在公園水池旁行人路執到隻小巴西，已改名叫coco(可可)

coco123

我仲差啲踩到佢添！其實我從來對養龜都沒有興趣，但見佢同我咁有緣，就收養佢啦！已改名叫coco可可因為事出突然，所以臨時臨急去左附近街市水族店投資了$80買了一個小型玻璃缸 一條小橋和一樽龜糧，住住先啦！比啲時間我爬下文學下野，再看看如何添置設備吧！但其實我發現可可的背甲有些白邊(沿著裂紋的白色邊邊), 是角質化？爛甲？蛀甲？我要做啲咩呢？等我試下upload下相先！

武能容

信你十成, 好無?

ft2728

coco123

下？我真係執架喎！如果我要買，都唔會揀隻個殼有瑕疵吧！我當時用張濕左水既紙巾包住佢，跟住就去附近街市水族店買野啦！

賣魚仔

比心機養佢呀

600FAI

比心機養

龜大仙

其實個缸唔使買咁高如果你驚甲邊有事搽下龜精靈睇下

Puiki

twbb

白邊係個殼正常顏色，你呢隻表面都好可愛，可以搵一次比多小小水（5cm到），睇下會唔會浮係面或打側個身，有機會係肺炎，好多龜死於呢個病，平時水剛過背就好，$80買到三樣野，抵，希望你可以好好養大佢啦，夏天唔駛加暖管，留意溫度保持25~35度，如果空氣焗嘅可以加小風扇或小抽氣扇通風，每日換乾淨水，但水有氯氣，最好裝定一桶水隔夜去氯氣備用，每日餵一次糧，定時每廿四小時餵完之後可以順便換水，細龜到新環境會陌生同驚，所以唔好成日攞佢出嚟，得閒就帶佢去曬25分鐘太陽，但要避開猛烈陽光，最好早上十一點前或下午五點後，一般大致上係咁多，有錯嘅請其他龜友指點或補充

602151

俾心機養大佢，加油！

tbasd

一開始就用玻璃缸......好傷銀包喎~

coco123

多謝各位師兄師姐支持
但我是超級新手，從未養過任何動物，希望搞得掂啦！
呢兩日都不斷爬文，暫時有幾樣野唔係好明，希望各師兄師姐協助解答
(1) 巴西成體後會大概有幾大？個龜缸最起碼要幾大？因為地方淺窄
(2) 我見coco仲係bb, 諗住唔比佢冬眠了，如果我轉用膠缸，可以用暖管嗎？
(3) 冬天時，如果照帶coco落街曬太陽，咁佢咪會好凍囉！因為無暖管跟身，上岸又凍

icaicayin

coco123 發表於 2013-7-3 08:02
多謝各位師兄師姐支持
但我是超級新手，從未養過任何動物，希望搞得掂啦！
呢兩日都不斷爬文，暫時 ...

第2, 膠缸可用暖管, 將佢打橫訓係個缸度, 只要D水蓋過成枝暖管就可以,
膠缸換水方便D, 玻璃缸就比較美觀,建議你個缸買大D, 唔係成日都要換(我半年買左3個膠缸...)

第3, 我自己冬天冇咩事都唔帶佢出去(我隻有7CM底甲),
除非真係好暖(20度以上)....同埋龜龜太細抵抗力差D,冬天要注意保溫
可以俾枝燈照住佢+暖管等佢暖D~~
加油呀~~唔明再問!

caxton

加油呀!!  你真係好有愛心, 希望小龜健康成長!!

twbb

coco123 發表於 2013-7-3 08:02
多謝各位師兄師姐支持
但我是超級新手，從未養過任何動物，希望搞得掂啦！
呢兩日都不斷爬文，暫時 ...

1.巴西兩年到會大到約10cm,成體後最小22cm或以上,,有地方嘅建議一開始用一個大小小嘅缸,我覺得以下呢款唔錯,大.唔重.夠硬:http://www.hkturtle.org/forum.php?mod=viewthread&tid=78056
2.膠缸用暖管無問題,留意水溫唔好過35度,一般舖頭賣$60到,但 上網搵有好多商店賣$30到,細龜唔駛好多水,以5cm水位為例(剛好蓋過支暖管),35cm缸用25W就夠,50~60cm缸就用50W,細W數可以慳電d
3.留意溫度及溫差,如果低過25度龜會進入冬眠狀態,出入任何地方溫差唔好超過5度,冬天一般較凍而且風方唔定,我就唔建議帶佢出街喇

colala

個魚缸咁高身，水位低，好焗，最好有風扇仔

AL0v0

dmchiu

加油

kittyapple38

唷~~~我都係養龜新手耶~~..haha~~
我鐘意你條橋.keke~

coco123

我都覺得可可好叻叻！佢拎返黎第二日就開口食野啦！不過唔係龜糧，係我媽煮飯前切左少少(魚完) 魚肉比佢，佢食得好滋味呀(可惜我當時返緊工睇唔到！) 跟住放個缸在窗邊，佢就自己識爬上小橋度，凌空伸起對後腳曬太陽，好搞笑！我估佢未比我執到之前，一定受過唔少苦，所以就算而家龜屋不大又簡陋，佢都好享受了，又或者…我同佢真係有緣！