投訴[釣鯉鱸眉]無理講粗口鬧人

lok0114 · 發表於 2012-2-26 14:00:08

事源係咁, 我琴日下午3點左右見到佢賣密西西比泥蛋, 我有意思, 但想平多50蚊, 所以就PM佢問可唔可以平多50蚊, 到今日岩岩我上龜友見到佢覆左我好幾次, 最後一次係用一個又長又唔岩文法同亂黎既粗口鬧我同我老母, 請大家睇睇圖先

我完全唔明發生咩事,
第一, 我無話唔要, 只係我根本唔知佢覆左我, 我可以認我無留意短訊息, 只係顧住睇POST以致無覆佢係我問題, 但有需要比人鬧到咁? 仲要唔只鬧我, 要鬧埋我老母?
第二, 我只係遲左一日覆你, 唔係一個星期, 遲左一日覆你就係玩你? 就係唔要? 你預人地24小時望住短消息?
第三, 莫講我真係想要, 就算我唔要又點? 問左你有無得平就一定要買? 唔可以比人再考慮?

XDturtle · 發表於 2012-2-26 21:56:56

距個名甘粗

ron410 · 發表於 2012-2-26 22:14:34

我都話叫你哋同佢交收要諗清楚！你哋睇番佢之前啲post呀！起勢炒媽拾蟹語無倫次！佢真係好有問題！我都驚驚哋！

小豹 · 發表於 2012-2-26 22:26:25

佢唔止一次俾人投訴了，呢個人可能真係有些問題，睇個名就知啦=='＂

龜痴 · 發表於 2012-2-26 22:26:37

我們不會介入會員之間的私下糾紛, 包括電話, MSN, SMS, QQ, PM 等...
除非對方在論壇開 POST 用粗口罵你, 我們才會介入...
一般處理方式都先是 DEL POST 和扣分, 再犯才禁言...

由於在網上打粗口沒有犯法, 即使報警, 警方也不會受理...
你可以用粗口罵還他, 又或搵專業的調解員進行調解...
費用一般是幾千元便可, 比搵律師告他更便宜得多, 一般都可以達至雙贏

lok0114 · 發表於 2012-2-26 23:46:15

回復龜痴的帖子

我好明白版主既難處, 你肯咁認真理我已經好好, 我出呢個POST唔係想你地對佢作出處分, 只係純粹比大家知道發生一件咁既事, 其實我原本諗住係聊天區果邊講, 但我又唔知咁樣會唔會叫貼錯區, 所以先POST黎呢到, 而加見到有人回應就已經夠架啦

skclan · 發表於 2012-2-27 15:16:10

大家收到架喇,各會員都會對此人多加留意..
睇個名己經古靈精怪

lcw · 發表於 2012-2-27 23:30:41

ron410 發表於 2012-2-26 22:14
我都話叫你哋同佢交收要諗清楚！你哋睇番佢之前啲post呀！起勢炒媽拾蟹語無倫次！佢真係好有問題！我都驚驚 ...

睇番之前啲post知道係由於你無幫佢買隻旦龜,佢宜家好急要出龜, 樓主比個希望佢,同時又令個希望幻減, 爆粗自有佢既道理, 唔算"無理講粗口鬧人"..

lcw · 發表於 2012-2-27 23:31:34

小豹發表於 2012-2-26 22:26
佢唔止一次俾人投訴了，呢個人可能真係有些問題，睇個名就知啦=='＂

我覺得佢個名係全龜壇最順口既,最令人一看難忘,
建議交易被人放飛機既龜友不妨多唸幾遍,保證怒氣全消,心曠神怡...好過唸佛教既心經.

lcw · 發表於 2012-2-27 23:47:40

lok0114 發表於 2012-2-26 23:46
回復龜痴的帖子

我好明白版主既難處, 你肯咁認真理我已經好好, 我出呢個POST唔係想你地對佢作出處分, 只 ...

你完全唔明白版主既弦外之音, 已經話你知"網上打粗口沒有犯法"及"你可以用粗口罵還他"
所以你唔應該係聊天區果邊講, 更加唔洗係投訴板開Post, 你係要去活動發起區度發起千人PM活動, 一人一個DLLM遙遠既祝福送比佢.
如果有抄低你早前公開佢既電話号碼,就可以深夜Call佢,然後情深咁呼喚佢既名字一次..

ron410 · 發表於 2012-2-28 00:44:27

lcw 發表於 2012-2-27 23:30
睇番之前啲post知道係由於你無幫佢買隻旦龜,佢宜家好急要出龜, 樓主比個希望佢,同時又令個希望幻減, 爆粗 ...

你係咪搞錯咗呀！我唔係樓住呀！

lok0114 · 發表於 2012-2-28 01:33:00

本帖最後由 lok0114 於 2012-2-28 01:41 編輯

回復 lcw 的帖子

請你睇清楚件事先, 我幾時有令佢希望幻滅? 我由頭到尾都無話唔要, 我只係無即刻覆佢, 佢就以為我唔要, 以為我玩佢, 一切既野都係佢自己幻想。
仲有, 個個人做野都一定有理由架啦, 有好多人打完人一身, 理由係因為[我鍾意呀], 咁都係理由黎架喎, 但唔通你會話呢啲叫[有理]打人? 有理由唔代表有理, 請你攪清楚[有理由]同[有理]係兩個意思, 雖然只係差過[由]字, 但意思差好遠, 而你話佢因為夢想幻滅(自以為)而講粗口鬧人, 呢啲只係叫[有理由]唔係叫[有理]。

花王 · 發表於 2012-3-1 00:12:06

lok0114 發表於 2012-2-28 01:33
回復 lcw 的帖子

請你睇清楚件事先, 我幾時有令佢希望幻滅? 我由頭到尾都無話唔要, 我只係無即刻覆佢, 佢 ...

睇到佢個id

我以為入左間爛仔館, 影響哂......遲的唔奇怪會出現一些, 更不堪的名字

SnappingTurtle · 發表於 2012-3-1 13:40:09

花王發表於 2012-3-1 00:12
睇到佢個id 我以為入左間爛仔館, 影響哂......遲的唔奇怪會出現一些, 更不堪的名字 ...

沒有最不堪，只有更不堪

li0110831995 · 發表於 2012-3-3 11:29:49

佢之前拎人地啲相賣龜之後昆人出黎交收添啦- -
佢根本有心攪事板主真係要諗下點樣阻止呢啲人

黑沙 · 發表於 2012-4-15 17:40:56

佢個名都......

帳號		自動登錄	找回密碼
密碼			註冊

投訴[釣鯉鱸眉]無理講粗口鬧人

點評

評分

點評

點評

評分

評分