浮水不沉是否病了？

金金

如果打側游水就係肺炎喇！

小粒子

回復 東方不敗 的帖子

係, 佢地好奇突, 青B同草B唔會食豐年蝦(急凍), 只有大巴先會食, 一啖吞哂入口... 我唔買活生生既蝦比佢地追住食, 唔中意殺生...

東方不敗

回復 小粒子 的帖子

唔好用生蝦,蝦頭又硬又有鎗, 我驚會剌傷佢喉嚨 ,我以前養羅漢都唔敢餵生蝦,就係驚佢個頭
要餵蝦,買死左個d , 街市有d一份份,拆肉比佢

小粒子

回復 金金 的帖子

明天我DAY OFF, 我試下再放多D水比佢游下睇下有冇側身, 只知今日早上見到佢沉係水底zzz

小粒子

回復 東方不敗 的帖子

我係某d帖見到有人餵好細細隻既生蝦仔比龜食先知有依樣野, 一直都比人灌輸龜係食紅虫同粒糧, 紅虫有菌, 我死都唔會比佢地食

東方不敗

回復 小粒子 的帖子

你可以買蝦干 ,五元一包好平個種都有人餵,但得層皮冇肉 ,我買左一種叫金鈎蝦干, 細細隻,一樽十八元左右 ,不過有d 仲好肉d, 寸金  ,德彩係來路野 ,貴好多,但真係好好肉
以前有新鮮紅蟲賣 ,用牙簽了一條係龜面前, 郁郁下,佢都唔知幾開心

小粒子

回復 東方不敗 的帖子

我之前有買z牌蝦干, 冇隻龜肯食... 草b未試食, 而家成樽放咗係度等舖塵

東方不敗

回復 小粒子 的帖子

我見有d龜友都話龜好中意 , 不過我個次都係頭一,二日唔食,可能食開德彩糧
我唔餵一,二日,比蝦干,佢試下 ,試試下肯食,之後我比蝦干同糧佢都食
不過隻隻龜有點不同, 但你三隻都唔食,可能又受到咀咒 ,haha,講笑 ,z牌都唔係平野喎

小粒子

回復 東方不敗 的帖子

龜龜好既話少少錢唔緊要, 剛剛差d發生意外, 換完青b水打算再開燈比佢暖一暖先, 點知調整燈既角度時,個cam cam唔實個燈罩腳, 成個燈罩連燈泡跌咗落水, 好彩冇開電掣, 唔係就...

東方不敗

回復 小粒子 的帖子

不過都未必有事ge ,因為如果你家的電路安裝冇問題,即有電箱有水氣制,聽過漏電0.3秒就會跳制同埋你調整時最好息左先,最安全, 因為咁近照到自己 , 有ching話有d超強的燈會傷到人細胞

水龜有時係水訓覺,但我覺得係水質好先會,我隻龜有皮膚病,我一直落黃粉,佢都係石上訓覺,好返唔落藥,換返哂水 ,佢就係水訓,對手掂住舊石先肯,伸直哂對腳 , 人地話有藥佢唔中意

小粒子

回復 東方不敗 的帖子

原來要水瞓先好架？ 青b買回來一直上浮台瞓, 得放飯先肯下水, 係依幾日開始係水瞓, 好少見佢上浮台, 而家未開燈比佢就攬住個暖管

東方不敗

回復 小粒子 的帖子

佢中意去邊由得佢,佢會搵到佢中意ge地方,又唔係話係水訓先好 , 佢中意就得, 不過上左水最緊要唔好冷親, 唔好吹風

小粒子

回復 東方不敗 的帖子

今晚好多意外, 真係心血少都死... 換換下水, 行開咗2-3分鐘, 草b唔見咗, 嚇到我反轉個廁所來搵, 最終係企缸搵到佢, 之後跌咗落去水窿, 好在今晚有放隔器, 唔係就88... 平時換水怕佢冷親會搵毛巾包包佢, 佢會好乖唔郁, 今晚竟然咁活躍... 仲要由洗衣機面跌落企缸.....

東方不敗

回復 小粒子 的帖子

我平換水時用另一個桶仔,放龜入去,唔比佢走出黎, 你好難估到佢走唔走,水窿有咁大,可以跌左隻龜走, 佢跌左入廁所就麻煩, 游左入水渠入邊,唔識出返黎,你都冇計你換水唔係用隔夜水咩 ,而家水溫會低 ,最好用暖管煲岩水溫先換入去, 唔係等到水溫升返岩時,龜可能己冷親

小粒子

回復 東方不敗 的帖子

經過教訓會改為用野裝住佢... 頭先差d要拆咗部洗衣機出來睇下有冇攝拿位
我有用隔夜水, 同埋我會落d暖水, 水溫28度左右先放入去, 窗都唔敢打太大, 又用野蓋面擋擋風, 青b個缸外用報紙圍邊希望可以隔一層冇咁凍(唔知有冇用)

東方不敗

回復 小粒子 的帖子

部洗衣機咁重,你拆得到? 等佢自己出黎

小粒子

回復 東方不敗 的帖子

咁又係, chok兩 chok部機變肉醬仲大獲...

東方不敗

回復 小粒子 的帖子

一壓就扁架啦, 係家中放養都驚 , 一陣行過睇佢唔到,一腳踏左上去,人又撻係度,龜又扁埋

小粒子

回復 東方不敗 的帖子

冇放養經驗, 家中間唔中有虫, 吳公仔都有見過, 又多窿拿, 好危險...






剛剛青b曬燈影, 隻草b就回家餵食時影

東方不敗

咁多石春,好易積野入邊,你每次洗缸都要執一餐 ,我養斑龜時,去過爬蟲協會見過佢地個缸,佢地用膠缸, 水有一半咁滿, 放台係水面,佢地話多d水都唔怕, 有陸地就得, 佢個4隻草龜好健康,係水係咁游,你家蜈蚣都有,小心人比佢咬到,有毒,好痛架