行政長官放了屁

啊橙

言之無物，猶如放屁，臭且難聞....

花王

同意, 真好有陳水扁的影子, 最難忘, 佢接棒董伯伯時, 個招積樣, 好典形擦鞋仔格, 冇能用, 香港今日搞成咁, [龜公]系佢

小豹

其實某程度我我都幾同情他，以他年齡同地位識到有錢人我覺得唔奇怪！同咪他7月都唔再係特首啦，不過我同情他唔代表認同他的做法！純粹個人意見，不歡勿插＞＜

Tony_Chu

低能既社民三子, 如果"曾蔭權下台", 咪由林瑞麟代任lor, 到時你咪又係唔like it??!!

Tony_Chu

小豹 發表於 2012-3-3 14:00
其實某程度我我都幾同情他，以他年齡同地位識到有錢人我覺得唔奇怪！同咪他7月都唔再係特首啦，不過我同情 ...

同意師姐講法.  講真, 如果真係要貪污, 我會去瑞士銀行開個無名戶口, 憑密碼攞錢, (我阿婆都有個咁既account), 又或者在百幕達既離岸銀行入錢/轉錢啦, 根本就查唔倒 (除非恐怖份子).  使唔使咁蠢比你咁容易比你查倒啊?

講真, 呢D 唐、梁、曾 醜聞係玩政治鬥爭姐, 雖然我地口中鬧鬧鬧, 但心中要清楚香港冇人真係會貪污既.

同有錢人埋堆就官商勾結, 咁同窮人埋堆咪係想搞共產??

政府偏幫有錢人?  但香港係世界上最自由市場既資本主社會wor, 政府平時唔同有錢既大資本家傾, 唔通同D基層傾如果提升香港GDP呀???

iamnero

Tony_Chu 發表於 2012-3-3 15:20
同意師姐講法.  講真, 如果真係要貪污, 我會去瑞士銀行開個無名戶口, 憑密碼攞錢, (我阿婆都有個咁既acco ...

香港需要能夠獨立客觀地思考的人

Tony_Chu

D人日日嘈咩 '官商勾結'、'政府官員貪污', 搞到上晒國際報紙, 等D全世界人以為香港都係個貪污城市, 到時冇人敢調錢黎香港投資, 香港變成荒城, 有錢人走曬, 香港班走唔甩既窮人就PK, 或者要北上幫阿燦打工lor.

乂阿偉乂

行政長官柯了屎

samsam=]

雖然我覺得佢冇貪污~
但如果呢D事係發生係個公務員身在,一早已經炒左
做行政長官   唔係一句冇上級Report同冇指引,就唔洗避嫌
如果佢可以事前再處理得好D  可能E家就唔會咁樣

(純粹講下自己感受)

啊橙

samsam=] 發表於 2012-3-3 19:19
雖然我覺得佢冇貪污~
但如果呢D事係發生係個公務員身在,一早已經炒左
做行政長官   唔係一句冇上級Report同 ...

因為佢係最大果個，佢既上司就係啊爺，係整個問答大會到，有人提到三個例子，佢地既行為同放屁曾相若，但佢地通通坐晒花廳，得放屁曾冇事。

其實今次案件我覺得係大陸想借機會沖淡梁營既漏報醜聞....如果放屁曾冇事，咁CY可以大條道理搬放屁曾上檯。放屁曾事件當中涉及咁多大陸富商，就擺明車馬，邊個郁CY就同陳振聰同一下場(華懋遺產監管人係溫爺爺，咁你估下發生左咩事)

samsam=]

啊橙 發表於 2012-3-3 19:47
因為佢係最大果個，佢既上司就係啊爺，係整個問答大會到，有人提到三個例子，佢地既行為同放屁曾相若，但 ...

其實我有諗過係咪大陸D陰謀T_T
搞衰我地HK個名   方便香港第日變做香港市T_T
(雖然誇左小小)

minicooper

佢個位邊個做都死！

Tony_Chu

minicooper 發表於 2012-3-3 23:42
佢個位邊個做都死！

非常同意!  邊個做都死!  社會各階層都係自私自利, 不能團結, 互相仇視, 政府不能太過干預市場, 不能加稅或擴寬稅基或增加富人稅或空置稅, 又不能擴大港英政府當年既福利制度(會減少競爭力), 各團體又反對政府填海、開發新界、開發郊野公園, 所以香港將會繼續維持 M 型 社 會, 貧富對視, 無法發展, 捱貴樓/租.  邊個做都死!!

