兩年前後

wunclock

不經不覺又兩年,時間過得真快喔

wunclock

多謝,總算冇辜負我對佢哋嘅努力

wunclock

諗返起兩年前我帶佢哋返屋企嘅心情,真係好難形容。
當日我剛剛去完一間專訂做水晶相片嘅鋪頭攞返剛去世龜龜的水晶相...我以為自己唔會再養星龜,因為太傷心,太怕失去。但魚街係搭車回家必經之路,行行下忍唔住望下Ｄ星龜,跟住......無端端好掛住之前隻龜仔,又無端端叫老板攞比我睇,再無端端比咗錢帶咗佢地返屋企。點解要買兩隻呢？第一隻係(右手邊果隻)老公幫我揀嘅,理由係個樣唔似以前果隻。而左邊果隻就我自己揀嘅,理由係,好似以前果隻!所以最後兩隻都買
返到屋企我冷靜咗之後好驚...不過當我望住之前果隻已經變成標本嘅龜龜,唯有同自己講,可能係緣份啦,既然帶咗返屋企就唯有好好去照顧佢地養大佢地。雖然呢兩年佢地身體都有Ｄ小毛病,不過整體上都算健康成長,希望將來都繼續健康成長。

wunclock

回復 君臨天下 的帖子

真係佢哋黎架

wunclock

回復 beejjb 的帖子

係呀,我之前果隻養在三年體重都唔夠大果隻嘅五分一,可能先天個腎有問題。

wunclock

回復 MAXho 的帖子

左邊果隻真係大食Ｄ,而且右邊果隻ＢＢ果時照到有腎石,雖然後來經過特別照顧後唔見咗粒石,但體形已經明顯地跑輸了。

wunclock

回復 火星 的帖子

ＢＢ果時Mazuri做主糧,間中加新鮮桑葉,車前草,蒲公英。便秘同冇咩尿酸就比Ｄ車前子佢地食。而家大隻在就隔日餵Mazuri,不過主糧轉Timothy,乾嘅蒲公英,用攪拌機打碎,溝mazuri餵食。間中見到新鮮車前草,車前子都會比佢地當零食。天氣暖,熱,冇風唔太凉會帶佢地去散步哂太陽,我諗陽光好緊要,不過出去要小心留意有冇危險,如流浪狗或其他動物,地上碎石玻璃之類。香港人好忙,不過做得幾多得幾多。

wunclock

回復 ex903 的帖子

我都好鐘意星星,係情意結。哈哈

wunclock

回復 joeyball 的帖子

係呀,人都有高矮肥瘦一樣,最緊要健康。

wunclock

回復 Piano12345 的帖子

你隻星星大唔大食呀?幾大個呀?如有興趣,明天就post佢地嘅成長相上黎啦

wunclock

回復 tortoisebo 的帖子

我諗小小釘係好難避免呀,我又唔係高手,冇計啦。不過唔怕!一路養一路學,希望越養越靚啦。

wunclock

回復 君臨天下 的帖子

我知,我而家幫佢地減緊肥,控制體重,生長速度慢左好多嘞，我會努力架。

wunclock

以前隻龜養咗三年冇起釘,不過唔識大,以為佢過咗兩歲死嘅機會就好細,點知無端端後腿行唔倒,用咗唔少錢去睇醫生,最後可能頂唔順Ｄ抗生素走咗。呢兩隻大得快,帶佢地去body check,醫生話好健康...醫生話佢以前唔信有龜係冇蟲卵,但大果隻真係一粒都冇。講真,其實佢地識大我巳經好開心。我知養到佢地唔起釘係最好,不過點先可以唔起釘?我都有正視呢個問題,所以兩個月前已開始幫佢地節食同埋加多好多纖維。我知好多ching養龜嘅資曆同經驗比我多,如果有咩方法可以避免或者改善起釘情況嘅,請多多旨教。祗要係對龜龜好,而我能力做到,都會嘗試的。謝謝。

wunclock

lee25576031 發表於 2013-6-11 10:34
回復 wunclock 的帖子

望住標本唔會好傷心咩..?

做標本前,內心都掙扎過架,而且我問過做標本嘅方法,喺個底甲開一個窿仔抽少少內臟之後浸藥水,
除左少部分內臟,都算完整,所以最後決定做標本。標本攞返屋企時只係用一個面透明底黑色嘅亞加力盒装住,初初見到佢好傷心,見到佢好似變左個装飾品咁,成日提住我佢已經死咗ＬＵ....掛住佢果陣會忍唔住喊,覺得個盒好細,平時佢留喺龜缸入面都唔鐘意成日要走出黎。我知道有Ｄ櫃專係for攝影器材防潮用,於是買咗個兩層嘅返屋企,用以前買比佢嘅嬰兒用枕頭仔當床,放左佢上上格。個櫃放左喺一個冇人撞到騷擾到,我又成日望到嘅地方,我個心舒服咗好多,感覺佢就好似瞓著咗一樣。而家問我成日見到佢傷唔傷心,我覺得ok呀,不過用思念形容貼切Ｄ。好多嘢在乎心態,可能間中會有小小傷心,又或者當佢瞓咗覺有Ｄ自欺欺人...但換一個角度唸,可以當佢瞓咗覺,覺得佢瞓咗覺,可能已經唔再傷心。緣份好奇妙,要走都捉唔住,掛住佢果時咪努力Ｄ愛護而家果兩隻囉,可以當幫之前果隻積德,或者當係一個學習點做一個好主人,好媽媽嘅機會。