集思廣益幫助巴西龜解決問題之唔食野篇

twbb

前提:我雖然只係啱啱開始養兩隻巴西龜5日,但由佢地到我屋企直致呢一刻都唔肯食野,睇住佢地由四圍爬到而家連水都無力游,睇見都心痛(已經打定輸數),上網搵資料既同時見到好多朋友都係咁既情況,所以設立呢個post比人參考,希望各位有經驗既朋友不吝指教,更希望可以幫到有需要既朋友啦  ps:各位朋友既留言只屬於個人經驗/意見,並不預設任何立場,亦不保證一定有效或可能導致更差結果,參考既朋友請自行判斷是否適用,謝謝                                                                                                                                                                                         PS:第5日夜晚當我放工返屋企嘅時候發覺有一隻已經離開左我，正係我之前話睇住佢連游水都無力個隻，心好難受，尤其我之前偷時間去收左個二手魚缸同山洞，諗住放係露台等過兩日好天之後比佢地做別墅曬太陽用，而家另外個隻一直係咁瞓，我真係好驚佢都會就咁去左，真係唔想心痛多一次······                                                                                                                                                                                     養巴西龜年資:
養巴西龜數量:
巴西龜不進食原因/病徵:
解決方法/意見(有效):
曾試過的無效方法:

siumaiguy

養巴西龜年資: 兩半年

養巴西龜數量: 兩隻

巴西龜不進食原因: 我望住佢 ;環境唔慣 ;受驚 ;龜糧或生肉唔合胃口; 冬天溫度問題; 水太污糟

解決方法/意見(有效): 咪望佢放低食物走開，要有耐性; 唔好拿龜出來餵，水污糟都無法; 咪成日拿佢出來玩就唔會驚到唔食野; 買龜糧試用裝試食、用番龜鋪用來餵佢地的龜糧、餵水煮蛋實搶住食; 冬天唔食就唔食無符; 水太污糟就換水

曾試過的無效方法: "對"條龜糧到咀邊; 冬天用熱膽加溫無暖管; 死放佢唔食的龜糧肉類係佢面前;  

spoonmanu

師兄隻巴西有幾大？我有隻巴西買番嚟時比五蚊銀大一個圈左右，商販老闆推薦我比開口糧佢食或許對你龜龜有效。另外想問你水缸溫度幾多？

twbb

我兩隻龜都係殼長3.5cm,我一開始餵lifeline嘅幼龜開口量，見佢唔肯食之後試過冰紅虫、三文魚、活豐年蝦，不過都係唔肯開口，亦都試過用龜康靈浸泡，都係唔肯開口，另外我缸水高約4cm，有加暖管29度

laiman2008

我隻5cm大的巴西
番左屋企幾個星期無食野
最後輸左俾蝦乾
而家食糧了

Wingu

你可以試下比D 氣味強D o既食物比佢，eg. 蝦乾。可能龜龜唔熟環境又轉o左糧，氣味強D o既食物佢o地易D 分辨，就會去食。

twbb

Wingu 發表於 2013-5-2 18:39
你可以試下比D 氣味強D o既食物比佢，eg. 蝦乾。可能龜龜唔熟環境又轉o左糧，氣味強D o既食物佢o地易D 分辨 ...

蝦干會唔會好硬身，駛唔駛整淋佢先架？？

Wingu

twbb 發表於 2013-5-2 18:57
蝦干會唔會好硬身，駛唔駛整淋佢先架？？

龜仔最好整細粒啲同整淋少少會好啲。

Wingu

回復 Wingu 的帖子

或者揀啲軟身啲嘅蝦乾。

zero1231232001

我養左 十幾年的巴西龜  在今年的5月9日晚上就走左了
細巴西龜大約18cm大    生前和樓主一樣 都是 唔食野  
詳情: 至今年的過凍後 的 3月開始 他就開始沒進食了 糧 , 新鮮魚 , 蝦 等等..... 手腳開始無力 經常合埋眼 .......... 到了 5月9日的晚上  大巴西龜不斷爬   細巴西龜就這樣離開了 ..... 他死後眼和口 有輕微開  , 我覺得是他想見我的最後一面 和我說話吧 可惜太遲了....

現在只余下大巴西龜約22-24cm 一個了   今天發覺他的右手 好像有點問題   昨天沒事的  爬的時候 除了右手 其他手腳都有動... 就是右手有點問題     接觸他的右手  他會有反應的...
請問各位大大 知道什麼事嗎!? 求解決! 謝謝

twbb

回復 zero1231232001 的帖子

你好,你養左十幾年都可以算係壽終正寢喇請節哀順變

zero1231232001

回復 twbb 的帖子



現在的只余下大巴西 , 今天發覺他的右手 好像有點問題   昨天沒事的  爬的時候 除了右手 其他手腳都有動... 就是右手有點問題     接觸他的右手  他會有反應的...  
不知道是什麼事呢!?   大巴西養左二十年到.....他先後 死左2個老婆了

602151

我好細個五、六歲開始第一眼見到龜龜尼種生物時就驚為天人，開始養巴西龜，果陣養咗四隻，養到廿歲便放生，後果知道自己做得好錯，因為俾人養慣咗既龜龜係唔識自己去搵食，但知道果陣時已經太遲了...
事隔多年，我去年於香港寵物交易區見到有龜友唔要巴西龜，於是我就把巴西龜帶回家撫養

龜年資:合共17年
養巴西龜數量:而家有3隻巴西（領養回來的），細個養4隻巴西
巴西龜不進食原因/病徵:肺炎。病徵：側身游水、開口唞氣、吹波波、要用輔助呼吸肌協助呼吸，嘴唇呈灰白（嘴唇好似發毛咁有一浸白色野遮住咗）
解決方法/意見(有效):立即陪同龜龜去有信譽既獸醫度睇醫生，或者同佢去中峰度睇
曾試過的無效方法:滴黑藥落龜龜個鼻孔內

twbb

回復 zero1231232001 的帖子

我建議你觀察多一兩日先,始終睇醫生都唔平,但好擔心或者情況明顯惡化都快D去睇啦,你認識中鋒哥嗎,佢收費比較平,我見過佢同D龜打針同放血,但佢唔係職業獸醫,未必一定可以幫到你

twbb

602151 發表於 2013-5-11 12:10
我好細個五、六歲開始第一眼見到龜龜尼種生物時就驚為天人，開始養巴西龜，果陣養咗四隻，養到廿歲便放生， ...

C姐你好勁呀,細細個唔識養都可以養左佢地十幾年你係邊到放生架,我見荃灣德華公園個環境幾好喎,大家得閒可以去望下D龜龜

zero1231232001

回復 twbb 的帖子

我觀察多幾日先........
不認識.... 請問中鋒哥 的地址及詳情....
謝謝!!

602151

twbb 發表於 2013-5-11 12:17
C姐你好勁呀,細細個唔識養都可以養左佢地十幾年你係邊到放生架,我見荃灣德華公園個環境幾好喎,大 ...

上環荷李活道公園

係？！
得閒去睇下先

twbb

zero1231232001 發表於 2013-5-11 12:17
回復 twbb 的帖子

我觀察多幾日先........

本論壇有資料:友緣龜屋,你可以搵下

602151

zero1231232001 發表於 2013-5-11 12:17
回復 twbb 的帖子

我觀察多幾日先........

荃灣眾安街142號B座，即（荃灣河背街68號天佑小學斜對面）

602151

回復 zero1231232001 的帖子

要先打俾中峰兄預約先好ｄ，手提：65047938   固網：34899709