|
|
本帖最後由 happycyk 於 2011-10-31 02:33 編輯
其實我唔係偏幫, 我自己都有做過學生, 亦知道學生時代難堪既野......
不過有時一個學生哥黎講, 從現實原因:因為自己無收入能力, 供養都係靠父母
係傳統父母角度黎講, 我供養得你你就最好聽晒我支笛, 叫你行就行, 停就停
基本上話事權接近0, 所以有時中學生養到寵物唔係每一個人都有既專利......
明白大家都係愛龜之人, 有時會話"屋企人唔比養咁咪唔好養囉, 明知唔比仲養囉黎衰"
但係有時唔知發自愛心定係慾望, 對龜仔著左迷真係好難忍, 即使父母唔比自己都好想試一次
哈哈...可能呢D就係年輕人既果股勁, 不羈放縱愛自由......唔鐘意比人管, 連想養小動物既權力都無
我自己十分興幸, 我當年養龜係先斬後奏, 好彩我呀媽都接受到幾隻龜仔, 不過要約發三章:衛生一定要做到足
(最壞打算: 如果呀媽唔比養, 我就拎去呀爺度養, 反正佢都有養開魚haha)
起初我父母都唔太鐘意, 但有時人既野好化學, 養耐左, 起初唔鐘意都會去餵佢食野同佢玩下
不過我父母好少拎起佢黎玩, 反而見到佢囉想問人囉野食自high個樣仲搞笑仲好玩, 當然我都叫佢地唔好搞
好好彩佢都有守規則; 我知唔係每個父母都會聽仔女既說話......唉 (有時唔知係佢地唔記得定係有階級觀念 )
所以我明白作為學生, 係屋企無話事權係好慘既事, 幾乎乜野都要問過父母先準做, 難聽講告句:我唔係傀儡
至於講大話我就唔多支持, 放飛機都唔係一個好學生應該有既行為~haha
隻枯葉龜暴斃真係死無對證, 希望您無講大話, 如果係因為抱住"知佢養唔活, 但又唔想蝕左畢錢"既心態就唔要得了
如果您驚貴龜養死會心痛, 無左D錢, 就應該揀番D易上手、身體強壯、適應力高既龜種,
雖然價錢平, 大眾化, 但係呢D龜仔養大左一樣可以好精靈好靚, 正所謂:"愈易做到既野, 先係愈難做得好"
樓主, 等您遲下出黎社會做事有收入能力, 我諗父母都會開始"放權"比您, 到時再養龜都未遲啦
好過以家搞成咁
|
評分
-
查看全部評分
|
[複製鏈接]
發表於 2011-10-31 01:57:45