坐少一陣，係咪會死？

anthonywoo

搭港鐵, 可以企, 我唔會坐.  

kara

回復 雪b 的帖子

但最閉佢唔係一個人嗎!!
抱住個小朋友!!!

anthonywoo

其他人讓坐與否 ... 你管不了 ... 自尋煩惱

siusun

雪b 發表於 2012-9-25 13:41
回復 siusun 的帖子

而家就係講緊啲啲十幾廿歲玩手機睇雜誌話之人死囉

我知你話D O靚仔

只係你講起讓座問題 我先順便講下我睇法咋喎, 我有必要對號入座咩? 會唔會自視過高左D?

大家都有比錢, 權利係均等, 讓座係賣人情, 唔讓亦有人地道理, 就係咁簡單.

雪b

回復 kara 的帖子

我明，好彩佢撞到你！
不過抱住小朋友上上層太危險

雪b

回復 anthonywoo 的帖子

係管唔到的
不過亦唔會煩惱
只係可惜社會越嚟越獨善其身

雪b

回復 siusun 的帖子

如果你真係淨係講你既睇法，無對號入座嘅
對唔住，誤會你
你反應太激動，令人誤會你在替自己辯護

seira2242527

有時我會見唔到... 但見到既一定讓座

kara

回復 雪b 的帖子

冇話好唔好彩既!!
一個便心姐!!
我都想第時如果有BB又或者老左都會有人讓下位比我姐
其實唔好講到第時咁遠!!
就諗下依家!!
自己都會有屋企人!!
有老有小朋友有後生有中年又可能會有大肚婆!!
如果自己都做唔到讓坐比人!!
你又有咩要求人地會咁做!!!
雖然未必個個想法一樣!!
反正如果可以做到咪做囉!!!

雪b

回復 siusun 的帖子

你講既公平，平等，我明
而家想講既係啲人嘅心態，
你講嘅觀點，我buy
每個人做野都有佢理由
一個十幾歲嘅靚仔，健康精神，
見到個企唔穩既阿伯
心態係我比得錢有得坐梗係坐，你企唔穩你嘅事，係你遲上車，行得慢
呢種心態，你唔覺得有問題？
我知唔係人人有呢個心態，但眼見好多呢啲人姐
大家觀點角度唔同姐

雪b

回復 seira2242527 的帖子

有呢個心已經好好
有時覺得社會太利益掛帥，變得冷漠
好彩响呢度仲見到咁多溫暖嘅心

seira2242527

雪b 發表於 2012-9-25 15:19
回復 seira2242527 的帖子

有呢個心已經好好

係呀 果然有養小動物既有愛心d

雪b

回復 kara 的帖子

好欣賞你嘅諗法
呢啲係同理心
希望唔識同理心嘅小朋友，可以知咩叫同理心
或者大個佢地會識
不過我相信如果真係有事要幫手嘅，仲有好多人會伸出援手

雪b

回復 seira2242527 的帖子

愛錫動物既人比較易有同理心
因為錫佢地，會由佢地嘅角度諗佢地需啲咩

pandagift

回復 雪b 的帖子

點解覺得系自己唔好彩??  其實比你睇到非人類的面孔.....真的幸運

siusun

回復 雪b 的帖子

我無話果D 後生仔無問題喎

一個健康正常唔似體力透支既後生仔 O係果D情況唔讓座, 係缺少D 家教

我只係覺得無謂做判官去判斷人地對錯, 你覺得個座位唔重要咪讓比人座. 唔駛下下要求其他人要同你一樣, 因為除左上黎鬧下呢D人之外, 你跟本無辦法管到其他人亦唔到你理. 一係咪走埋去叫佢讓座

我自己情況係 精神或體力狀態較差時如果坐緊係唔會讓座, 其餘時間或坐短途我好少會坐落去.
一兩個站坐黎做乜?
同埋我由上水上車, 除左好早出門, 吉位其實無幾多個, 強國人多過香港人, 都談唔上讓唔讓坐呢D小問題啦

比起唔讓座問題, 我比較討厭車箱內成班圍威喂大吵大鬧既年青人.

雪b

回復 pandagift 的帖子

或者應該講除左見到人性陰暗面，亦都有光輝既一面

雪b

回復 siusun 的帖子

多謝你嘅意見，放心，你之前打既野我有睇到，唔洗重複。
我想帶出既問題，唔係讓唔讓座咁表面，而係人既質數問題。我打讓座呢件事出嚟，係啱啱見到呢件事，有感而發，想借呢件事帶出問題所在。
在車廂大吵大鬧，亂拋垃圾，隨地吐痰，係人既質素問題，未必關家教事，或者係人地屋企有教，佢自己唔做呢？
如果你執着响讓座呢個字眼上面，對唔住係我表達能力差，令你誤會，令你執着，令你唔明白我最終嘅意思。不過如果你真係有用心睇我打嘅嘢，應該唔難估到我想講嘅嘢。
如有冒犯，多多包涵

siusun

你既有感而發而冒出一句問人係咪會死, 其實你自己會唔會覺得都唔係咁有家教或者質素又或者係無乜禮貎?

我再由頭睇晒你D 發文, 初步我睇到既係, 一個入世未深, 有D太理想主義, 平時搭地鐡只需十零分鐘既人, 見到人地唔讓座, 就用自己既主觀理想思想去代入其他人度去审判其他人.

單以自己唔坐座位就談個人質數, 我會覺得太過兒戲.

我份人比較直, 還請包含.

雪b

回復 siusun 的帖子

對唔住冒犯左你，
我唔係有心嘅，而呢句野亦都唔係問你呢啲有需要既人
係問果啲唔係咁需要坐，又要死霸，見到有需要既人扮見唔到果啲
如果你覺得我係問你既，唔好意思
一路睇你既留言比我既感覺，你淨係着重响讓座呢兩個字上面，為唔讓座辯護
當然你講既野，係有道理啦
好開心，一把年紀仲有人話我入世未深，我覺自己好成功
入世太深，太現實，反而好易遺忘左做人基本嘅野
做人現實係需要，但唔係樣樣都要現實，都要計較
一日廿四小時，除左瞓果幾個鐘，都喺度計算，唔會覺得辛苦咩？
樣樣都怕蝕底會開心咩？
喺現實世界生活得耐，會發現呢個世界缺少了人情味
或者你會唔明我講咩，因為你諗既野由理性上出發，我而家所諗既係感性上出發
呢個世界無絕對啱定錯
睇野嘅出發點唔同，睇出嚟嘅野都會唔同