大家在鬧特首, 鬧政府之時, 請講出你有咩野好建議可以解決香港所有既問題?  加稅?  共產D有錢人?  增加福利?  增加人工,加高最低工資? 減少工作時間?  學新加坡政府,政府用人民既錢做投資?  

EV-DAY

英國佬回來管冶如何

Tony_Chu

EV-DAY 發表於 2012-3-4 00:10
英國佬回來管冶如何

香港有今日, 都係因為大陸直接對外貿易, bypass左香港、三通之外, 仲直接同香港及香港在大陸內的廠方及公司競爭, 香港雖回歸,但好多方面卻得不到優待.  加上港英政府留下太多的福利, 削弱了香港競爭力.  香港人回歸後得到太多民主, 新一代直接衝擊政府、警察, 破壞社會團結心態, 令各階層仇視對立, 更再要求更多的福利, 以往港英時代不肯立的最低工資現在也通過了, 粽援金額不斷提升, 政府儲備一提高就要求政府派錢(貧富都派), 遲D仲要再提升最低工資金額, 立法限時工作, 加高醫院budget, 提供免費貴藥, 你話香港競爭力點同鄰近既大陸鬥?????

殺破狼

我覺得做得特首、高級工務人員蠢極有限,有時好多野係基層市民係唔會明。
再者,任何政策都會有利益衝突,要諗一個兩完其美既政策其實好難,所以做特首我相信只會為臭萬年。一個正常人多數唔會記住他人對佢好果時係點,只會記佢做過既衰野。好似6000蚊事件咁,有好多人都話好,多左6000蚊洗,但有d反對既聲音話政府咁做好短視,不如用筆錢去攪好香港,但其實政府有舊錢係度都係亂洗架啦,之前西九文化夠洗左成堆錢啦,係唔係真係咁幫到香港先,有幾多個香港人受為?但6000蚊唔同,夠18歲就拎得,起碼我見到我銀行真係多左6000蚊洗。

Tony_Chu

EV-DAY 發表於 2012-3-4 00:10
英國佬回來管冶如何

記唔記得末代港督彭定康唔理社會反對, 唔理中央反對, 一意孤行為港人搞基建, 建大橋連接大逾山, 填海建機場, 仲預留跑道夠香港捱到2050年.  退任後仲寫書爆中英D衰野.  無法被英國再用, 卻得到歐盟賞識, 成為歐盟commissioner!

如今香港只有好似鐵娘子戴卓爾夫人、為人民的獨裁者李光耀、末代港督彭定康, 呢D為人民好的獨斷人材才能搞好香港!!!  

minicooper

The best way is using "invisible hand theory " by Adam smith. It always is what I believed! The mkt will find their way out!

Tony_Chu

殺破狼 發表於 2012-3-4 00:38
我覺得做得特首、高級工務人員蠢極有限,有時好多野係基層市民係唔會明。
再者,任何政策都會有利益衝突,要諗 ...

講得岩, 正所謂: 順得哥情,就失嫂意!!

唔係特首、高級工務人員 唔蠢 或 精, 而係有整個政府在run緊個香港社會!!  唐英年講得岩, 唔明香港政府及香港整體社會係如何運作的人, 所有做特首前的承諾都係空中樓閣!!! 空頭支票!!!  你睇奧巴馬就知, 上台後, 唔係咩野都可以CHANGE 架!!!  就算何俊仁上台, 也不敢加稅或富人稅, 大大加大福利, 起八萬五.  成個香港即時車毀人亡都似.  社會既發展同平衡, 政府同金管局日日在做.  長毛話政府仲有十幾萬億儲備點解唔分左佢?  你我的存款, 港紙既價值, 外資的存款, 資金流動, 股票市場的價值, (樓市另計), 都係呢D儲備日日穩住架.  呢D資產一跌, 香港將永不翻身, 就好似美國不能不還國債一樣!  兩黨提一提咋,就已經跌破AAA.

如果極端特首上台, 改變太大, 中央也會使用權力, 馬上廢掉呢個新白痴特首.

我相信下屆特首會係唐唐.  政府主動公布梁西九事件, 本人相信就係唔想個白痴做特首!

minicooper

我覺得唐唐做特首比梁做會好d. 豬比狼好！