我帶巴西龜睇獸醫俾同事笑...

heysel

之前最細隻巴西龜條尾伸左舊野出黎, 我都有請教過依到D C兄, 不過都幫唔到龜龜...之後帶左佢去睇獸醫~!其實龜龜上年都試過同一個情況, 不過佢又行得食得好健康, 之後舊野干左仲自己甩左...我地以為佢甩左就無啦, 點知早幾個月佢又伸出黎...不過都可以自己縮返入去, 但就需要耐少少時間, 但今次佢縮唔返仲大過上次, 而且佢個樣好似好辛苦咁, 又唔肯食野...平時好大食架...因為嚴重過上次即刻帶佢睇獸醫~!
初初話唔知係咩黎, 獸醫幫佢塞返入去但唔成功, 話可能要切...但切左可能會死...因為唔知舊野內有D咩?如果有腸之類就會切埋...咁就會死...但最後去接返龜龜時話獸醫再試吓塞返入去仲成功左~!但之後要隔3日去打一次針, 我返工帶埋龜龜, 咁俾同事見到佢問點解, 講左俾佢知佢問睇左幾多錢?我話睇左$1405, 之後打針$100一次~!佢笑我傻...話巴西龜黎咋...$1500買到好多隻啦...佢意思龜龜有病死左咪買過一隻囉~!但養開有感情呀...點可以咁架...雖然巴西龜係最平...但我唔忍心咁對龜龜呀~!
其實我都覺得好貴呀...但唔係我俾係男朋友俾~!因為龜龜係佢收養返黎, 龜龜前主人嫌佢有病唔要佢...(好衰...)宜家好驚龜龜拆線後再伸出黎呀...希望龜龜身體健康~快高長大啦~!

SnappingTurtle

heysel 發表於 2011-11-11 15:39
之前最細隻巴西龜條尾伸左舊野出黎, 我都有請教過依到D C兄, 不過都幫唔到龜龜...之後帶左佢去睇獸醫~!其實 ...

你D同事太膚淺，無需介懷，我suppot你！

small_fat

你是好主人，會有福報的

tscwky

支持你！祝龜龜早日康復！

jovi

龜龜都有生命，懶理其他人說三道四，我好欣賞和尊重樓主和男朋友對小動物生命的重視！

heysel

多謝咁多位呀~!因為龜龜咁搞到我最近都唔開心呀~!我覺得都係依到D人先明白我點解咁做呀~!其實我知識都唔係好夠呀, 以後都要咁多位指教啦~!我屋企宜家有3隻巴西龜, 最大果隻係我搶返黎養, 因為佢前主人養死左好多隻...我驚佢係下一隻所以要求俾我養~!第2隻係買返黎陪大果隻, 最細依隻就收養返黎~!唔知係咪我屋企無太陽曬到, 搞到大果2隻個殼唔靚, 仲有D變形...所以我好內疚呀...以前0係金魚街買燈又俾人呃...係之後0係荃灣搵到一間專業D嘅舖頭先買返UVB燈俾佢地曬, 不過都變唔返靚啦...宜家只係希望佢地健康啦~!

bobo

支持！做得好！

ashbone

愛心主人

hyy

其實我覺得唔須要理人點睇...
可能你D同事會覺得千幾蚊食左佢OR買野比自己好過...
但係我覺得依D人係將來係唔會識教導小朋友正確觀念的..

michaelphone

不如,你問你的同事如果你帶你的子女去看醫生又可不可以笑你呢.我地將寵物當是子女去看代,我地帶子女去看醫生你地又點笑我地呢

fatboy

好心有好報-

angelacch

你龜龜有你咁好嘅主人真幸福, 其他人講咩唔駛理. 好心有好報架, 你都一定會幸福

ziramas

我suppot你！

kkiop

冇養開嘅人係咁

happycyk

每個人既價值觀都唔同，只可以話人類之中有大部分都係「效益主義者」。

只要您自己認為值得做，做左一定唔會後悔，唔需要理D人廢up。

zcbar135071

D人只睇價錢,真有愛心

ron410

龜都有生命有病唔妥睇醫生有咩咁出奇咁好笑呀你笑番佢哋差唔多

奶野

祝龜龜早日康復

法海

做得好!!養龜 同養貓貓狗狗一樣!!
都有感情有生命 , 係佢地心態差!!

希望佢快D好番

toffee

你係一個好主人，買返黎的價錢，唔等同生命的價值。