巴西龜病左/0\

小草

人類使用既抗生素 唔可以俾龜用 而且你都唔知份量 好易出事
用海綿做陸地 真係唔太好 因為海綿吸污穢野 細菌
我覺得你最好買返支暖管 暖管可以恆溫 長開都得 晚上唔怕凍親龜 你一凍又一熱 真係幾難好返
浮台有好多種 有d係長方形既 附吸盤固定 有大中細size添 價錢由幾十蚊到幾百蚊都有
若然你又想佢浸水保暖 又怕佢晌水中無乜體力浮
咁搵隻細小小既碟 水中反轉俾佢用都ok架 起碼我果隻都乖乖地有晌上面訓覺
你隻龜嚴重肺炎 唔食野係正常表現
所以醫生建議你幫佢浸糖水補充體力 當然係龜糧照俾 希望佢肯食
有食慾先係好轉既表現
抗生素針我果隻打左一個療程 每針都係醫生幫我打
雖然我都有聽講醫生會叫主人屋企自己幫龜打針...但係我個人覺得自己都無技術 怕整傷龜
最少都要2個人先打到針啦 一個人hold住隻龜 另一個打 否則 你針針都拮唔中 痛死龜@@!!
*浸糖水我都係建議你用返隔夜水 除非你平時養佢都唔係用隔夜水*
你而家可以做既都係保持溫度 溫差唔好太大
準時打針 / 浸糖水 / 餵糧
體重增加返先算係好返
醫生有叫你覆診掛? 其實你有咩唔清楚 可以打返去診所問 大家都好nice解答你問題的 唔好怕羞
最後 你同龜龜都加油 好快就好返架啦