個案：我的櫻桃紅腿

iamnero

養龜接近五個月了，做一個小總結。請各路神仙多多指教。

食譜
我嘗試回憶一下我隻紅腿系我度食左咩野：龜糧（冇野食既時候，或者想補鈣補維他命既時候喂）、生菜、油麥菜、菜心、西洋菜、通菜、番薯葉、芥菜、椰菜、紫椰菜、紅蘿蔔、雞比菇、茶樹菇、翠玉瓜、冬瓜皮、大紅花（路邊摘）、車前草、野葛菜、黃鵪菜（路邊摘，好鍾意）、蘋果、香蕉、番茄、芒果、火龍果、葡萄、生豬肉、煮熟雞骨頭、三文魚刺身、小象拔蚌、熟雞蛋、自己既屎……多到真系數唔清，而龜糧只占好少一部份。
只想說明一件事：龜在自然棲息地中，系有數百種可選擇既食物，普通飼主難以提供。但身邊都有好多合適又易獲取既食物（尤其系紅腿，紅腿幾乎系陸龜中食性最雜既品種），唔需要亦都唔建議長期提供一兩種或按比例混合既幾種食物，個人亦傾向于儘量少喂龜糧。

溫度
根據我呢幾個月既觀察，我呢隻紅腿20℃~30℃既溫度範圍內食慾、活動力、健康程度都正常。部份國外既網站與學術文章聲稱，紅腿系夜晚能承受18℃甚至13-16℃既低溫，我個人尚無實例支撐此論點。我個人既解讀系：強壯的成體紅腿能短時間承受18℃或以下既低溫，但對大多數紅腿（尤其是幼體）來講，應控制夜晚溫度在20℃或以上（我既红腿已安全渡過好多個20℃既夜晚）。要注意既系，就算國外網站與學術文章將紅腿能承受既溫度講到好低，但都明明白白寫住系“夜間溫度”，且非長時間。龜的確需要晝夜溫差，因為日間活動、覓食、消化需要吸收能量，加快新陳代謝，并將體溫提升至使体内生物酶活性最大的區間，而夜間睡眠則需要降低體溫，減慢新陳代謝，減少能量消耗與體液流失。日間溫度亦不可過高，我曾試過用封閉式小箱，日間將箱內溫度提升至34℃，跟住隻紅腿會自己將箱入邊既一盆植物推倒系地下，跟住鉆入植物既枝葉中躲避高溫（好聰明）。系冬季，日間射點溫度32-34℃為宜，38度或以上對幾乎所有陸龜都系致命的。
紅腿原產地夏季日間最高溫度略高於30℃，冬季夜間最低氣溫20℃左右。

性格/互動
紅腿陸龜可能由於原產地食物豐富，環境優越，系好奇心比較強、比較活潑既品種。不易受驚，不易受壓迫，與飼主互動都幾好，短時間內即可適應飼主，從手上接食，會追手，被飼主拿系手中時亦會伸出四肢與頭部，可接受頭部被撫摸。
紅腿系熱天會有意識地避開陽光直射，尋找陰暗處；系冷天則會較多系射點/熱區活動或曬背。
大多數紅腿都好鍾意浸水，我呢隻就唔系，通常浸十幾分鐘就開始搏命想爬出來。以及有另外一個好有趣既習慣，就系好少會系龜箱中排便排尿，一定要系外邊搞掂。只要一從箱中拿出來，無論放系邊度，五分鐘內一定開始排便排尿，屢試不爽，但從行為上睇，又唔似系因為突然置於陌生環境受驚/慌張導致。
另外，我隻紅腿真系好冇膽。之前買D麥皮蟲返來俾距食，點知距嚇到腳仔都軟埋……http://www.hkturtle.org/forum.php?mod=viewthread&tid=24797

生長
總體來講，餵食既頻率與量系會直接而迅速地影響我呢隻紅腿既生長速度。岩買返來個段時間，我喂得多，好快就開始爆生長紋，爆完一層又一層，速度好快；入冬之後，我逐漸減少食量與頻率，到目前為止已經個幾月冇見到生長紋啦。系低溫季節減慢甚至停止生長，我認為系好事，龜本身系代謝極緩慢既動物，生長過快/長時間保持較快生長速度對身體器官會造成好大負擔。

總體來講，紅腿真系好適合普通飼主室內飼養既龜。活潑、體質好唔易病（我呢隻偶然會出現眼角有分泌物，無需用藥即可康復）、食譜雜、唔會結石、適應香港氣候、體型適中、對陽光需求量較小，至於漂亮與否，甘就要睇圖啦，紅腿毒都可以好勁噶
（好多舊相）

kukuro23

share more of your experience.

iamnero

kukuro23 發表於 2012-3-16 00:25
share more of your experience.

