!!!SOS!!! 唔知隻盾B 有冇事!!! =(

Eric_Chan

各位ching, 麻煩幫幫手丫!!! 我唔知隻盾b 有冇事呀
我前晚先入佢番黎架...尋日仲係新手區post 過佢既相 (http://www.hkturtle.org/forum.php?mod=viewthread&tid=65680&page=1&extra=#pid784534)

前晚:1) 初到新屋, 非常好奇,活躍, 係咁走黎走去...
2) 食左少少油麥菜撈1粒 Zoomed 糧... 佢好似好唔鍾意Zoomed 糧隻味, 撈得多糧既菜都唔係點食 ...
3) 屙過3次屎...

尋日:
1) 下就4點先起身,  冇尋晚咁活躍...不過都會行黎行去
2) 食左少少油麥菜撈1粒 Zoomed 糧... 食量少過尋晚...
3) 屙過1次屎...

今日:
1) 下就5,6點先起身, 好似好冇精神 ...要餵完佢+浸完水先叫做精神番, 之後都有行下 ...
2) 食左 油麥菜+唐生菜+Zoomed 糧... 食左10塊左右(食唔晒一整塊, 因為可能撈左糧, 同埋要餵俾佢先會食)
3) 全日冇屙過屎!!!

p.s. 每日都有浸暖水(缸入面), 浸10-15分鐘 ...用牙刷輕刷龜甲, 郁下佢手腳同patpat...
       活動時間為 4,5 點至10點左右....其他都係訓 ...

!!!問題!!!
1.) 佢前晚到而家 3日冇屙過酸, 唔係每日都應該會排少少架咩?? (我已經沖涼個陣幫佢按摩底甲)
2.) 3日都冇見過佢屙尿, 底材冇明顯濕到, 浸水時亦唔見...
3.) 今日全日冇屙過屎, 係咪食得太少 定點???
4.) 係咪一般盾b都訓咁耐架?? 因為佢好似要瞓好耐咁, 無乜精神.. 同佢第一日扎扎跳周圍跑好唔同.. 係咪病左? ><
5.) 如果佢唔鍾意Zoomed 既糧, 係咪就唔好再繼續用呢隻??
6.) 我底材係用 粟米砂 (已經有ching 提左要換架喇), 但我呢兩日都好忙黎唔切去換, 聽日先有時間去買其他底材,
     >< 龜龜會唔會吞左粟米粒搞到咁(冇精神&全日冇屙屎)??  如果係, 要點算? 我好擔心...





*呢隻係我人生第一隻龜B, 絕對唔係玩玩下!!!
我做足準備, 爬好晒文, Set 好晒間屋, 先買佢番黎..
但始終理論同實戰係有分別...
其實只係得個3日, 我可能有少少過慮...
但我真係擔心 佢有D咩事.....  及早發現&改善 總好過真係病左先黎求救,
麻煩各位ching 幫幫手呀 !!!!!!
Thanks so much!!! *

wohglam

唔駛太緊張!!唔一定日日有酸排的.有時放左尿亦未必知...我隻都成日訓的...最後一定要清左底材先!!免自已嚇自已!!!!!

henry0312

Seting如何？溫度濕度如何？
野食暫時Z糧可以少D，之後再慢慢改變個飲食習慣，龜龜餓1星期都無野的，不要經常上手玩，讓他習慣下環境先啦。
1個星期吾排酸先擔心吧，2，3日小事黎。

henry0312

補充，溫度低龜龜會吾活躍，而且鬼寶寶訓得多都正常，如果可以，帶他去晒太陽吧

小森美

1.) 佢前晚到而家 3日冇屙過酸, 唔係每日都應該會排少少架咩?? (我已經沖涼個陣幫佢按摩底甲)
唔一定日日有得排~睇佢心情,我自己果隻第8日先排一次>.<~
2.) 3日都冇見過佢屙尿, 底材冇明顯濕到, 浸水時亦唔見...
浸水時佢痾左你唔知?
3.) 今日全日冇屙過屎, 係咪食得太少 定點???
留意下佢個咀仔有冇黑到,係唔係食番?
4.) 係咪一般盾b都訓咁耐架?? 因為佢好似要瞓好耐咁, 無乜精神.. 同佢第一日扎扎跳周圍跑好唔同.. 係咪病左? ><
我隻6.5CM都成日訓
5.) 如果佢唔鍾意Zoomed 既糧, 係咪就唔好再繼續用呢隻??
我比開M糧,唔識答你~如果我2隻衰仔唔食M糧~我都係會迫佢接受
6.) 我底材係用 粟米砂 (已經有ching 提左要換架喇), 但我呢兩日都好忙黎唔切去換, 聽日先有時間去買其他底材,
     >< 龜龜會唔會吞左粟米粒搞到咁(冇精神&全日冇屙屎)??  如果係, 要點算? 我好擔心...
有可能
既然擔心點解唔第一時間拎走粟米沙?

gorden

1. 唔好再喂水份高菜
2.盾唔糸日日排酸
3.快d換底材
4.你浸暖水有冇度下水温 最好35度
5.教龜龜食糧最好整碎d菜同糧一齊
6.龜bb通常食飽又訓時間都可長
e d 只糸個人見意你,再有等其他c兄教路
俾心機照顧

Eric_Chan

回復 wohglam 的帖子

首先多謝ching你先, 你由我未買既時候到而家都一直有follow.. 非常感激><!
底材方面, 想問下係咪要立即掉晒佢?? 因為俾藍3人昆左, 成舊水買左一大包...
如果真係要立即掉晒佢, 我都會去做, 話晒龜b健康最緊要...

