!!!動感科科!!! 好有壓迫感 XD

東方不敗 · 發表於 2014-10-8 22:42:13

回復 QuenQuen 的帖子

其實我覺得龜都唔係幸福 ,陸龜係d地方生長,一係沙漠,一係都冇乜野食得到 ,去到人養的地方,比好的食物佢原來又對佢健康有影響 ,原生地佢地食d乾草, 可能連香蕉都未食過,所以你比好野佢食,佢就係好吸引,試問沙漠又何來一條生菜呢, 排酸又同排尿不同

QuenQuen · 發表於 2014-10-8 23:03:27

回復東方不敗的帖子

都係架, 就好似我之前講龜其實係天生天養, 不過變左寵物了~ 南美洲唔會冇香蕉掛... =.=" i mean 紅腿係雜食架嘛~ 原生地應該資源好豐富至係?!
科科唔洗排酸架~~好容易照顧~~ 其實除左比野佢食, 曬太陽同洗龜屋, 真係冇咩野要做.

東方不敗 · 發表於 2014-10-8 23:10:20

回復 QuenQuen 的帖子

咁都算易養了 , 原生地香蕉係樣上,龜龜可否上到去呢 , 但野外佢地真係好大挑戰,去搵食都唔少時間,邊有時間午睡, 用玻璃缸養龜要拿隻龜出黎哂,你就好,有你爸爸每日拿出去,要返工的人邊有咁多時間,一星期曬到一次己好了,紅腿好彩係雜食,所以我地餵野唔駛咁驚比錯野佢食 ,豹好似就要揀選d

QuenQuen · 發表於 2014-10-8 23:26:44

回復東方不敗的帖子

其實... 所有生果都係樹上面架啦,,, 不過佢地趺落泥架嘛 XDD 同埋佢地雜食, 已經比其他種多選擇, 可以SAVE好多時間訓覺 XDD 我睇過話花都食, 不過我試過, 呀科唔食=.=
係呀~ 所以我都覺得爸爸揀紅腿揀得好岩! 你知唔知呀, 當日科科番泥個陣, 第一晚係訓紙箱=.=" 咩裝備都冇, 嚇死人

東方不敗 · 發表於 2014-10-8 23:35:14

回復 QuenQuen 的帖子

咁你地應係去到睇到即興買,乜都冇準備,不過我會準備好哂先買龜, 呢個冬天呢二三個月,我會係最凍個幾日,用溫度計測下半夜最凍幾多,邊個位置暖d, 基本上我家室內會比室外暖很多,外邊十度時,室內會有17,18左右,試過唔醒起室內暖很多,走左落街買野,行得不遠己凍到震,急急腳,所以我家溫度養陸龜應問題不大,其實而家仍有好多人用個箱養,不過質料可能係木或膠,到龜大到a4咁大 ,玻璃龜箱唔夠大,到時真係可能要用膠箱

QuenQuen · 發表於 2014-10-9 22:44:59

回復東方不敗的帖子

個陣我叫爸爸唔好買, 點知佢第一件事就係買左隻龜先=.= 又唔做功課, 連UVB燈都唔知要買=.= 激死我, 其實本身我對龜冇咩興趣, 只係唔想科科死先至做下功課話比爸爸知要點養, 點知愛上左科科

東方不敗 · 發表於 2014-10-9 23:01:27

回復 QuenQuen 的帖子

原來係本身唔係中意龜架,反而你爸爸中意喎 ,我初時以為龜好易養,點知佢會呢樣又唔得,個樣又驚, 細個養過一隻巴西,個時用條新鮮會郁的紅蟲引佢,條紅蟲左扭右扭咁,睇到佢眼金金
係喎,陸龜係咪真係唔會落水游水架

QuenQuen · 發表於 2014-10-9 23:44:22

回復東方不敗的帖子

爸爸退左休得閒過頭=.= 龜唔會太大地方唔洗太理佢, 所以揀左龜
其實真係好易養WOR, 只係需要照顧環境同食物, 佢又唔洗你擺好多時間陪佢, 又唔洗你帶佢出去散步, 又唔洗梳毛XDDDDD
我科科冇游占水呀, 佢只係浸, 佢可以係水入面全日都唔出泥 =.= 仲浸住水訓著都試過

