請問如何有效率令梅花開口呢??

爬爬爬

你可以試下香嘅魚糧或者龜糧
(魚糧通常香過龜糧 但唔可以長食 只係開口用 隻龜開左口之後通常較容易接受其他食物)
又或者搵d好熟嘅生果(蕉、蘋果、桃等等總之聞到香味嘅)

我嘅做法係咁
首先將d魚/龜糧釀入蕉/混入生果中(生果切粒)   或者將魚/龜糧磨粉撒喺生果上面
將混合物放落碟仔  
再放d水落隻碟度 大約去到隻碟一半
梅花喺運輸過程中容易缺水  所以會好口渴 放水希望佢飲水時會注意到有食物
放水仲可以防螞蟻添~
如果隻龜縮頭 你可以試下用水噴一噴佢個頭  咁佢就知道有水飲 伸頭嘅機會就會增加
(如果盒得好實就未必噴到 不過我見你依隻都會伸下出嚟 都可以試下)
然後放正佢面前
之後就要等.....個人可以行開下 因為有人喺度佢地會驚
見到d生果黑就應該換  不過就算每日換一次糧都得
因為隻龜唔食就唔食 d生果腐敗都唔關隻龜事
(不過始終天時熱 會臭 扔左d腐敗生果佢第二日再擺過都得)  
俾隻龜知道經常有野食喺度 佢遲早會試下食

就係咁 我隻梅花幾個月無食野都開左食喇~