盾臂~~食野~泡水~成長問題?????師兄們幫幫手

小不點

已養盾臂1個月,好動,愛食,排擠正常(底長5CM)聽老闆說好像是4個月大
鈣粉份量大約是火柴頭的黑點的大小(1星期1次)
泡水(1星期1次,每次15~30分鐘),有日/夜的暖燈(照龜溫度27~33度)
食生菜,油麥菜(還別的少水低酸的菜建議*轉季唔知邊D好*?)(草要食邊D*報上草的名稱*??)
還其他野要食?(例如:龜糧)
我見龜仔有D掉皮現象(近尾,後腿)知道是咩原因??
我以上的裝備,餵養方法和餵養份量龜仔能健康成長???

lktq

你最好先爬文 ... ^^"

立即要做：每日一浸溫水 ~

明天要做：找找適合的底材 / 食材 / 缸 / 燈 等 ~

小不點

爬左了,D意見好兩極化,食材方面:有D話無問題,有D就話不可以.比D食材名稱的見意OK?
底材:網人話用(磁磚反轉)
要留意下面講果D,我都知,不過唔知邊到有得買
1.底材是否具「吸收力」？亦即其是否可吸收排泄物，並將其從

爬蟲身上拖拉開。


2.底材是否具「導熱效果」？若放於加溫石（片）（墊）上是否

有辦法將熱度傳導上來？


3.底材是否具「可食性」？若爬蟲（或陸龜）誤食，是否能順利

排泄而不會積於體內？甚至具有幫助消化的功能？


4.底材是否「易生灰塵」？


5.底材是否「易生徽菌或小蟲」？


6.底材是否「易於清理」？


7.底材是否具「磨指甲」的功能？


8.底材是否具「易燃性」？若冬天進行加溫是否會因為加溫點溫

度過高而起火燃燒？

boom76

邊到入龜，咁教你！！！

小花

你錯哂...= =錯X哂

jerryckpoon

不堪入目

lktq

睇到第一同第八點 ... 唔知比咩反應 ^^"

底材方面：各種底材各有好有壞：視乎環境 / 季節 / 龜種等等 ~
報紙 / 草粒 / 人造草 / 反轉磁磚 / 紅土都好過粟米粒或者唔用，因為龜誤食排唔出，仲有就係大塵 ~ 令龜易有呼吸道感染。

至於用邊種，都係你自己揀啦 ^^

食材方面，我都聽過食油墨生菜都冇所謂 ~ 但我之前隻豹食油墨就排爛便便 ~

小花

燈 日用UVB10.0/POWERSUN  34-38
-夜用紅燈28-32

日日泡水35度

你問題最大係食生菜,油麥菜,,,,,,換M糧,草粉,+雜菜草
環境唔通風..."
你一個月都無事..你盾仔都幾強...我見人1-2個星期就......

小花

仲有低材.....!!!!!!!!無得救

小花

仲要答你爬左文.....理解能力都幾

windleaves

小花 發表於 2012-3-3 01:04
燈 日用UVB10.0/POWERSUN  34-38
-夜用紅燈28-32

小花同學，你錯了，正正系因為呢d食物，隻幼龜先可以挨到一個月。
你有無睇到佢主貼度話一周先浸水一次，溫度高達33度？再加上唔保濕嘅底材，如果唔係呢d多水分食物，隻龜出事好耐了。

呢d setting完全照抄龜商，我睇到主貼同樓主語氣，就直接點右上角紅色X。不過俾你呢個貼引我破功

小花

你是正確的...."我諗佢要換好多野.仲要係一次過換!!!!!唔散換得^^都幾淋

圍圍

哥仔爬文啦!認真d學下野,唔好害左隻龜pls

圍圍

http://www.hkturtle.org/forum.ph ... &extra=page%3D1

圍圍

http://www.hkturtle.org/forum.ph ... amp;extra=page%3D12

kinsumc

我諗佢除咗支燈同隻龜外,全部要換...同果兩支温度計,好似比養魚用?你影呢d相放係度,一定比人插

zero322

回復 小不點 的帖子

將底材換 加水盆 去日本城買溫度濕度計
轉餵車前加龜糧加少少油麥先 一排就完全唔比油麥

ONEONE8210

CHING,唔爬多D文好難養好龜架...我都係新手或者講講我既理解啦..
第一首先你個缸太細太焗..其實通風真係好緊要...如果我將你困係一個又熱又焗既地方又唔水你飲相信你都會覺得好辛苦啦...你隻龜脫皮是反應緊太乾燥
第二泡水,幼龜比較易脫水仲要咁乾既情況係應該日日泡...呢度有位高手成日都有提及補水補水同補水..你得閒睇多D呢位高手既文會學到好多野...
第三...你最少加UVB...好緊要的..UVB係製造D3..如果唔用既除非你日日同佢去曬太陽..如果唔係好易產生問題..E.G..軟甲..
第四..底才方便,好多人用草啦,紙粒,木粒..報紙..廚紙..磁磚反轉..紅土..而有位高手早兩日亦發了一篇關於紅土既文..我覺得你可以參考下..而我比較喜歡用報紙做底..磁磚反轉..因比較易清理..污糟時洗完又用得..
第五..到食材方便..個人覺得油麥菜同生菜不合做主食...我可能1-2個月先會一次...當然你可能覺得冇問題好多人都餵..但有時餵食係長時間先會將問題反映出黎...等於人食煙飲酒一樣..好多人都冇即時問題架...但一有問題就一發不可收拾..咁既然係咁點解唔盡量避免呢..而我為龜多數都係車前,蛇舌,黃鵪菜,3葉,大紅花葉,間中芥蘭,蕃薯葉..仲有D係行開見到周街剪既草(唔記得咩名).同少量M糧.好多CHING都話最緊要係多元化咁先夠營養
你最後既問題係咁養法會唔會健康成長...我只想講你隻盾現在仍健在算係強頑了

其實爬文好過你出POST問.呢度其實有好多高手出過好多POST同解答個問題的..我隻豹仔有事時都係不停爬文不停睇到而家康復中..有時唔係你開一兩個POST就能解決到問題..養龜係一個好大既學問..要付出很多時間研究同金錢買設備....希望CHING不要浪費買龜的金錢和最緊要的小生命

P.S 我只是新手..只是個人禺見

小豹

我從來都唔俾我d龜食油麥菜同生菜，你個箱太乾，最好一日兩浸，如果唔係你隻盾會排唔到酸！

小豹

ONEONE8210 發表於 2012-3-3 22:02
CHING,唔爬多D文好難養好龜架...我都係新手或者講講我既理解啦..
第一首先你個缸太細太焗..其實通風真係好 ...

我係新手，多多指教^^~