靈感用曬啦

iamnero

johnng9879 發表於 2012-3-16 00:31
哇~正呀! 有心之作,支持!!!搞到我都養隻櫻桃紅腿...好毒啊....

魚街大把！

FAAT

好正，我都有養紅腿，請教
幾耐餵一餐？
濕度應該幾多較適合

iamnero

FAAT 發表於 2012-3-16 00:49
好正，我都有養紅腿，請教
幾耐餵一餐？
濕度應該幾多較適合

我冇詳細既餵食方案，會根據隻龜具體狀態來調整。
食完即刻去訓或食物有剩-->單次食量過多
活力下降，經常縮系山洞唔出來/唔郁-->餵食頻率太密，或長時間單次食量較多，或二者兼有
進食時動作緩慢，常停頓-->同上
一般認為，每日一餐，每餐7成飽系比較合適既。我每日喂1-2小片菜/草葉，間中停1日，間中加餐（水果、肉類）

冷區濕度最好70%以上，底材要有一定厚度，底材要隨時保持濕潤，龜箱中要有大水盆

spar0123

我返而喂糧多 其次系野菜 水果 我覺得而家佢仲細 比高營養佢 打好個底先(紅腿7.5cm)

iamnero

spar0123 發表於 2012-3-16 01:01
我返而喂糧多 其次系野菜 水果 我覺得而家佢仲細 比高營養佢 打好個底先(紅腿7.5cm) ...

我都冇話喂糧不可取
但系，比高營養既話，首先要考慮消化系統同埋代謝速度既承受能力。陸龜既腸胃，系適合從低蛋白低水分高纖維既素食中吸取養分，消化速度較慢。如果你比既食物營養過高，或者量過大，甘就反而對腸胃同埋腎臟系好大既負擔。紅腿因環境濕度高，水源豐富，可接受稍高蛋白質既食物，但亦不可過度。

龜龜新手

盾同红腿可以一起养?  好似5得....是吗?

iamnero

龜龜新手 發表於 2012-3-16 01:13
盾同红腿可以一起养?  好似5得....是吗?

我一向比較反對混養，尤其是棲息地相差好遠既品種
未買既話就唔好混養，如果已經買左既話，濕度儘量跟紅腿， 溫度儘量跟盾臂，空間一定要大

spar0123

回復 iamnero 的帖子

我通常一日喂幾次波蘭糧 每次3-5粒 晚餐比小量野菜 題外話：我d龜好中意食波蘭糧 好似上左引咁…… 就算比菜 波蘭糧  草粒 香蕉 4樣佢揀 佢會食左糧先再食香蕉 我系咪要改下喂糧既次數？ 免得佢太偏食

iamnero

spar0123 發表於 2012-3-16 01:18
回復 iamnero 的帖子

我通常一日喂幾次波蘭糧 每次3-5粒 晚餐比小量野菜 題外話：我d龜好中意食波蘭糧 好 ...

你粗略計下你一日內所喂既糧既重量或體積，與你隻7.5cm既龜（代謝極緩慢既爬行類變溫動物）既重量或體積相比，呢個比例，就算系你（哺乳靈長類恒溫動物），是否消受到？
由於龜系野外難以獲得營養豐富既食物，因此對香甜、多汁、肉厚既食物自然偏愛，我隻龜食糧都會食到舔埋乾淨個碗底，食櫻桃食到核都想吞埋。

spar0123

回復 iamnero 的帖子

睇黎將糧當系零食 最好小食d……

iamnero

spar0123 發表於 2012-3-16 01:29
回復 iamnero 的帖子

睇黎將糧當系零食 最好小食d……

我記得波蘭糧脂肪含量好高，你check一check

iamnero

spar0123 發表於 2012-3-16 01:29
回復 iamnero 的帖子

睇黎將糧當系零食 最好小食d……

你最大問題唔系喂糧，而系喂得太多，超出龜正常食量好多倍
隻龜只不過因為基因中對食物系機會主義的，先會系完全飽既情況下繼續進食

cole121

師兄！請問你有無餵鈣粉或BAC比佢食呢？THX!

iamnero

cole121 發表於 2012-3-16 02:25
師兄！請問你有無餵鈣粉或BAC比佢食呢？THX!

鈣粉：岩開始養龜，乜都唔識既時候，喂左一個月左右，大約每星期一次；有段時間冇UVB燈照，喂左幾次含D3鈣粉
BAC：從未喂過

北鄉一刀

我果隻自從食過m糧之後,就變成咩龜糧都食,但唔食菜

arri535

多謝ching分享,寫得好正呀

iamnero

北鄉一刀 發表於 2012-3-16 08:26
我果隻自從食過m糧之後,就變成咩龜糧都食,但唔食菜

M糧系公認既好糧