盾臂龜設置

kobe

我覺得會！

小豹

一個75我，一個65w！但夜晚溫度32左右哦，冷點28

小豹

咁係咪拆掉65w佢？

小豹

咁我依家拆咗個65w佢

waiman

小豹 發表於 2012-1-14 05:44
我照你方法做，將uvb燈放最右邊，直射溫度40度，好高，冷區21好低，點算，我用75w!60x40x40 ...

冷區太低, 直射正下方溫度太高, 代表個燈既照射角度範圍設計太窄, 不適合你個箱用, 要改用照射角度範圍闊D既燈.
射燈有各不同照射角度範圍既設計, 越窄角度照射, 下方就越熱, 遠方就越凍, 加闊照射角度就反之, 下方熱力減弱, 遠方熱力增強.

個箱最重要就係, 要搵到適合照射角度範圍既加熱燈, 千祈咪人地個個話用開邊隻燈好, 你就用果隻, 除非人地個箱同你個箱100%一樣大.

找到適合照射角度範圍既加熱燈後, 最方便的方式, 就是接到光暗制, 咁就可以任意調溫度, 如果唔系就要買定幾個不同瓦數既燈, 因為天氣暖返又會過熱, 天氣凍返又會唔夠熱, 又要再換燈, 換黎換去.

最正方既方法, 係依書本或依老手建議的箱正中溫度, 用光暗制調好後, 觀察幾日, 甚至可加D減D, 直至當見到龜白天會訓到風車咁果陣時, (風車=即龜感到溫濕度都最舒服, 又感到好安全之時, 就會四肢連頭盡量伸長出黎曬), 移走龜, 用個溫度計測龜訓既位罝既溫度, 呢個就系佢最中意既最佳溫度, 咁開始正式調光暗制, 調到個箱正中間, 就係佢最中意既最佳溫度, 而加熱燈正下方是33-35c. 當然, 如果見到隻龜中意34c或以上, 咁就唔洗調箱正中間34-35c啦, 就調熱燈正下方是33-35c, 箱正中間低兩度, 31-33c. 進階更好的方法, 係加熱燈插到光暗制, 光暗制插到溫控.

晚上陶瓷燈是獨立插到溫控, 進階更好的方法, 係陶瓷燈插到光暗制, 光暗制插到溫控.

全年自動Setting:

龜大哥

如果光暗制你白天25度set同你夜晚20度set都唔一樣.不如用溫控

waiman

小豹 發表於 2012-1-14 09:23
一個75我，一個65w！但夜晚溫度32左右哦，冷點28

夜晚溫度32，冷點28 = 唔得.
夜晚要凍, 盾夜晚要冷熱點23-27c.

龜大哥

waiman 發表於 2012-1-15 01:06
夜晚溫度32，冷點28 = 唔得.
夜晚要凍, 盾夜晚要冷熱點23-27c.

我夜晚比佢25-28
試過比佢23度就傷風 -.-

waiman

6sn7 發表於 2012-1-14 09:28
我隻66全天都在曬點下面，我set 曬點34度會唔會太低？

請測29摟.

waiman

龜大哥 發表於 2012-1-14 12:03
如果光暗制你白天25度set同你夜晚20度set都唔一樣.不如用溫控

睇唔明你講乜?

白天用UVA加熱燈, 禁用陶瓷, 夜晚用陶瓷, 禁用UVA加熱燈的.

UVA加熱燈直接上溫控 = 快速燒燈.

小豹

waiman 發表於 2012-1-15 01:06
夜晚溫度32，冷點28 = 唔得.
夜晚要凍, 盾夜晚要冷熱點23-27c.

豹同盾的溫度係唔係差唔多？

waiman

龜大哥 發表於 2012-1-14 12:09
我夜晚比佢25-28
試過比佢23度就傷風 -.-

比佢23度就傷風, 唔代表冷熱點23-27c會傷風.
因為 "冷熱點" 23-27c, 唔係話 "溫度可" 用23-27c, 而係山洞係熱區27c, 遠處泠區23c, 龜係山洞訓有27c.

龜大哥

waiman 發表於 2012-1-15 01:19
睇唔明你講乜?

白天用UVA加熱燈, 禁用陶瓷, 夜晚用陶瓷, 禁用UVA加熱燈的.

請問點解白天唔用陶瓷
夜晚我就知點解唔用UVA
我都是用UVA加溫控.有什麼問題?

龜大哥

waiman 發表於 2012-1-15 01:29
比佢23度就傷風, 唔代表冷熱點23-27c會傷風.
因為 "冷熱點" 23-27c, 唔係話 "溫度可" 用23-27c, 而係山洞 ...

明白...................

waiman

小豹 發表於 2012-1-14 12:24
豹同盾的溫度係唔係差唔多？

網上文:

蘇卡達龜, 盾臂龜：主要分佈於非洲中部，西起毛裡塔尼亞、塞內加爾，向東到埃塞俄比亞。成年背甲70公分左右。白天溫度30-34度，夜晚24-26度；濕度40%-50%。草食性，易患結石、消化系統、缺鈣等病。

豹紋陸龜：主要分佈於非洲東部和南部。成年背甲55公分左右。白天溫度32-35度，夜晚24-26度；濕度60%-70%。草食性，易患挑食、消化系統、體內寄生蟲等病。

waiman

龜大哥 發表於 2012-1-14 12:33
請問點解白天唔用陶瓷
夜晚我就知點解唔用UVA
我都是用UVA加溫控.有什麼問題? ...

燈泡/聚光燈是以光線加熱皮膚表面; 陶瓷燈是遠紅外線向下直射加熱, 此紅外線能穿透入龜的皮層之下, 使龜體內的水分子共震磨擦發熱, 而直接從龜體內失去水份. 用了陶瓷燈就要特別留意龜箱中的濕度, 要控制到晚間濕度比白天高.

日夜用陶瓷 = 烤龜.

加熱燈直接上溫控 = 快速燒燈.

因為當室溫接近臨界點之時, 燈會經常開關, 燈最忌經常開關.
燈絲的特性, 是在冷態時電阻力低, 熱態時電阻力高, 燈絲發熱時電阻力高, 通過的電流就小, 但開燈時那一剎, 燈絲是在冷態, 故電阻力低, 所以會突然有比正常平時多的迅間大電流沖激, 故大都是開燈通電那一剎那燒斷了燈絲, 而UVA用溫控, 會形成頻頻開關故短壽.

但如加了個調光器, 就成了限制電流到比正常低1-2%, 而且再加上並非一直調到100%去用, 所以開燈通電那一剎那, 本就減少了一半或一半以上的電流沖激, 因此燈絲不再容易燒斷, 還會變成比一般正常使用的, 耐用多1.5-2.5倍, 而且還可任意調溫度.

如加了個調光器, 再插到溫控, 在室溫接近臨界點, 燈會經常開關之時, 調光器輕微調一下, 就會不再經常開關啦.

龜大哥

回復 waiman 的帖子

非常有用

waiman

6sn7 發表於 2012-1-15 11:27
啱啱试咗，UVA全開，曬點成40度，佢鐘意訓果度36.9，幾次攞開都爬返接近地方，點算？ ...

29摟有:

如果見到隻龜中意34c或以上, 咁就唔洗調箱正中間34-35c啦, 就調熱燈正下方是33-35c, 箱正中間低兩度, 31-33c. 進階更好的方法, 係加熱燈插到光暗制, 光暗制插到溫控.