UVB燈之........... UVB常識及專業資訊中期小結

tintin

相信好多人對UVB燈既認識過程大致如下:

<初階>
1. 吾知咩係UVB。
2. 爬虫類寵物好需要曬太陽，曬吾夠太陽就會缺乏維生素D3繼而缺鈣。
3. 條件問題比吾到寵物曬太陽，原來都可以用一種叫UVB既燈代替曬太陽。
4. UVB燈有分 "幾多點零"，冧巴越大就UVB越勁，例如同牌子既10.0 ，勁過5.0。
5. 幾大冧巴既UVB燈，都弱雞過太陽好多，所以每日要曬足12個鐘頭。

總結: 你走去買左支UVB燈比龜曬，以為隻龜就會好健康好happy...


<中階>
1. UVB燈原來吊得越高越無料到，高過尺零，曬左等於無曬。
2. UVB加反光燈罩，原來可以將效率增加成倍。
3. 吾同牌子既UVB，就算大家都係10.0，UVB輸出量，原來都可以好大分別。(即係香港人好熟識既: 取考、呃秤)
4. 有種 meter 可以測到UVB指數，專業野，要價千幾兩千。有左佢，你就可以好清楚自己支燈UVB輸出量係幾多。

總結: 你走去買左個UVB meter，吊高吊低支燈左加右加燈罩係咁測，仲換左好多吾同牌子吾同形狀吾同價錢吾同產地吾同批次既燈，終於搵到一支指數最勁揪既燈。縱使你苛包已經少左幾條野，仍然滿心歡喜，以為隻龜以後就會健康就會happy...


<進階>
1. 280 至 320nm 之間既光波，全部都叫UVB。但原來中間又分為好多種波段，吾同波段會對你隻龜有益或有害:
-- 280 至 285 係有害既光!! 會照到你隻龜生cancer什至基因突變繼而走去住坑渠食PIZZA...
-- 285 至 304 係最有益既光，會照到你隻龜好健康好happy!
-- 304 至 320 係無乜益既光，照完隻龜都吾會好健康好happy...
2. UVB meter 原來又係廢既，因為就算你測到你支燈指數好勁揪，但好可能只係d 無益既光好勁揪，呃左你個 meter。呢個meter 好Q蠢，佢吾識分有益定無益既UVB，總之係UVB就會讀個數比你睇。

總結: 你吾再信個 meter，放晒手上d 燈，走去各大廠商網站同專業爬網讀文獻讀報告讀指數圖表，終於搵到支又安全又有益又指數高既燈，仲覺得自己學左好多野PRO左好多，以為隻龜終於都可以健康可以happy...


<高階>
1. 有益波段加上勁揪指數原來都仲係未夠，因為我地仲要計埋隻龜吸光既生理特性!
2. 龜只有皮膚吸取UVB後先會製造D3，佢個殼係吾識造D3。
3. 假設一粒UVB光子，打落隻龜一粒皮膚細胞上就會造出一粒D3。兩粒光子打中同一細胞上，都只係會造出一粒D3。所以，UVB光除左指數要強、仲要照得隻龜夠均勻，仲要照到皮膚而吾係個殼。
4. 總結以上，要隻龜有效造出D3，就必須要同時兼顧以下三點:
-- 285 至 304nm 既有益光子強度
-- 光子密度 (多幾支燈去製造多源干涉現象)
-- 皮膚單次接觸光子既總體細胞數 (增加光源角度、增加反射角度、控制光子均勻著床避免重疊)
** 引述waiman兄所言，以上三點必須全部兼顧，可謂牽一髮動全身，決一不可!!

總結: 當你解決晒以上問題，set 好左個無敵 "UVB燈陣"!!
其實你都係吾知隻龜有幾健康有幾happy......
因為隻龜最後真係受到幾多光、造左幾多D3，你吾知。(除非有埋D3 meter)
太多硬件規格、太多所謂既科研理論隨時會變。
例如，你千挑萬選果支 "神燈"，下一批就可能會暗盤出術改規格。
又例如，最新科研發現，原來 285 至 304nm 之中，其實只有295 至 296，再加些少 UVA 330 晌高溫39C下，照射隻龜頭頂正中天靈蓋5%丁方位先係最有效益......etc


本人既總結:
嘥嘥埋埋咁多錢、精力、時間，結果極有可能都係得個桔!
不如，真係唸唸點樣比隻龜見多d太陽仲實際啦。
Natural is the BEST

tintin

以前的科研資訊:
以UVB指數算，中午時份曬半小時就夠

最近的科研資訊:
UVB指數夠強，都吾代表曬一陣就夠，因為仲要比足夠時間D3去沈澱....

所以，信得邊個? ...... 自己唸。
你問我既話，盡力而為，勉強無謂。

灰太狼

tintin 發表於 2011-10-29 06:45
相信好多人對UVB燈既認識過程大致如下:

睇完我覺得自己無咗四百

灰太狼

6sn7 發表於 2011-10-29 07:16
如果有机會曬太陽，一次曬多久？

我自己比佢哂四十分鐘

tintin

灰太狼 發表於 2011-10-29 07:41
睇完我覺得自己無咗四百

又吾可以話無左既，玩乜都要交下學費，交到咁上下自然就會識用得其所。無人一開始做初哥就先知先覺一箭中紅心。

waiman

tintin 發表於 2011-10-28 18:38
以前的科研資訊:
以UVB指數算，中午時份曬半小時就夠

人地話中午時份強UVB曬半小時就夠D3唔會養死, 從來唔係話夠晒啦唔洗再曬.

waiman

tintin 發表於 2011-10-28 17:45
相信好多人對UVB燈既認識過程大致如下:

><高階>
>1. 有益波段加上勁揪指數原來都仲係未夠，因為我地仲要計埋隻龜吸光既生理特性!
>2. 龜只有皮膚吸取UVB後先會製造D3，佢個殼係吾識造D3。
>3. 假設一粒UVB光子，打落隻龜一粒皮膚細胞上就會造出一粒D3。兩粒光子打中同
>一細胞上，都只係會造出一粒D3。所以，UVB光除左指數要強、仲要照得隻龜夠均
>勻，仲要照到皮膚而吾係個殼。
>4. 總結以上，要隻龜有效造出D3，就必須要同時兼顧以下三點:
>-- 285 至 304nm 既有益光子強度
>-- 光子密度 (多幾支燈去製造多源干涉現象)
>-- 皮膚單次接觸光子既總體細胞數 (增加光源角度、增加反射角度、控制光子均勻著
>床避免重疊)
>** 引述waiman兄所言，以上三點必須全部兼顧，可謂牽一髮動全身，決一不可!!

呢D完全係錯誤, 誤導.

waiman

tintin 發表於 2011-10-28 17:45
相信好多人對UVB燈既認識過程大致如下:

>最新科研發現，原來 285 至 304nm 之中，其實只有295 至 296，再加些少 UVA 330
>晌高溫39C下，照射隻龜頭頂正中天靈蓋5%丁方位先係最有效益......etc

根本沒此事.

出處呢?

ah林-3-

tintin 發表於 2011-10-29 06:45
相信好多人對UVB燈既認識過程大致如下:

咁鬼多個"總結"的.
支持~

tintin

waiman 發表於 2011-10-29 07:58
>
>1. 有益波段加上勁揪指數原來都仲係未夠，因為我地仲要計埋隻龜吸光既生理特性!
>2. 龜只有皮膚吸取UV ...

其實以上絕大部份資訊，都係直接由你以往文章而來。
為免錯誤理解，我亦再三跟你確認。
所以..... 就算係誤導都應該係出前閣下，吾係我。

詳情:
http://www.hkturtle.org/forum.ph ... 19073&extra=&page=1


ps. 小人在先君子在後: 我寫呢篇野並吾係存心針對你。
相反，我的確從中學到好多野update左好多新資訊。亦因為咁，我先突然悟出 "人玩燈燈玩人" 既呢種普通現象，先有感而發。

tintin

waiman 發表於 2011-10-29 08:01
>最新科研發現，原來 285 至 304nm 之中，其實只有295 至 296，再加些少 UVA 330
>晌高溫39C下，照射隻 ...

我老作既點會有出處呢??
(乜你咁都睇吾明...)

交易仔

有一句係好既 Natural is the BEST

waiman

tintin 發表於 2011-10-28 19:11
其實以上絕大部份資訊，都係直接由你以往文章而來。
為免錯誤理解，我亦再三跟你確認。
所以..... 就算係 ...

>1. 有益波段加上勁揪指數原來都仲係未夠，因為我地仲要計埋隻龜吸光既生理特性!

錯誤與誤導係出自你.

我個篇文主題同文內都已表明, 係教人點樣至可以用一D好弱既燈, 去打低強既燈, 用既方法係密度. 我全文都冇講過你個條1既內容.

你就錯誤與誤導人地, 變成係講, 波段夠正夠強都係唔得, 都仲係未夠.

而事實上, Mega-ray係夠波段正又強, 用Mega-ray係絕對唔應該用反光罩既, Mega-ray在40cm唔用罩, 都已達到超過龜的D3需要, 所以邊有你講果回事呢.

事實係: 有益波段加上勁揪, 或唔勁揪既只係中度指數, 就已足夠有餘.

waiman

6sn7 發表於 2011-10-28 18:16
如果有机會曬太陽，一次曬多久？

野外沙漠或叢林的龜, 都曬8hr.

jovi

我會提供陰涼位,由佢地由早曬到收太陽

suedama

係呀！佢地自己識lay埋，瞓夠出黎再晒！

ak615

回復 tintin 的帖子

"-- 280 至 285 係有害既光!! 會照到你隻龜生cancer什至基因突變繼而走去住坑渠食PIZZA..."

呢句過癮. 之後帶佢搵洗國林學詠春....

waiman

tintin 發表於 2011-10-28 17:45
相信好多人對UVB燈既認識過程大致如下:

>1. 吾知咩係UVB。
>2. 爬虫類寵物好需要曬太陽，曬吾夠太陽就會缺乏維生素D3繼而缺鈣。
>3. 條件問題比吾到寵物曬太陽，原來都可以用一種叫UVB既燈代替曬太陽。
>4. UVB燈有分 "幾多點零"，冧巴越大就UVB越勁，例如同牌子既10.0 ，勁過5.0。
>5. 幾大冧巴既UVB燈，都弱雞過太陽好多，所以每日要曬足12個鐘頭。
>
>總結: 你走去買左支UVB燈比龜曬，以為隻龜就會好健康好happy...

有D太陽燈係等同平均中午太陽強度.
亦有幾個太陽燈, 係強過平均中午太陽強度.

隻龜係會好健康.

waiman

tintin 發表於 2011-10-28 17:45
相信好多人對UVB燈既認識過程大致如下:

>-- 304 至 320 係無乜益既光，照完隻龜都吾會好健康好happy...

>2. UVB meter 原來又係廢既，因為就算你測到你支燈指數好勁揪，但好可
>能只係d 無益既光好勁揪，呃左你個 meter。呢個meter 好Q蠢，佢吾識分
>有益定無益既UVB，總之係UVB就會讀個數比你睇。

呢兩樣係唔正確.

benlc

deldeldeldel