紫菜..R.I.P..

f_yhc

2個半月前o既3月17日,屋企有人突然o係街市買左隻龜仔番黎,
於是,我同我女朋友就o係毫無先兆o既情況下,同呢隻可愛o既龜仔相遇,
由於買佢番黎o個位毫無養龜知識,其實我本身都無,但我無辦法由得呢隻龜仔俾一個無諗過點照顧但又買左番黎o既人養,
所以我同女友就負起照顧呢隻龜仔o既責任

當晚,我地為佢起名為"紫菜"

經過o個晚徹夜爬文,各大少論壇都睇左唔少文章之後,第2日放工,就仆出魚街買基本設備.

由紫菜初頭咩都唔肯食,到為食到食完正餐都仲要食蝦乾仲食滯埋,
再到熟到o係我手指頭上咬走粒糧.食夠就閃望都唔望自己曬燈.到而家大到手指頭咁大,生生猛猛...

上星期二..朝早如常餵紫菜食野時,發現開口呼吸..心知不妙..放工又仆出魚街買黑藥番去幫佢滴..
o個晚紫菜都仲肯食野..到星期三..完全唔肯食..我見佢好似被之前更加辛苦...於是星期四就帶左佢去睇醫生..

其實我當時都唔知點好,土瓜灣等幾日我怕紫菜等唔到..又怕紫菜身體虛弱未能應承受搭車時冷氣o既攻擊令佢更辛苦..
當時我作出左個決定..揀左o係就近o既元朗一間有得睇龜o既診所....

佢打完第1次針,第2日的確係有好轉,用鼻呼吸,可惜第3日又再用口呼吸..亦唔肯食野..
醫生開o既營養粉,reptoboost,暖水,紅虫,冰鮮豐年蝦都試過,,,唔肯食..
到琴日...帶佢打完第2次針...其實見到佢好似無力,無咩反應...只係眼定定咁望住我地...
我地只能同佢打氣,用盡所有方法幫佢保溫,tum佢食野..其實我唔想打定輸數..覺得紫菜係叻仔,可以捱得過...

點知今朝起身...見到佢趴o係度...雙目無神....即刻拎起佢放o係我手掌..無反應...叫又無..摸佢又無...4肢軟哂...
心痛到極點..

紫菜平時訓覺時手仔腳仔會抓下抓下好似游水咁...我相信佢而家應該好開心咁o係雲海入面游緊玩緊..

紫菜...雖然我同你o既相遇真係好偶然,
我知我做唔到最好,俾唔到最好o既野你,
但我好希望,呢2個月幾月入面,你會覺得好食好住..
我會將你生前最鐘意o既海星,同蝦乾同你o既身體一齊,埋o係有水池,有樹陰o既公園入面,
等你可以好好咁享受外面適合你o既世界...

我唔會忘記你!

R.I.P...我最錫o既紫菜...

另外我想代紫菜多謝論壇入面幫助過我地既師兄.thanks!..

icaicayin

佢知道你錫佢的
紫菜RIP

君臨天下

r.i.p唔好傷心啦

一蚊一隻龜

RIP

f_yhc

請問知唔知點樣可以幫佢合埋番對眼,,,佢開住眼咁走...

火星

r.i.p.

colala

rip 唔好咁傷心
佢雖然在這裡夠時候結束，但在另一個空間有着新的開始等着佢

kof

R.I.P.

JoeK

rip ! 師兄早日收拾心情！

elaineleung

r.i.p  

twbb

R.I.P 太傷感了，睇完呢編紫菜走之前既狀況，同我而家小巴一樣，我就忍唔住，紫菜，祝你一路好走

快快長大吧

R.i.p….   

kamkamkaka

保重呀師兄

chim

R.I.P.....

森山

rip～紫菜一路好走，樓主唔好太傷心

Puiki

節哀順變

602151

紫菜 R.I.P.

兆輝J

折哀

twslee

You have tried your best to save it.  
RIP.  

鬼豪

r.i.p