新到無人有....養盾臂!!!

a123ming

新到無人有的人類,想養盾臂,有幾個問題想請教各位兄台:
1.甚麼是全品,明碼?
2.錯甲有咩影響?
3.斷趾會影響d咩?
4.有釘係指?
5.倒及齒會有咩影響?

6.建議的器材(中)?

大多問題了,因為都係想認真了解,謝謝各位!!

小豹

爬文可揾到答案

gorden

c兄   養前去爬下文先養啦
連爬下文都唔爬就問

豆腐玉女

我之前到睇左成日

我愛爬蟲類

爬下文啦!

choichakyam

去爬下文,我以前都係.

平安joe

去爬下文啦

ricoleung

a123ming 發表於 2013-1-27 02:05
新到無人有的人類,想養盾臂,有幾個問題想請教各位兄台:
1.甚麼是全品,明碼?
2.錯甲有咩影響?

明碼 <--- 都唔知? 有無買過嘢?

小朋友

係454 就唔係錯甲

christy

明碼實價.....

rugbilly

a123ming 發表於 2013-1-27 02:05
新到無人有的人類,想養盾臂,有幾個問題想請教各位兄台:
1.甚麼是全品,明碼?
2.錯甲有咩影響?

上年我想養盾臂既時候, 都係爬足晒D舊文, 做齊晒資料搜集, 到真係搵唔到我想搵既資料後, 先至問龜友.

climbv35907

+1 倒及齒係咩會有咩影響? -.-

蕉蕉蕉

上google打盾臂..你要既答案已經有齊 = =||
再5係慢慢睇番之前d文都已經解決到

嘉榮

自已爬文啦

啊橙

本壇都有尐精華帖可以幫到你
不過冬天最好唔好入龜啦，等到暑假先就最好
所以你仲有半年做資料搜集
新手冬天入龜死亡率都有一定既水平，小心尐

ah_jai2005

a123ming 發表於 2013-1-27 02:05
新到無人有的人類,想養盾臂,有幾個問題想請教各位兄台:
1.甚麼是全品,明碼?
2.錯甲有咩影響?

好多師兄都鼓勵樓主爬文，呢個好習慣，值得鼓勵！

不過，問心我又覺得佢d問題的確唔係求其search「養龜」或者「盾臂龜」就可以搵到答案。

逐項講：
一、全品是乜？
其實唔少人出帖問過。
主因係呢個係養龜界慣用語！重點係，我地玩開就覺得「全品」意思好簡單，但自己好似無見過有正規既定義。 一般人覺得手腳趾齊全，無斷尾，無錯甲係全品；但如果佢視力差又算唔算？ 個殼花左少少又算唔算呢？  個殼有青苔又算唔算？  
當然，大家對全品既定義其實算係有共識既，只不過，一個新人入o黎問關於慣用語，的確唔等如一定係飯來張口之輩。

二、明碼
呢個中文，買得野多的確會知，但唔知又唔等如佢唔爬文喎。
要理解呢個term，就要睇好多買賣帖，從d人使用呢個term既習慣去掌握呢個詞背後既含義。 呢個係語感既問題，同埋響呢個圈子浸得耐唔耐。
又係果句，做左老手，好自然未必明白新手果種疑惑。

三、錯甲、斷趾有咩影響?
新手唔知錯甲有無實質影響，一d都唔奇。尤其是d人講買龜時會叫人留意有無錯甲，總會諗係咪有咩問題。  邏輯在於，錯甲影響既係外觀，但叫得外觀即係睇得出，咁點解要留意呢？ 係咪有咩玄機呢？ 斷趾又有無實質影響呢？

四、有釘係指?
有釘本身都係養開陸龜既人先會提起，而且都係純外觀既問題。
講真，有釘呢個題目係咪真係common到係咁意search下就搵到呢？

五、倒及齒
唔講啦，都係果d意思。

++++++++++++++++++++
重點係，作為一個新手，如果無爬文根本唔會識得全品、明碼、錯甲、斷趾、有釘呢d詞彙；
咁，各位期望一個新手爬文爬到咩程度先至可以問野呢？

大家既知識都係主要沿於爬其他前輩既文，即係話，所有新手提問其實都可以用「自己爬文啦！」去回覆的，問題係，佢問既問題係咪真係超易搵到答案？ 定係已成為一般老手慣用但又其實隱晦含糊既特定界別用語呢？  
再舉多個例，有時新手問買咩濾桶好，有不少人會話 501 啦、cy20啦、805啦之類，我覺得呢種答法其實係玩佢地。 新手連有咩方式既過濾都未必知，品牌就更加唔好提啦，居然直接答個型號俾佢，所以難怪周不時都有人反問： 「501係咪個牌子名呀？」之類。

a123ming

回復 啊橙 的帖子

thx...!!!明白

a123ming

回復 ah_jai2005 的帖子

ah jai.....首先十分感謝你的回復,比其他的回覆更會令人接受。
經驗多當然是比經驗少的人更了解當中內容。
牌品好   人品自然好,勿忘記各位!!