首先濾水器分幾種,
掛濾,潛濾,濾桶,頂濾,過濾缸等
以下我將分別介紹其好與壞處
掛濾普遍要求水位高,如果養龜既話會容易走龜,加上濾材位普遍唔夠,養菌量不足,不建議使用
如掛濾水位不高,則會導致落水聲過大.
潛濾由於身形細小,所以濾材位一定唔夠,養菌量輕微,基本只能用作物理過濾功能,不建議使用作為主過濾,但有不小師兄/姐會利用其作為推水流及格屎用,成效普遍唔錯
頂濾(滴漏箱)則濾材位十分充足,如配上比較強勁既水汞,則吸屎力一流,是物理+生物過濾既一流選擇,而且,由於佢既過濾位係魚缸上面,所以你好容易就會見到白棉污唔污濁,亦都好容易更換濾材. 但係...壞處就係...放係魚缸上面,會有阻景觀.
濾桶則濾材位普遍較大,養菌量足,而且濾桶可以放係魚缸下面或者同魚缸平放,相對滴漏箱來講,無咁有阻景觀,會係比較多師兄/姐既選擇
但由於濾材位唔夠滴漏箱多,如果要養d柯屎量比較大既龜又或者養比較多龜既話...就咁一個濾桶既養菌量好多時都唔夠,呢個時候就要選擇增加一個前置濾桶.
增加前置濾桶既原因係可以將格屎既白棉放哂係前置度(亦可加碳),之後濾桶就加爆生物環,咁樣做既話,養菌量就會大增,龜缸負荷能力亦大增..
但由於增加多左濾材,濾桶既流水量亦會相對減小,總濾水量亦會減小,故如慾增加前置濾桶的話,其後置濾桶必須比較大流量及足火.
過濾缸
即係分一個魚缸出來,其用途同滴漏箱無乜大分別,但係過濾缸既大細就大好多!!係大魚缸/大龜缸既首選過濾系統!
首先過濾缸入面會放哂濾材,之後放係魚缸櫃既下面,之後龜缸放魚缸櫃既上面,過濾缸再配個上水汞,咁就可以了.
壞處就係...要買魚缸櫃,所需位置比較大,所用金錢比較多.
歡迎各師兄指正不足之處
|
發表於 2011-7-30 12:49:55
收藏
分享
提升卡
置頂卡
變色卡