同埋, 請問底材應該用咩好??
店主就話用 草粒, 但唔少龜友都話紅土 好好...
咁究竟應該邊隻適合? 定係兩隻都可以??
thanks..

wing1216

回復 Eric_Chan 的帖子

首先,油麥菜+唐生菜唔好做主食,副食OK,
即可以有(佔10-15%左右),可以無
主食自己爬下文就一定搵到.
而家停食2日,觀察下先,可浸下REPTO
盾既腸胃OK,但盾BB較易冷親

答返先
1.唔一定日日都有,我自己隻盾仔3日排一次,最緊要KEEP濕度,AROUND 70
2,3.C 唔一定日日有,龜仔消化較慢
4. BB係訓多D,留意下有冇訓訓下有冇(噗)既聲,睇下鼻有冇吹波仔
5. BB龜對Z 糧係冇咩興趣,但當LO 埋M糧,S糧既話,佢地食左都唔知,餓2日左右可試下
6.唔用底材幾日都唔緊要,報紙都可用住

Eric_Chan

回復 henry0312 的帖子

Thanks ching 幫手..
我冇量度濕度, 因為店主話 菜既水份 同 每日浸水 就一定夠 ..所以冇買濕度計個D..
至於溫度, 全日avenge keep住 30-32 度, (射燈~35度, 夜晚山洞位就~28度)
野食方面, 我好用少D Z糧架喇, thz
同埋 除左沖完涼抹身, 我都冇乜點上手, 因為而家太凍喇><!另外而家太凍既關係, 唔想帶佢晒太陽住 ><

thanks..

wohglam

回復 Eric_Chan 的帖子

唔好客氣...掉左先講!!我無用底材的..只鋪青板石..類似磁磚底!!可吸熱同磨指甲!(鞋)面的..參考下
而家清左底先..鋪報紙或抹手紙頂住先!!

Eric_Chan

回復 小森美 的帖子

Thanks ching 幫手..
1.) 咁我都冇咁驚 =]
2.) 咁我真係唔知= ="", 不過好似冇咩黃色既水出過黎@^@
3.) 冇黑到, 應該冇食番...
6.) 知道 /_\

thanks..

henry0312

個人支持磁磚反底，冬天比較乾燥，可以考慮加部加濕機，野食可以再多元化D，生果糧，M糧，桑葉，車前草有利排酸喔

Eric_Chan

回復 gorden 的帖子

Thanks ching 幫手..
1.) 因為佢之前係店舖都係食呢D, 所以想俾佢慢慢轉...
     另外 而家冬天好少蕃薯葉同桑葉, 車前草又唔可以成日食, 請問ching 餵D咩??
3.) 知道,聽日會換架喇...
4.) 冇度過, 不過係暖暖地,少少熱既水 囉 ....
5.) 我有呀, 不過佢好似聞到D糧就唔想食咁 /_\

thanks.. 我會好俾心機照顧佢架><!!!

Eric_Chan

回復 wing1216 的帖子

Thanks ching 幫手..
下!!? 仲停食兩日?? 佢已經冇乜精神+冇屎屙架喇啵...
我好擔心啵 /_\

1,2,3) 知道, thz=]
4.) 訓個時就冇, 不過浸水既時候好似有吹呀...同埋好似有叫過1聲.. 請問係咩事?!!!!
5.) 知道, 我會買黎撈架喇 ..
6.) OK!! 我而家即刻清!!!

thanks..

Eric_Chan

回復 wohglam 的帖子

知道!! 而家即刻動工清野!! 然後用抹手紙頂住先><!!
請問青板石 呢類 邊到有得買??
同埋我用 青板石 + 草粒, 咁樣得唔得@@?

thanks..

Eric_Chan

回復 henry0312 的帖子

食物方面, 油麥菜+唐生菜+Z糧+生果糧/ M糧+車前草...  大概咁樣ok @@??
另外呢, 而家冬天好少 蕃薯葉同桑葉, 車前草又唔可以成日食...
咁請問ching 有咩菜 係真係可以做主食架?? (每日都食)

wohglam

回復 Eric_Chan 的帖子

我起缽籣街近旺角道附近買的!至於加唔加其他就唔比意見你了...

Eric_Chan

回復 wohglam 的帖子

ok, thank you so much!!

wohglam

回復 Eric_Chan 的帖子

你箱幾大??

Eric_Chan

回復 wohglam 的帖子

60 X 45 X 40 cm