草龜斷尾斷到甘可以點?

豆腐玉女

回復 大細巴西 的帖子

好心你啦唔系系度伊d啦！我問得你地就系唔睇醫生先問，睇醫生就唔会問你地啦。
1 我相信大把人都唔醫啦，我講得甘啲野就予左有d懶正義啲人插啲啦。如果真系甘珍惜生命果d尼，希望之後你地買龜會特登買隻病龜，因為你明知佢唔醫就會死，商人一定唔會理啲啦。如果你可以做到甘就真系無私就好。
2 無錢就系無錢啲啦，咩叫借口尼，你傻架？唔通唔食唔用走去醫隻龜？我買弟二隻好過啦，都無洗甘多錢。自問自己系甘現實…
你講得好岩，龜都系生命，所以我只会盡自己啲能力去醫佢。
3 如果因為甘而斷送左佢啲生命，我會問心無愧，因為自己盡左能力去求佢。希望你可以現實d，有好多野都系講就易就就難。
4 如師兄你懂得珍惜生命，你唔好再養龜啦。世界大把人都無野食or病死，不如你把養龜啲錢擺去捐。
5 仲有我想問你甘珍惜生命，我俾隻龜你醫吖。自問自己真系無能力啦！
歡迎大家俾意見，插就插，認同就認同…都系意見姐！

s2007023

雖然樓主你一開始就講到明唔好叫你睇醫生
但你既情況已經係誇張到極,基本上無專業知識都好難幫到你
人地都係好心叫你救下隻龜,的確養之前要考慮...起碼預鬆幾舊水做應急都有掛..?
[天真可愛貓貓2隻
水龜:草龜x2 石金x1 鱷魚龜x1  
箱龜] <--- 養咁多然後無任何錢睇醫生..
大把人唔睇醫生既同時,都有大把人會帶隻龜睇醫生..唔好用你自己既立場去否定一切
ANYWAY"如果真系甘珍惜生命果d尼，希望之後你地買龜會特登買隻病龜，因為你明知佢唔醫就會死，商人一定唔會理啲啦。如果你可以做到甘就真系無私就好。"你講既例子好歪理...說話前請用腦
希望最後你搵到一個你能力範圍以內又救到龜龜既方法啦

P字幫

s2007023 發表於 2014-5-5 11:20
雖然樓主你一開始就講到明唔好叫你睇醫生
但你既情況已經係誇張到極,基本上無專業知識都好難幫到你
人地都 ...

佢真係好歪理..
用返樓主既歪理..將d 角色改一改..
佢就黎唔掂..而佢屋企人就問鄰居..除左睇醫生做手術..仲有咩方法可以救到佢個仔/女..
鄰居叫佢呀媽都係帶個仔/女睇醫生啦..太嚴重啦..
佢呀媽就話...無錢就係無錢架啦...唔通我唔食唔用走去醫個仔/女?

其實你知唔知"盡力" 係點解?

你當初買佢返黎做寵物...你就對佢有責任...好好養佢...   
即係你老母"臭".....大你 ..佢有佢做老母既責任...

用d 時間諗下啦...
一個人唔認同你講既野可能真係意見不合..
兩個人唔認同你... 可能係巧合...
三個,四個...etc 都唔認同你.. 你自己反省下啦

abcma12345

豆腐玉女 發表於 2014-5-5 11:07
回復 大細巴西 的帖子

好心你啦唔系系度伊d啦！我問得你地就系唔睇醫生先問，睇醫生就唔会問你地啦。

我成日都話有經濟能力要好養動物，
我否認你（吾通不食不喝都要黎醫龜）呢句話，
正常如果養咁多動物都會有啲餘錢掛，
不過既然吾去醫院不如比少少錢等佢安樂死
普通藥或方法肯定救吾到

森苗

(依你要求回覆): 中峰呢支野我都有買, 可以消毒但應該吾可以醫好你隻龜, 之前有師兄隻龜受傷, 聽說用"雲南白藥"對傷口幾有用。 吾好再浸水以免傷口惡化, 但注意保溫.
如果無錢睇醫生請問你有無錢搭車去荃灣俾中峰睇下? 都叫有一線生機同 點都平過睇獸醫.

(依我良心回覆): 首先你post得上黎問人, 10個有9個都未遇過咁嚴重既斷尾, 叫你自己搵藥醫咪即係叫隻龜去死. 個個用心覆你 你態度其實可以好D.
正常有讀過書有常識既人見到隻龜爛到咁, 都知情況好嚴重係應該拎去俾獸醫醫,
我覺得你一開始已經連拎去獸醫度既意欲都無, 呢個已經絕對吾係錢既問題, 真心服左你無錢醫龜又可以養星養盾養箱, 我無意批評你對生命既吾尊重, 但真心祝福閣下屋企依然在生既動物.  

