龜龜會唔會係唔舒服 :'(

HKaoo

龜龜養咗大概半個月，初初成日周圍爬，一餵糧就會自動行埋去食，但最近成日瞓覺，又唔覺佢食嘢，噚日睇個頭仲好似有啲嘢，我試過抹不過唔甩，唔知係皮定污糟? 龜龜會唔會係唔舒服
我同時養兩隻，另一隻就好生猛會爬吓瞓吓仲會周圍望

車哩龜

烏龜嘅性格係好飄忽，我o個幾隻都試過一時情緒高漲一時做自閉兒童。暫時唔需要擔心，烏龜一個月唔食野都唔會有咩事。

你定期餵食就可以，放d龜糧入去，之後你行開唔好望住佢食，佢地仲細，有機會係未熟悉你嘅身影所以驚。

而且我睇唔到你個缸夠唔夠大，兩隻一齊養最好有七成A4紙咁大嘅範圍，要照燈，如果唔買燈就要曬下太陽。

最好去買維生素A，無論係粉定水滴，龜龜係需要吸收維生素A。

你觀察多幾日，養龜唔可以急。

巴西龜價值低廉，但養起黎都唔簡單，要好多照料。至少要做到水質同糧食過關。

加油我都養龜半年，好中意d龜嘅傻仔樣

HKaoo

車哩龜 發表於 2018-9-23 02:17
烏龜嘅性格係好飄忽，我o個幾隻都試過一時情緒高漲一時做自閉兒童。暫時唔需要擔心，烏龜一個月唔食野都唔 ...

謝謝你嘅提醒
都諗住換個大啲嘅箱同買燈畀龜龜
依家每日都會畀佢哋曬太陽，噚日佢哋晒太陽嗰時龜龜終於爬啦，總算冇咁擔心

Kam999

秋分過後夜夜寒,  龟bb太細了,  晚上要落暖管保暖.