwclau

mad0707 發表於 2016-8-23 21:54
請問樓主睇邊間醫生?可唔可以俾d information?

我去荃灣享和街84號搵楊醫生，不過楊醫生今日開始放大假，9月頭先返。有人介紹馬鞍山西沙動物醫院，好似响雅濤花園家唔知碧濤花園樓下。我去荃灣方便啲所以去左荃灣。我隻黃仔今日又食左4粒糧喇，一日比一日精神，今日曬太陽都好活躍。希望你個小寶貝都好快好返。

kwclau

mad0707 發表於 2016-8-23 21:54
請問樓主睇邊間醫生?可唔可以俾d information?

荃灣享和珍禽異獸， 電話係24932178，有另一位醫生睇症，我明天複診都係無得睇楊醫生。

mad0707

kwclau 發表於 2016-8-24 09:12
荃灣享和珍禽異獸， 電話係24932178，有另一位醫生睇症，我明天複診都係無得睇楊醫生。 ...

樓主想問下你睇左幾錢,同埋佢收唔收卡?

kwclau

mad0707 發表於 2016-8-24 09:58
樓主想問下你睇左幾錢,同埋佢收唔收卡?

簽卡㗎，診金280，麻醉850，手術800，之後打抗生素每次150，貴㗎，鬼叫係我寶貝咩。

kwclau

mad0707 發表於 2016-8-24 09:58
樓主想問下你睇左幾錢,同埋佢收唔收卡?

仲有留院費350一晚。夾埋駛左我3000蚊!

Bbb90122606

中耳炎 腐甲
有中耳炎就一定係水質出現問題引致,如果你有經驗可自行開刀幫他清除入邊的膿就可以,如沒有請找醫生
另外平常是不是陽光不足?巴西龜係好鐘意陽光的品種

PIG

kwclau

Bbb90122606 發表於 2016-9-4 02:40
中耳炎 腐甲
有中耳炎就一定係水質出現問題引致,如果你有經驗可自行開刀幫他清除入邊的膿就可以,如沒有請找 ...

已找醫生開了刀，自己實在下不了手。而家好好多了，餵完痾完即刻換水。每日放邊半日，唔係好晒，不過好過無。希望唔好返發啦。