食飽的樣子

Hata

ericboy 發表於 2011-11-24 14:35
作為一個有責任心既好主人, 絕對唔應該因為貪方便日日餵龜糧比2隻紅腿食, 紅腿算係雜食, 不過肯定唔食肉 ...

我喂糧唔代表無責任心的主人,你咁很有責任心你不如做個天然人工環景比你啲龜嗱白痴

Hata

書我都有嗱食糧定食菜自已定點解要人跟你個套
我有我的方法養,你有你的

re5075

烏龜的 發表於 2011-11-24 15:07
見咁多人POST我又POST先~

想問下幾$本 想買

ericboy

Hata 發表於 2011-11-24 16:08
我喂糧唔代表無責任心的主人,你咁很有責任心你不如做個天然人工環景比你啲龜嗱白痴 ...

你只係識講粗口同鬧人係冇用既!
人地比意見你, 你可以唔聽, 2隻龜係你既, 你鐘意比咩佢食都得, 話之你比朱古力同薯片佢地食丫, 不過登佢地好可憐咁解囉, 天才!

烏龜的

re5075 發表於 2011-11-24 16:44
想問下幾$本 想買

120以下~呢本pro唔哂 但足夠新手學基本嘢！

re5075

烏龜的 發表於 2011-11-24 16:46
120以下~呢本pro唔哂 但足夠新手學基本嘢！

咁有咩書好介紹?

烏龜的

兩位算啦~交流嘛
師兄 我地都只係比意見你參考下
唔洗太激動~
因為驚有時接收錯左啲錯唔訊息
最後害左龜龜~提醒一下你而已
既然師兄有自己一套養法 以後大家又多個參考~

請咁多位師兄唔好再評論 只係單純地欣賞好了:)

Johannchan

全球既研究結果報告, 都認同隆背起釘既原因唔係高蛋白, 而係:

1.高磷 (與鈣互相結合抵消)
2.濕度唔夠 (缺乏水合作用)
3.UVB不足,因此D3不夠 (無法激活腸內的吸鈣能力)

你去外國論壇問下, 基本上D人一致咁答你, 曬多D太陽同提高濕度就可以防止隆背!

高蛋白可以令龜背高身, 呢個已經唔係商業秘密, 龜糧中含高蛋白, 主要係因為龜糧含大量豆殼及麥殼皮 - 豐富的植物蛋白, 食齋既人主要靠黃豆及麥芽吸取植物蛋白來代替動物蛋白, 我阿哥阿嫂係食齋既.

M字糧都係放豆殼及麥殼皮(soya bean hull, wheat middling), M字糧大家用過都知係會令龜龜重得好快, (其實得18%粗蛋白,冇記錯陸龜唔能夠超25%), 但全球動物園及全球最多人都係用M字糧, 證明龜糧既蛋白比例係OK既.  有D龜糧,好似波蘭Tropical牌陸龜甚至加入軟體動物及魚肉去增加蛋白.

如果你個UVB燈好廢, 平時又曬唔倒太陽, 可以間中食下: 軟體動物、面包蟲、波蘭糧、或動物肝臟 - 動物肝臟含豐富D3, 可以令龜腸在唔夠UVB情況下迅速補D3!!!  咁就高蛋白都唔驚隆背啦.

烏龜的

Johannchan 發表於 2011-11-24 16:57
全球既研究結果報告, 都認同隆背起釘既原因唔係高蛋白, 而係:

1.高磷 (與鈣互相結合抵消)

恕我直言 點解你隻亞達.....
師兄 對唔住呀！

Johannchan

烏龜的 發表於 2011-11-24 17:19
恕我直言 點解你隻亞達.....
師兄 對唔住呀！

返黎已經係咁, 依家新既紋開始平滑, 海島龜要濕, 我日日浸暖水, 平時放盤水, 佢都日日自己去浸水.

我返黎後問過好多外國人, 佢地就係話要 "濕 + 太陽" !

Johannchan

回復 烏龜的 的帖子

你地話人地樓主食糧唔岩, 係害左佢D龜, 係個不負責任既主人, 但係你睇完香港最出名既爬醫余醫生, 余醫生都係咁同你親口講 "9成糧都可以"....  點解你又會用相反既野去串人呢?  真係令人費解... 唔通係學左長毛既為反而反?

