再見我的龜龜 跟你一起也不枉, 但主人都係好掛住你呀!

ar龜

我想講一下ar龜既情況. 我養左ar龜14年, 佢都有8-9吋咁大隻.

上年5月份 去土瓜灣睇余醫生. 當時ar龜唔食野. 余醫生話她缺鈣, 塞了8隻蛋. 打左支鈣針, 用喉管餵食之後精神返. 無晒事.

點知到今年…..6月中見她兩星期唔食野. 仲有開口呼吸, 過多一日仲有一邊眼唔開. 我心想死啦要快d 帶她睇醫生. 27/6/12打去比余醫生, 點知余醫生好full 無晒位, 我要星期六先有位. 姑娘話如果緊急就睇第二個醫生. 我求姑娘比個位我都無. 唉….我就當日同ar龜去左跑馬地到睇黎醫生. 黎醫生話她情況唔好, 缺鈣. 要我有心理準備. 黎醫生話龜其實要同人類食既野差唔多. 唔好食龜糧, d龜糧無營養. 好多主人都唔知. 他會比一d 龜喜歡食的東西佢地食. 蝦,魚,菜把它們打碎, 再加入大菜粉變成一舊糕比龜食. 之後黎醫生開左d 多種維他命,鈣粉及電解粉比我. 同ar龜打左支維他命針. 叫我餵ar龜一星期再返去覆診.

之後我餵左ar龜幾日, ar龜連第二隻眼都無開…. 我再book余醫生6/7/12. 立即在1/7/2012再同ar龜睇中鋒師兄. 中鋒師兄ar龜唔精神打唔到”趨”生針, 後來中鋒師兄比左d 藥水我比ar龜浸. 就用了黎醫生d 維他命加中鋒師兄藥水 直到6/7/12.

ar龜

6/7/12 終於睇到余醫生, 余醫生一睇….抽d便便再睇下, 已經同我講ar龜情況好差, 救返機會好微. 如果下次, 龜一唔食野就早d睇醫生. 我比黎醫生d藥比余醫生睇….余醫生話: 黎醫生比d野唔係藥幫助唔大, 但又唔係無幫助既…..之後就同ar龜照x-ray&驗血, 發現尿酸好高.  余醫生話ar龜皮膚變黑…..通常都係尿酸高….但高過1000 都好難降低及醫唔到. 我都哭了出來, 我問邊樣對ar龜好d呢……但醫生話: 我唔會唔試救ar龜既. 我不想試都唔試就人道毀滅. 我見ar龜都好努力無放棄咁樣(因為睇余醫生之前ar龜雙眼合埋了幾天, 但到睇余醫生當日ar龜開了一邊眼) 所以我都想試…. 但余醫生當日立法即比左d “渡”蟲藥比佢食. 但一食就吐返d出黎. 余醫生話: 我通常都會同d黎睇醫生既小動物“渡”下蟲先. 但我又諗ar龜咁虛弱點解仲要“渡”蟲, 仲要連食物一齊餵, 咁醫生比我d藥仲點比ar龜食? D 藥要同d 食物一齊餵家ma…..唔通又食一次咩….唉…..

余醫生話: 你地養龜既就要比一個天然既環境牠生活, 因為龜係應該生活係大自然既, 係d 人夾硬帶牠們返屋企養. 咁對佢地黎講唔係一件好事. 因為佢地要曬太陽, 唔係曬燈bor. 要有多d活動空間.

食了五日藥到了 11/7/12 晚上10點幾 發現ar龜已經無了氣息. 我狂哭…..唔知點算…..到了11點幾call 了善終公司接走ar龜……近晚上12點30分接走了ar龜. 15/7/12 火化及埋在土中.  其實我見ar龜真係好辛苦好陰公. 我要用喉管餵牠食野. 我見到佢咁我都覺得佢好辛苦…..我一路同ar龜講, 食藥會快d好返嫁, 你乖啦食啦……我覺得佢知我幫緊佢. 唉……

20/7/12 在家中發現一隻好似草蜢但好細隻的動物, 我把牠放走, 但牠又跳回我窗口. 唔知係唔係ar龜返黎呢!


以下係我係醫生到學到既. 希望對你地d 龜龜有幫助. 有事時都可以知道咩事. 盡快醫好.

開口呼吸 可能肺炎. 要食抗生素 or 黑藥
顏色變深 or變黑. 尿酸高 要醫生比降尿酸藥
手關節有腫起一粒. 有尿酸積聚
眼腫. 缺維他命A
反殼. 缺鈣
當龜爬行時手震都係缺鈣問題
手腳腫 都係缺鈣
手模龜腳與身體間的肉.  可知有無蛋, 如果有蛋可能有塞蛋問題. 但幾多隻就要照超聲波
照x-ray 係照不到蛋的
余醫生話如果龜唔食野就可能有病, 要快d 去睇醫生.
如龜長時間唔飲食, 龜會自己吸收返d 尿, 到時d毒素會在身體內循環.

ar龜

其實到而家我都未放得低         

chim

Rest in peace....

khip

ar龜 發表於 2012-7-28 10:59
6/7/12 終於睇到余醫生, 余醫生一睇….抽d便便再睇下, 已經同我講ar龜情況好差, 救返機會好微. 如果下次,  ...

RIP......呀龜會同我隻小巴西一起走以後既路

dickccm

節哀順變！

boey_carson

睇到我好傷心。。。rip

殺破狼

其實我一向都知只係單拎龜糧養龜隻龜會走樣,只食龜糧既黃緣身上最明顯..人地中國養緣唔會好似我地香港好多人咁只係比龜糧,但好多香港人覺得龜糧係比龜食就一定有哂龜需要既野,但開龜場既都唔會只係比糧d龜食..繁殖都係啦..所以我從來都只會當龜糧係副食,我自己會正d野比緣緣食,但就因為咁先明白緣既野多左..仲有中國人養緣既做既器材咁..

ar龜

其實我係好介意 醫生當日點解仲要比 “渡”蟲藥比佢食.  佢已經咁辛苦有無蟲都係應該醫左佢最嚴重果樣先.  :'(:'(:'(:'( 但係我果日已經無晒主意, 我無出聲.

zdx1999

睇到眼濕濕

14年 家人感覺

cherry99131

我想信龜龜會FEEL到你既愛意
唔好咁SAD啦
R.I.P

石J

算啦,件事已過,龜龜唔想你咁傷心,你要放下悲傷,勇往直前......

yammy_kk

其實你都好盡力去幫ar龜嫁啦，佢一定會感受到你滿滿嘅愛！我屋企養咗18年嘅巴西上個月都走咗呀，雖然好難過，但我都唔會忘記同佢一齊嘅時光，亦都好興幸能夠陪佢走到盡頭！振作，加油~~

Bonbon

R.l.P.
唔好太難過！

alice1977

14年呀AR龜走左一定好傷心！RIP~

shinyiu

睇完好心up.. ar龜一定知道你曾經努力地幫佢, 請振作!!