小小個人感受...

honkwan

宜家唔知點解好多所謂新手養龜前好多都唔淋清淋楚就買...
翻到屋企見D龜唔精神先會發問...
我見到好多...真系火都離.
有無顧及下D龜噶感受.可以處身設地甘淋下...
有時語氣重左D.但都想距地好...
不過距地就真系唔受落.好聲好氣果D先回覆...
語氣重D睬你都有味...
唔通要我地跪系度求你先會受？
我地真系唔緊張同你講都廢啦...
真心假意都好.應人都系基本禮貌掛？？？
真心講...希望新手爬文.搜集多D資料.有充分的設備先好養啦...
人類的生命就珍貴...其他的生命就賤？
害死距地就系我地人類...
唉...

wongbb10

你好聲好氣同佢講。佢都會嘗試去解決個問題
你一黎就X佢只會嚇走佢。結果龜龜ge問題只會愈黎愈重
你都係想隻龜好姐。平心靜氣教下佢lo.

JoeK

說出我心聲！

honkwan

回復 wongbb10 的帖子

收到...會改...
都希望距地會改下...

karl0513

師兄講得好!
但有時而家啲所謂新手仲惡 問人野唔該冇句之餘仲要當人老奉

龜龜ying

回復 honkwan 的帖子

個人小小意見：
其實好多時都要視乎佢地當龜龜係咩...係家人，仔女，寵物定玩具...
有啲人貪得意見到鐘意就買　點養又唔識　病左就淨係識"放生"　仲當自己做左件好事
呢啲人先最可恥！（個人認為＊）　
相反有啲新手　可能都係咩都唔識就買左返黎養
一直以為自己照顧方法正確　到有問題出現　佢仲識上黎問　已經算好好架喇...
總好過佢地問都唔問　好似當龜龜係玩具反斗城啲ｔｏｙｓ咁　玩厭／有病就丟去"放生"
所以通常面對呢種主人 幫到既我都會儘我能力去幫
始終龜龜都係一條生命... 替佢地主人諗到辦法　間接都係救左龜龜喔＊
如果佢地肯聽勸 而經濟又負擔到　帶龜龜睇醫生　當然最好最好啦！
與其嘥心機鬧佢地　倒不如諗辦法幫佢解決呢個迫切問題先
不是更好嗎？
我都明白你點解咁嬲？我初時見到呢啲人　都有啲燘架...
但後尾諗諗下　燘又有咩用？件事依然解決唔到～係咪！？

honkwan

回復 龜龜ying 的帖子

岩...每人見解唔同...
我都會反思下.
更想距地識得如何尊重下生命...

龜龜ying

回復 honkwan 的帖子

講得啱！教佢地尊重每一條生命　先係最重要！

TangHang

同意呀!我養咩都一定爬文先~

超級瑪利奧

讚同 我先做好裝備 問了幾位師兄了 現在可以買龜了 但在爬文養什麼龜 有什麼龜合新手養 想買較小的陸龜

兆輝J

之前陸龜區有個好老馮咁起題:
入嚟睇,急! .....
之後一堆問題連唔該,請問都欠奉,
感謝更加唔駛指意, 我一句都冇答,

做人做唔好就唔好養寵物

火星

兆輝J 發表於 2013-8-27 01:53
之前陸龜區有個好老馮咁起題:
入嚟睇,急! .....
之後一堆問題連唔該,請問都欠奉,

有次我提個新人,叫佢唔好用一個12寸魚缸養陸龜...
點知仲比佢話我多事...

honkwan

回復 火星 的帖子

岩系星bb個post俾人話我插新手！我都無話可說

火星

回復 honkwan 的帖子

個邊個樓主都係比藍衫軍呃,佢都唔想
講出我地所知,就已經幫到人,佢地做唔做我地冇得控制

beejjb

其實對商人來講 係好事...
但對動物/寵物就生死之事....

alexwong2012

絕對是的.
我長期對住他們的病龜真係好累的.
同埋衣班新手主人好多要求的,
如日日報平安,兩三日叫你拍照比他們睇,日日Whatapps你.
就來頂唔順

火星

alexwong2012 發表於 2013-8-27 02:41
絕對是的.
我長期對住他們的病龜真係好累的.
同埋衣班新手主人好多要求的,

好在我之前問過你一次,有冇生蟲,之後都係靜靜地等你通知

alexwong2012

火星 發表於 2013-8-27 02:52
好在我之前問過你一次,有冇生蟲,之後都係靜靜地等你通知

點會有你份,你咁好人

bb7628

有D人見到隻龜得意就買,完全無諗過後果!例如隻龜有病,自己有經濟能力又唔帶佢睇獸醫,由得佢係到自生自滅;有D人就當隻龜病就遺棄佢地,然後就買隻新龜繼續養;有D人買完隻龜後,發現隻龜太多隻,屋企擺唔到,咁又遺棄左隻龜。