東方不敗 · 發表於 2014-10-9 23:48:45

回復 QuenQuen 的帖子

我見魚街店內的豹龜,浸一陣水就走人,其實佢係水盤內大小便, 咁個日唔駛換尿片,洗草皮啦
佢失禁係水盤外疴左先要姐,膠水草又幾方便,又唔會枯,洗完揚幾下就冇乜濕了, 係呀紅腿呢種陸龜會否挖地洞 ,d人用粟米沙養豹龜原來係比佢挖洞,同埋佢會用沙埋自己黎訓覺,保暖

QuenQuen · 發表於 2014-10-9 23:52:06

回復東方不敗的帖子

我開頭都係用粟米沙, 但係科科唔中意, 佢撥走哂 =.= 之後轉左木, 再之後先係草皮. 中間試過因為生真菌所以轉左用毛巾/廚房紙, 佢好開心周圍走, 即是科科跟本就唔中意有底材=.=" 所以呢樣野真係好personal HAHA

東方不敗 · 發表於 2014-10-9 23:55:31

回復 QuenQuen 的帖子

而家睇到d post講,用樹皮做底,會有菌, 其實用草皮都得啦,用尿片係唔想疴左落缸底,成個缸拿去洗唔方便,所以我諗的方法,做一個亞加力膠盤係底,上放假草皮 ,咁疴左落底,都係拿草皮同亞加力膠盤去洗,其實都可以用抺手紙放係草皮底,當尿片用,可以嗎

東方不敗 · 發表於 2014-10-10 00:00:03

http://www.hkturtle.org/forum.php?mod=viewthread&tid=113075

紅腿白化,好靚架

QuenQuen · 發表於 2014-10-10 23:19:58

回復東方不敗的帖子

初頭諗住跟STANDARD做嘛所以比左樹皮, 點知搞到有菌, 最搞笑係轉左草皮之後佢活潑左好多, 開頭以為D草皮堅係草皮不停甘咬, 咬左半日終於知道唔食得=.=

抺手紙的吸水力同鎖水力應該冇尿片甘好吧...? 我都未用過, 唔知道, 不過我會揀用尿片

QuenQuen · 發表於 2014-10-10 23:20:23

回復東方不敗的帖子

EWWWWWWWWWW, 唔中意呀! 點解會白化?

東方不敗 · 發表於 2014-10-10 23:27:45

回復 QuenQuen 的帖子

你話個d 十二蚊店係邊d ,日本城都冇pet district , 白化應係基因出現異變 ,今晚好唔開心,個個龜人帶隻豹去睇中鋒,返黎浸藥後死左,佢好傷心, 佢開始出去中鋒度時pm我 ,覺得佢滿心歡喜可以醫好龜龜,點知,遲了,中鋒當時都話情況嚴重
佢咬草唔緊要,草皮夠扎實,唔好比佢食左就得

QuenQuen · 發表於 2014-10-10 23:31:10

回復東方不敗的帖子

12蚊店我問下爸爸
下... 龜龜走左...RIP... 希望佢得到解脫之後開開心心生活啦~
我個D係膠草皮... 所以... 佢咬崩牙都未咬到於是就放棄左

東方不敗 · 發表於 2014-10-10 23:42:35

本帖最後由東方不敗於 2014-10-10 23:43 編輯

回復 QuenQuen 的帖子

肺炎 , 腸胃病 ,雙管齊下,佢問我時,隻龜己唔食野,唔多願郁 ,佢家有開冷氣,佢有開暖燈,都咁易肺炎, 佢初時見佢吹波波個時,己唔多食野,跟住佢即去魚街買黑藥,但黑藥好似有問題,好似話轉左方,但中鋒比藥佢浸反而即時死左,係咪佢己狀態太差 ,頂唔住藥性呢
我提議佢快d去中鋒度睇,好似我害左佢隻龜,今晚又訓唔著了

QuenQuen · 發表於 2014-10-11 11:18:32

回復東方不敗的帖子

唔好甘啦, 我覺得係太遲... 兩個病就更加難搞... 就當話真係頂唔住藥性, 如果佢冇睇醫生, 甘個結果都係一樣...

QuenQuen · 發表於 2014-10-11 12:14:25

回復東方不敗的帖子

問左喇! 尿片係吉之島12蚊店買呀

東方不敗 · 發表於 2014-10-11 12:52:16

所謂尿片,一張吸水紙咁 ,我以為好似人用個種

帳號		自動登錄	找回密碼
密碼			註冊