龜 B 捕魚能力

frankho

最近買包 "魚毛" ，唔敢放龜缸，怕佢地食得太多，只用個吉缸裝淺水，放唔太大量魚毛，然後捉啲龜仔落去，比佢地自己搵食，捉魚冠軍得主就係巴西龜，要及早將之移離現場，免至食得太多，亞軍係我地中華班龜，地圖仔無心參賽，只想趁機走佬，蛋龜大部份時間得個追字，結果要我逐條整死比佢地執。
今早比賽前卻發生一段插曲，正在將啲龜放落餵食缸時，紅面蛋同一隻唔知乜蛋沒有如常企在淺水區等我捉，望真佢兩隻在水底爭緊條清道夫，條清道夫長過佢地，唔知點解會落在佢地口裏？佢地一個咬頭，一個咬尾，結果給我沒收，費事破壞水質。

frankho

故事今日算是有結局了，剛才下午4:30，我望吓窗外的龜缸，見到佢地上晒浮台透，有隻仲打開個口，與此同時，我震驚地發現，龜缸無晒魚，應該仲有3條唔算細的清道夫，6條老鼠，我平日都唔係好關心呢啲魚，但係今日真係冇晒，一條都冇晒，5隻龜 B ，點食咁多？唔見魚骨？

frankho

回復 power15 的帖子

巴西冇份，巴西在另一缸，食清缸嗰啲係蛋龜，包括刀背，黑蛋，果核，紅面，及一隻唔識乜蛋。以上五名疑犯。巴西因為食得勁，一早分左去另一缸。