遇上人生叉叉點,朋友們請入嚟傾下

Devil

人際關係咁複雜，番到去可能下次係你受害
而家份工夠食夠做就ｏｋ

808204

回復 twbb 的帖子

自古以來，老細有事就同你稱兄到弟，無事要削減成本就話俾你留系到其實系俾你最大的欣慰，100都吾加俾你，今日你舊老細點對你個朋友，都會點對你，你如果選擇幫你舊老細對付你朋友，難保第時你朋友都會甘對你，每一個行頭都好細，吾好因為D無聊老細，令到自己以後條路越來越狹窄。

twbb

602151 發表於 2013-6-10 21:38
如果俾我揀，我一定揀繼續做而家尼份hea工，幾多人恨搵hea工都搵唔到！
另一方面，好馬不吃回頭草， ...

工作忙唔忙先唔計啦，收得人工就自然要做返相對嘅野,而家份工只係朋友搞梗發展我幫佢一排先，本身都預左唔做，另外我同舊老闆關係又唔係差嘅（可睇我其他回覆，有講點解唔做），只係佢而家返去由於雙方我都識，變左關係十分監介，我唔想大家有心病，但舊老闆又好似點都要炒人，我諗住明天再搵佢傾一傾睇下可唔可以緩和佢地嘅關係

twbb

khip 發表於 2013-6-10 22:14
人際關係最複雜既地方，好馬不吃回頭草，除非你睇中舊公司有發展機會。

其次俾你老友之你番去做佢個位， ...

所以我決定明天再同舊老闆傾一傾睇下佢地雙方嘅關係有無得緩和

twbb

Devil 發表於 2013-6-10 22:35
人際關係咁複雜，番到去可能下次係你受害
而家份工夠食夠做就ｏｋ

都幾麻煩，所以我決定搵機會大家三口六面傾好佢，要交接都係開開心心嘅，最多我唔做架啫

602151

回復 twbb 的帖子

我最驚果ｄ話炒就炒既老闆，我鄧就嚟俾人炒既倉務主管心寒

twbb

808204 發表於 2013-6-10 22:40
回復 twbb 的帖子

自古以來，老細有事就同你稱兄到弟，無事要削減成本就話俾你留系到其實系俾你最大的欣慰 ...

咁又唔係全部老闆都係咁嘅，起碼我同舊老闆同同事本身相處係好好架，不過後來意見分歧越嚟越大，變左大家有心病，但真係無話邊個係好人邊個係反派，我最大問題係佢兩個接受唔到對方，變左我係中間位

twbb

602151 發表於 2013-6-10 22:49
回復 twbb 的帖子

我最驚果ｄ話炒就炒既老闆，我鄧就嚟俾人炒既倉務主管心寒 ...

其實大家相處本身好好，係後期意見分歧導致有心病，佢地雙方已經拖左成兩年先有今日，但真係無話邊個係好人邊個係反派，我最大問題係佢兩個接受唔到對方，變左我係中間位

twbb

君臨天下 發表於 2013-6-10 23:56
其實你個心係想過去既，祇係情理問題姐，以我來講，徐非過去有一定發展空間，如有機會再升，唔係我一定唔會 ...

現在份工我點都係將會唔做，至於返唔返舊公司我已決定如果三方肯坐低傾好去嘅話我先做，我舊老闆要我強行插手嘅話我都係唔做喇

君臨天下

其實你個心係想過去既，祇係情理問題姐，以我來講，徐非過去有一定發展空間，如有機會再升，唔係我一定唔會過去，或現在份工係張會冇得做咁就要過去，要開飯架

602151

khip 發表於 2013-6-10 22:14
人際關係最複雜既地方，好馬不吃回頭草，除非你睇中舊公司有發展機會。

其次俾你老友之你番去做佢個位， ...

一針見血！
認同「他朝君體也相同」！
（twbb C弟，請原諒我講野這麼直接，對不起，不過真係經驗之談，不吐不快）

siumaiguy

之前又點解無係個度做
工作最緊要開心啊
多幾千幾百但唔開心唔抵啊

twbb

602151 發表於 2013-6-11 07:32
一針見血！
認同「他朝君體也相同」！
（twbb C弟，請原諒我講野這麼直接，對不起，不過真 ...

哈哈，傾談之間有咩所謂，我之前唔做個人因素佔多，又唔係話老闆唔好嘅，至於同事方面我打算三方會談，因為佢其實本身都唔想做好耐架喇，係差在未開口，我如果做嘅話可能係一個中和點都唔定，只係係佢比人炒我再去接手定係令佢覺得佢我接返手佢終於可以走得安心,同一結局兩種心情,要拿捏的就係呢個位……

khip

twbb 發表於 2013-6-11 11:02
哈哈，傾談之間有咩所謂，我之前唔做個人因素佔多，又唔係話老闆唔好嘅，至於同事方面我打算三方會談，因 ...

我覺得你都係唔好插手佢兩個之間既關係好點，

一來唔好俾機會有位俾人捉你做磨心，二來你亦都做唔到乜野

龜龜ying

回復 twbb 的帖子

如果人工唔係多好多　何必返轉頭呢？世上好工何其多～想想當時離開的原因　再考慮也不遲呀～　而且你現在返工咁自由　又玩飛標又打麻將咁正　好多人恨都恨唔到啦～
人工高低唔太重要　最緊要努力儲錢　才能改善現有生活呀～
p.s　你公司在紅磡嗎？我公司都係啵^^

milklolo

睇吓自己夠唔夠錢駛最好啦！！

twbb

龜龜ying 發表於 2013-6-25 01:48
回復 twbb 的帖子

如果人工唔係多好多　何必返轉頭呢？世上好工何其多～想想當時離開的原因　再考慮也不遲 ...

人工方面其實我唔係擺首位,人與人之間嘅關係我比較看重,所以當時比較煩,不過我已經勸我舊老闆同舊同事好好咁傾下,大家以前關係好好,只要肯放低心結,無野係無得傾嘅,之前走有好多原因,其中有意氣問題,並唔係話我唔滿意公司嘅,不過我舊老闆呢排無左下文,我都無主動搵佢囉,我係旺角返工,個日去紅磡搵個客啫,另外副麻雀其實長期得個擺字,都未試過夠腳嘅

小豹

當然係開心最重要，邊度開心就去邊度，呢尐係有錢都換唔到既

Arthur_leung

睇你年齡……俗語有話，好天搵埋落雨柴。趁後生唔搵多D,老咗先博咩……自由喺好，但遲下呢？呢個世界老細最大，你唔返去做，唔代表佢會唔炒咗佢請第二個啫。

龜龜ying

回復 twbb 的帖子

其實比我揀多次 我都唔會揀回頭路 既然當初決心走得 一定有原因理由 即使唔係不歡而散 返返去係咪又代表 可以好似以前咁融洽相處到呢? 始終一段時間冇見 點都會生疏左 與其又埋首去建立返一段舊關係  倒不如去外面見識下其它工 從新建立新既人際網絡 唔係更好嗎?