有冇c兄, 中意浸水仙過年

花王

今日路過花墟, 見開始有水仙頭賣. 如果浸太早, 正常天氣企頭28日可以見花, 蟹爪要20日就得. 自己計離年初一幾多日啦!

king199802

我係小朋友

Bonbon

每年都會買嚟浸，不過蟹瓜真係唔識........

SnappingTurtle

花王 發表於 2011-12-3 20:58
今日路過花墟, 見開始有水仙頭賣. 如果浸太早, 正常天氣企頭28日可以見花, 蟹爪要20日就得. 自己計離年初一 ...

我啊婆年年都會浸

Bonbon

花王 發表於 2011-12-3 22:34
遲下有時間, 交你整蟹爪, 好講心機和耐性.

好呀！
之前睇電視、報紙教過，硬係睇唔明！

花王

Bonbon 發表於 2011-12-3 21:53
每年都會買嚟浸，不過蟹瓜真係唔識........

遲下有時間, 交你整蟹爪, 好講心機和耐性.

chim

蟹爪好難, 企頭我就識.....

花王

是, 比較難, 少的耐性會搞到功虧一簣.

火水.

回復 花王 的帖子

我都是自己浸自己介的，，，但請教一下，企頭唔係二十日左右就夠了嗎？難道我記錢了。。。。

花王

火水. 發表於 2011-12-3 23:53
回復 花王 的帖子

我都是自己浸自己介的，，，但請教一下，企頭唔係二十日左右就夠了嗎？難道我記錢了。。 ...

其實好睇當時天氣, 企頭正常28日, 天氣暖21日都試過, 前年就是, 突然間暖.

花王

蟹爪真的要21日, 期間還有方法令佢有3日時間走盞. 不過好花精神切.

火水.

回復 花王 的帖子

師兄,過左聖誕節才去買水仙,跟住31号才開始浸,你覺得OK嗎.....我隔左一年,全部忘記晒

花王

火水. 發表於 2011-12-7 13:13
回復 花王 的帖子

師兄,過左聖誕節才去買水仙,跟住31号才開始浸,你覺得OK嗎.....我隔左一年,全部忘記晒{:8 ...

春節在1月23, 你預計企頭28日至21日, 你可以分2 批, 一部份28日, 一部份預計23日, 因為今年可以會凍得遲, 比較難掌握, 如果22-12日冬至個日落雨, 春節會較冷, 如果冇雨則會較暖, 幾準確, 反而蟹爪你預計20日就ok.
水仙買的時候20頭一箱的比較適合, 偏身的可做企頭, 形狀古怪的可做蟹爪.至於浸的方法你應該會, 有不明到時再問.
[ 挑個頭的水仙,不要挑的園的, 一定要偏身, 主球園和實的會有好多芽, 留意.]

火水.

回復 花王 的帖子

挑選方面我就識的了,多謝師兄先.......至於時間,今年會過了年才立春,所以我諗過年應該會較冷,經你提一提,我都係在聖誕節開始浸好了,....水仙方面我買開12頭一箱的,我要浸四盤,所以要買好多....其實師兄,你覺得是否水仙頭越大是否真的比較好呢,因我年年都買大的貴的,真係好重皮

花王

我比較中意買中型的, 因為花的菖數差不多, 只是每菖花內的花數量不同, 經驗知道通常每菖開到最後幾朵已經冇生氣, 所以我比較喜歡每菖開5,6朵足夠了, 上星期我在花墟見到些10個頭的不錯, 是公厕斜對面, 價錢比較合理, 門面有盆景賣個幾間, 你先格一下價, 你買幾箱一定有平, 上星期六個日, 我買了一箱20頭80 元, ok 啦! 我整蟹爪, 所以要比較小的個頭, 掉在天台等2012年一月頭整.天氣會否好寒冷, 好難預計, 你可以分2 批浸, 相隔6 天比較保險.
其實, 好得意, 的賣花的都預計到, 將近到浸限期前會有平賣 ,但我建議你可以先留意價錢, 在聖誕節時間買就正確, 春節在1月23日. 28日最穩陣.

火水.

回復 花王 的帖子

好,多謝師兄意見先,,,,,,,到時影相大家分享一下.....我今年都試下玩蟹爪,但都只是初學而已,所以只是試驗階段,因以前跟個做幾十年花王的師父學的,點知學得一半佢就,所以得半桶水

freemankapo

我近兩年都有浸水仙呀...上年o個盤好靚好多花...
今年o既水仙頭都買左...e家就計緊幾時開箱好...XD

花王

火水. 發表於 2011-12-16 09:57
回復 花王 的帖子

好,多謝師兄意見先,,,,,,,到時影相大家分享一下.....我今年都試下玩蟹爪,但都只是初學而 ...

c兄比的意見你, 切蟹爪水仙, 挑選個頭不要太大, 中形的可以了,形狀古怪的不緊要, 切忌晚間或精神狀態不皆的時侯做, 有陽光比燈光更好, 如果累但冇時間一定要做, 可以先把,外層的大部撕掉, 之後用一塊半濕的布蓋好,以免乾硬再落刀便有困難, 留待狀態好的時候, 再做細緻的功夫.泥頭有水仙鹼有毒性, 不可以比龜食到, 種植物都唔生.
一定唔可以用介紙刀, 只能用雕刻刀, 平口與斜口的刀鋒便足夠, 最好戴勞工手套做, 因為水仙頭有黏液, 有毒性誤食會拉肚子, 事後一定要洗手.
蟹爪雖然功夫多, 但更有觀賞價值, 單獨一個頭已經好靚, 唔會整下會成棵蔥咁, 而且開花時間更易掌握. 努力加油, 支持你.

火水.

回復 花王 的帖子

好,多謝意見先.....

花王

火水. 發表於 2011-12-17 09:24
回復 花王 的帖子

好,多謝意見先.....

今日路過花墟, 見在公厠斜對面[ 鳥語花香和順景園藝] 8或6頭水仙一箱賣60元箱, 有的標價68, 但是一問價, 就話60, 是差不多時候買, 如果賣到7788,佢會抬高來賣. [ 鳥語花香和順景園藝]應該價錢最平, 而且全個花墟大家都賣同樣的野.
順便一問人參榕, 點可以種到個頭似蘿蔔咁, 我種緊盆佢一出多的葉, 我就剪, 正確嗎!
北區花鳥虫魚展, 你有冇盆景植物參展.