石金婆婆過冬~

小黑

因為多年無用水養,石金婆婆變得怕水,只要水深過殼就會好驚咁要爬番上岸~ 所以我只可以用爬蟲用大水兜裝水俾佢自己走入去浸水,水深唔過甲~

一向我媽都無為佢過冬做任何預備,好彩舊屋係室內,無風~ 所以我接手後,都由得佢自己過冬~ 但依家新屋有個好大o既窗對正佢個位(無其他選擇...),夏天就可以晒太陽,但冬天會好凍~ 所以set o左支100w陶瓷燈同溫控,低過20'C就會著燈~ 但水兜d水太淺,用唔到暖管,所以d水會好凍~ 咁咪仲容易病? 爬文後好似俾佢自然冬眠好過~

問題係:
1) 佢太肥,要減肥~ 就o黎冬天,餵少d會唔會過唔到冬o架?
2) 知道冬眠前兩星期要停食去清腸~ 香港天氣反覆不定,時暖時冷,我預唔到天氣幾時會凍,佢又會幾時開始冬眠,我應該幾時開始停佢食?
3) 我會一如以往俾佢乾養冬眠~ 但係爬文話要定期放佢落水浸, 否則容易脫水~ 咁咪會整醒佢? 咁我點確保佢夠濕呀? 包毛巾,定期加凍o既隔夜水落毛巾?

Thank you!!!

iamnero

我無養水龜，不過都有少少建議……淺水或者你可以試下用加熱墊，隔住容器加熱。
1）龜只要健康，過冬絕對不會餓死
2）如果你無做加溫措施的話，隻龜感受到溫度下降應該會自動慢慢減少攝食的
3）聽講水龜或半水龜冬眠可以用毛巾蓋住，定期噴濕毛巾，呢個方法應該適合室內環境用

小黑

回復 iamnero 的帖子

謝謝你嘅答覆,明白晒!! 我未必加溫啦,因為驚佢由暖水走出去遊蕩時會冷親~

lisamama2002

我都是用毛巾蓋住的o但不整醒佢呀?由佢瞓到過晒冬?我冇清腸但聽網友話可以定時叫醒佢浸水同暖D時,[餵吓佢]?.然後佢再瞓.但如果食咗少少D食物在佢腸度唔怕?還是在幾天後再叫醒佢就得排洩?

小黑

回復 lisamama2002 的帖子

我都想知應該點~~~ 有d Ching話唔好整醒佢,有d Ching話要~ >_<

今日佢好似仲未揀定冬眠地方.... 我頭先就嘗試放o係其中一個位,用毛巾冚住佢,噴o左d水落毛巾~ 希望佢鍾意啦~

花王

我只石金同你只比細的, 後生一半, 每年過冬眠佢自己搞掂, 通常佢會上水, 咁大只,會有經驗, 有時佢自己落水, 基本上佢唔會在水中冬眠, 佢會自己找個冇風和安靜環境, 例如床底或櫃底, 佢唔會進食, 我只己經停食,幾只大大細細捐埋左,上年我只石金好快一個月走番出來, 你只肥肥, 唔怕會餓親, 肥肥可能會間中出現, 你放佢落水, 不好過売, 記得佢唔出現你唔好搞佢.你可以搵個紙葙比佢, [超市可索取, 免費]防風又保暖, 不用加熱燈, 室內溫度可以. 我只在天台都得, 不過唔好比風吹到佢.忽冷忽熱佢會病.

AKIBB

其實點解佢3十幾歲就叫做婆婆?

小黑

回復 AKIBB 的帖子

我bf叫佢做肥婆~

AKIBB

小黑 發表於 2011-12-2 20:23
回復 AKIBB 的帖子

我bf叫佢做肥婆~

但係3十幾歲唔係婆婆,係姐姐/EE
但佢真係肥@@
佢平時係唔係好懶豬豬??

小黑

回復 AKIBB 的帖子

佢成日躲埋訓,捉佢出o黎晒太陽,唔駛10分鐘又走番去訓... -__-

咁... 跟bf叫佢做"肥婆"喇~

小黑

回復 花王 的帖子

good idea!! THANKS!!!!!!

AKIBB

小黑 發表於 2011-12-2 20:27
回復 AKIBB 的帖子

佢成日躲埋訓,捉佢出o黎晒太陽,唔駛10分鐘又走番去訓... -__-

@@但也真太肥啊:)
俾多D水沒佢飲呀
希望佢快D瘦返,令女返:)

小黑

回復 花王 的帖子

搞掂,暫時唔冚蓋(因為未知點整到個蓋又唔阻人又開住30%)~

花王

ok ,小心焗親佢, 最好在個箱頂側穿幾個孔.通氣. 不用太多太大條毛巾, 一條薄的就得, 你有個水盆夠la!反而你用的布蓋住箱等暗的靜的可以了.

小黑

回復 花王 的帖子

Got it! THANK YOU!!!

lisamama2002

花王你說石金自已落水,即喺爬入去箱呀?咁小黑嘅膠箱同我一樣,我都喺蓋大毛巾!但唔識爬出嚟!幾多日至比D水佢?我重未完全停食,因佢末瞓成日醒o

小黑

回復 lisamama2002 的帖子

水兜長放,我打側o左個箱,由得佢決定幾時走出o黎浸水~ 琴日佢都自己走出o黎便便~ 但仲未見白便便,所以決定唔俾佢冬眠住,要佢疴清晒先~ (反正依幾日都回暖)

花王

小黑 發表於 2011-12-5 21:54
回復 lisamama2002 的帖子

水兜長放,我打側o左個箱,由得佢決定幾時走出o黎浸水~ 琴日佢都自己走出o黎便便~ ...

好正確, 放側個膠箱就得, 用條大毛巾或布, 將個膠箱頂側遮住,當佢間房的門簾, 可以遮光和擋風,又可以比佢自由出入, 想飲水或便便都方便. 要停止喂食la, 其實龜龜已經知道點造, 不用擔心.