新買回來的四趾陸龟

奇門

如果你暫時換唔到底材，都準備左食兜先
就算用泥用紅土，都應該用野墊住食，最簡單可以用硬卡紙
免得誤食任何底材

奇門

十曰冇郁，粟米沙未必係主因
要搞清楚個缸夠唔夠大，做唔做到活動空間，
環境會否太焗，自己用手鼻感受，陸龜唔怕太冷，只怕太大風太焗

織田俊義

新手唔識正常，上網爬多啲文，買個陣問啲售貨員，又唔問又唔識，仲打天才波，咁幾啱新手嘅龜都假啦！如果真係怕俾魚街啲舖劏到一頸血，可以去信譽比較好啲舖，好似魚佬，阿澤，友緣龜屋等...啲度買&問，就算大出血都起碼啲職員肯答你老哥啲問題，你都定啲丫！

alva0914

如果你冇其他底材，先用報紙做底材，放一個淺水盆比佢地，另外，燈要最少2支，一支用射胆(菲利蒲日間用)..w數視乎你燈罩掛幾高，另一支要上UVB(紫外線燈)..都係日間同射燈一齊用，用黎製造D3，到夜晚就轉一個月光胆/陶瓷胆/紅胆用黎保暖，日間爬箱約30~33度，夜間約28~29度，濕度範圍約60~80間，温/濕度要視乎龜种，必須在爬箱內設最少2個温/濕度計，另爬箱須要有冷，熱點比龜仔吸收需要嘅熱能保暖同消化食物，至於食物方面可多完化但主食糧較健康，比較多龜友用M糧，S糧，Z糧，K糧，各牌子的水果糧或草粉，呢D爬店有售，疏菜最好比D菜葉係深綠色唔太多水分嘅葉部分去走莖，如桑葉，蕃薯葉，大紅花葉等，仲有D補品係必要買嘅如鈣粉，reptoboost(澱解粉),最後一支黑药係龜用抗生素医病用，最好每餐飯前浸暖水，只要你爬多D文就可以更多詳細資料去佈置爬箱，同餵食，医病方法同途徑，打到好攰啦多謝