(仲有, 呢種吾係懶正義, 只係識得尊重生命同有良知)

gloriakhju

樓主～算啦～如果你真係想真心盡力醫佢，又要食飯，不如你比一餐食飯錢，拎佢去獸醫到，打枝針減輕佢痛苦啦！

Btw，自己隻龜有事，傷得好重，問人借$唔食飯都同佢睇e生，我覺得呢d係責任而唔係正義啦

大細巴西

唔好意思, 其實我唔係黎撩交嗌或者專登為插而插你
亦唔係要求你要完全唔食唔用去救隻龜咁偏激
只係想你諗下你其實可以做多少少去救番隻龜
你養得咁多寵物, 我相信你都唔會係窮到LONE個種
你係無錢, 定係唔捨得花D錢係隻龜身上, 你自己最清楚

我係無刻意去買隻病龜
但至少當我買左佢番黎既時候, 佢病左既話我會照顧佢, 帶佢去睇醫生
呢D係做主人既基本責任
而係我眼中, 你只不過當隻龜係玩具
玩舊左, 玩爛左, 可以隨時換過一件新既

最後, 你帶唔帶隻龜去睇醫生係你既選擇
無人逼到你, 我講咁多都係想隻龜好
你話我懶正義又好乜都好啦, 我唔會介意
因為我由始至終都係care隻龜, 唔係care你

都係個句, 祝福隻草龜快d好番

boap

唔睇醫生100%玩完。
講完

豆腐玉女

回復 森苗 的帖子

你要明白伊個唔系意欲啲問題，無錢又點去諗意欲尼。可笑

豆腐玉女

回復 boap 的帖子

甘完都無計架，問心無愧就ok

豆腐玉女

回復 大細巴西 的帖子

其實尼，我系學生尼。因為之前有反工所以有餘錢養下龜，但因dse啲關系，我再無反工。其實我伊都系得三隻龜？甘又有幾多尼？

豆腐玉女

回復 gloriakhju 的帖子

如果有一診所系百幾二百蚊就ok啲話我一定會。有無師兄介紹？

gloriakhju

佢又辛苦，斷左條尾內臟外露，你又無錢,啪左佢算啦，有冇錢搭車？拎佢去spca同佢地講5要啦⋯陰公

森苗

回復 豆腐玉女 的帖子

咁既心態養落去 你不如買隻"他媽的哥池"養啦。有無搵下獸醫幾錢呀?仲好意思講"問心無愧"。你打去中峰度問下，佢有無咩方醫啦，打電話免費ga.

豆腐玉女

回復 P字幫 的帖子

你講果個情況打個999咪得囉。根本就唔同。
出字認同我啲人可能就唔多，根本可能無，但事實好似我甘做啲人一定大把
就系吖為我有老母教，先會問你地各位俾意見，大把人死左就算尻數啦！

豆腐玉女

回復 gloriakhju 的帖子

伊個我都有諗過

豆腐玉女

回復 s2007023 的帖子

..?[天真可愛貓貓2隻水龜:草龜x2 石金x1 鱷魚龜x1  箱龜]伊d已經系已前啲事，系我唔記得改姐 貓就系我吖媽養。我都有無過我吖媽俾錢我睇醫，，但因我吖媽一直都反對我養龜，所以無俾…

豆腐玉女

回復 森苗 的帖子

鬼唔知吖，緊系有無過啦。我打去獸醫問，檢查已經350 佢仲話可能要打針， 食藥 打針果度佢話一千以上

gloriakhju

唉，其實隻龜好叻，痛左甘耐仍然生存，有冇師兄姐可以打救佢
如果無，我就覺得⋯⋯而家佢生存一日=痛苦一日⋯

Btw,無啦啦做咩會整到甘？

大細巴西

回復 豆腐玉女 的帖子

我都係學生, 但係學生又點? 就算係學生都可以有好多方法幫隻龜
你話養好多隻龜已經係舊事, 咁係我搞錯, 唔好意思
但係你放左咁多龜既錢咁快就無晒? 錢可以再搵過, 但龜死左係無得翻生
有時唔好睇錢睇得太重要
先唔講點解你真係窮到連少少應急醫龜既錢都無,
既然你一直堅持自己經濟能力咁有問題, 再糾纏落去都無意思
希望你係有穩定的經濟能力前唔好養寵物住
養寵物係一生一世既責任, 唔係隨便玩玩下
政府都教人停一停,諗一諗啦

你話屋企人唔支持你養龜, 唔肯比錢你醫龜
咁你當問佢地借得唔得, 你係佢反對之仲要養龜
病左問佢攞錢醫又好似奉旨咁
比著我條氣都唔順啦
又或者你去打份part time, 同人補下習, 又有錢
如果你自問真係咁"問心無愧", 可以做既野都做晒
點解有諗過送隻龜去spca又唔做呢?

你又幫唔到隻龜, 又要留佢係身邊
咁又有咩意思呢?
比有能力救佢既人救番佢啦
唔好再係個網絡世界度浪費時間
可能就係因為你咁思前想後害左佢

仲有, 雖然我知有好多人真係唔會去醫番隻病龜
有好多人同你做法一樣
但係咁唔代表以e種心態對待動物係岩既
你上黎問大家意見, 但你唔聽, 逐個反駁, 咁問黎又有咩用?
唔好同d差過你既人比, 咁你只會成世都無進步