"2011-7-27 18:15 烏龜的帖子: http://www.hkturtle.org/forum.php?mod=viewthread&tid=6261

原來余醫生自己餵龜龜係真係餵菜!!!!!!!!!!!
佢話佢多數街市咩平就買咩餵 多數都係油墨菜 白菜仔 菜心之類!
但余醫生唔係全菜 而係3成菜 7成糧!!其實1成菜 9成糧都可以
佢話zoomed草粒 同mazuri呢兩隻係幾好~都係草既成份較多!
但之後佢覺得呢兩隻糧太貴 佢話就轉餵兔仔糧(佢話係oxbow 係i love rabbit有得賣 不過我冇詳細問如果大家買得起zoomed同mazuri都係用返呢兩隻啦)
    總之就多d比草龜龜食就可以!"

我覺得反而好多菜既磷太高, 纖維太低, 反而就算樓主比100%糧都好過食菜!!!  磷已知係引致隆背最大殺手!!  所以糧入面從來唔加菜!!

Johannchan

回復 烏龜的 的帖子

而樓主個食物清單有比菜wor............

"每日餐單:
星期一: Zeptic糧加益生菌
星期二: Komodo糧糧加益生菌
星期三: Zeptic糧加益生菌
星期四: Komodo糧糧加益生菌
星期五: Zeptic糧加益生菌
星期六: Komodo糧糧加鈣粉
星期日: 油墨菜加komodo素食維他命粉"

0.5 日菜 : 6.5 日糧 = 7% 菜, 93%糧 - 正好係 Dr.Yu 既 : "其實1成菜 9成糧都可以"

咁樓主其實應該係個 模範主人 至岩!!!!!

唔通你想暗示人地係個不負責任既醫生?  定係你既post http://www.hkturtle.org/forum.php?mod=viewthread&tid=6261 係個膠post?

Hata

Johannchan 發表於 2011-11-24 16:57
全球既研究結果報告, 都認同隆背起釘既原因唔係高蛋白, 而係:

1.高磷 (與鈣互相結合抵消)

多謝johannchan share心好有用的知料.
ericboy 學下人嗱

烏龜的

Johannchan 發表於 2011-11-24 19:00
回復 烏龜的 的帖子

而樓主個食物清單有比菜wor............

首先我冇話過佢日日食糧唔岩LOR= =師兄...
我一直話佢日日BAC唔太得 維他命唔需要
(如果你睇返希望你道歉 餐單一早講左不予置評)
再者 我數學比較差 唔知你咁計岩唔岩
但余醫生所講3:7 較好 1:9都得 但你只著重於1:9 咁......我已冇說話好講啦...
仲有 1:9比例應該係每餐黎睇 我諗食7餐"1"比例既菜都會多過你所謂既0.5日掛@@?
(不過我真心數學差.....我認)
加上呢個係方便飼養者既餵法JA LOR 係咪最好餵法我好似冇評論過...
一直強調多元化餵食 而小弟都係行呢一套 只於其他師兄...
選擇權係人地到 食幾多餵D咩都係飼主話事啦 所有野都係只供參考

以偏概全係一個相當大既謬誤 希望師兄真係慎言(請恕我無禮)
因為你既一言 有機會影響他人名聲 亦如果係因為師兄你歪曲左一D事實 而影響到余醫生
咁真係唔知搵唔搵你負責好?
我一早都有講過我/師兄出聲 對我地D龜龜冇好處
講左比樓主聽我D龜又唔會靚左
我唔明點解師兄話我為反而反.......?究竟為反而反既人係我定係......算啦 呢個唔係重點
我反而唔明 點解師兄你要出呢個POST回我 而目的係執著於"誰對誰錯"
如果係我錯 我唯有用返樓主既一句說話:點解要人跟你個套?我有我的方法養 你有你的

師兄 希望你能息怒 原諒我有話直說....

hyy

其實大家都係為龜好...平心靜氣...

Hata

hyy 發表於 2011-11-24 22:42
其實大家都係為龜好...平心靜氣...

只怕有啲人山板衝炮艇唔識又要扮pro又好似小學雞咁話人講粗口同鬧人.