處置龜箱問題

wunclock

屋企龜仔換在個大Ｄ嘅龜箱,舊果個木龜箱之前諗住比朋友,可惜佢屋企冇位放.....放在交易區又賣唔出,個箱好新淨,掉咗又浪費,因我個人都幾環保,冇用嘅野寧願送比人都唔會掉。幾年前試過在另一龜網見到一個學生話佢冇用龜箱,隻星龜晚上喺同佢瞓,我以為佢買咗隻龜冇錢買龜箱,於是話送個舊龜箱比佢,點知原來學生不是住香港是住台灣的。之後有人pm我話佢都冇錢買,可唔可以送個箱比佢,我諗住冇所謂啦,還定冇用就送比佢,點知冇耐就見佢放上網賣激死我!
而家呢個木龜箱放在家很阻地方,又唔敢隨便送比人,怎麽辦?各位龜友可給我意見嗎,謝謝!!

wunclock

icaicayin 發表於 2013-6-29 16:11
放下雜物可以嗎?~~~
再唔係整多2隻返黎做業主
再唔係放上拍賣網啦

我換新果個龜箱已經好大,五呎長兩呎半深了,所以冇地方再放了

wunclock

choichakyam 發表於 2013-6-29 16:13
咩SIZE??小弟想2個龜箱連埋TIM ,改裝成一個大龜箱

木龜箱31"長X20"深X21"高

wunclock

600FAI 發表於 2013-6-29 16:43
師兄~你真係好人

謝謝,好人之前比人呃過,變得小心眼了,可悲。希望龜友諒解

wunclock

bearbear 發表於 2013-6-29 16:44
自制的？師兄住邊區？我用緊20吋缸養兩隻豹，有d迫，想換大少少，冇人要我想要呀，謝謝
...

是訂造的,有幾個龜友pm我想要,我考慮緊。另有龜友想買,不過我已放這龜箱在討論區,如賣好似很奸狡,賣廣告咁。送又想送比錫龜的有緣人,很煩惱呢。望各位有興趣的龜友諒解。

wunclock

wongbb10 發表於 2013-6-29 17:02
平平地賣.實有人要.

我知,一,二百蚊都應該有人要嘅,不過賣到咁平希望佢係自用囉,可能我執著啦

wunclock

wongbb10 發表於 2013-6-29 17:50
算喇。。佢依家唔賣。遲下都賣ga喇

Ching點解咁講呢?好似好有握咁

wunclock

或者生存喺呢個世界,錢一定唔可以冇,所以有好多人睇錢睇得好緊要,所以人嘅隔膜都大咗。原意係益下龜友都唔好浪費,還定都冇人有興趣用500蚊買呢個龜箱,減到二百,一百又冇咩意思,不如送比人...不過如果我嘅善意因為咁被誤會,就真係有Ｄ無奈。或者有Ｄ人會為ニ,三百蚊浪費時間心機去開個topic,但千祈唔好覺得個個都會咁。我曾經比人利用過一次好心去造就一次又pm又搭車又浪費時間先賺得ニ百幾蛟既機會,對我黎講就係好心做壞事。學識咗有時好心都要有智慧,今次小心Ｄ應該都好正常吖。何況我問下大家意見,如有人有興趣又有緣既就送比人,點解要扭曲人嘅好意呢?說話比較直,有咩得罪,敬請原諒。

wunclock

nickcwsf 發表於 2013-6-29 18:32
C兄可唔可以pm我幾錢

謝謝你對個龜箱有興趣,放得在這裡,原意真的不是賣。唔止一個龜友有興趣,龜箱只有一個,本來諗住送比我認為最適合嘅人。家裡還有多餘嘅水盆,山洞之類陸龜用品,考慮送比其他有興趣龜友....算了!有時真係好心唔易做!

wunclock

回復 choichakyam 的帖子

你真係學生?比Ｄ証據睇下!仲有,你話我比個箱你,一定唔賣出去,仲會送你個舊龜箱出去,如果有誠意,你証明你係學生比我睇,同埋你送你個舊龜箱出去先,得唔得?你個咩龜箱黎架?影張相黎睇下先啦!!小朋友,我唔係想為難你,不過想吃免費午餐,要先付少少代價架,太容易得到嘅野就會唔珍惜架喇。仲有因唔止你有興趣,所以送比你都要向其他有興趣龜友交代呀！不過見你話自己係學生,又同我講唔會賣,又送自己個龜箱出去,仲唔只私底下pm同我講,算係有Ｄ誠意,就比個機會你啦!

wunclock

回復 kinson_ma 的帖子

我知呀,就係要環保,所以我好努力揾緊合適人選呀

wunclock

回復 choichakyam 的帖子

你放上黎好Ｄ啦,遮住自己個樣同名,細路仔怕咩醜姐?而且呢個係你有機跑贏嘅優勢,要引以為傲先啱呢

wunclock

回復 小紫晴 的帖子

你覺得自己有咩過人之處,可以贏到其他比你早D話想要龜箱嘅龜友呢?你又係學生?講黎聽下,就算你最後得唔到呢個龜箱,如我滿意嘅話...睇在你幅星星相份上,都可以考慮送其他小禮物比你當安慰獎嘅。

wunclock

回復 小紫晴 的帖子

點解唔買龜箱先呀?好彩而家係夏天,星龜要好小心保護架!

wunclock

回復 choichakyam 的帖子

睇到你証據了,雖然呎寸不合,不過都謝謝你嘅誠意先。加油好好照顧你Ｄ龜龜!!

wunclock

小紫晴 發表於 2013-6-29 23:56
回復 wunclock 的帖子

養左就一年

咁勁??冇病過?咪超健康囉?平時喺邊度養架?

wunclock

小紫晴 發表於 2013-6-30 10:31
回復 wunclock 的帖子

放地下養囉試過吹波波

小紫晴,養陸龜通常都需要一個箱(因大部份陸龜都不適應香港全年天氣),就算放養都需要一個龜箱(因香港不適宜全年4季都放養,當不宜放養時龜箱就有用),你可以上網爬下Ｄ養陸龜養星嘅文!
希望你唔好介意我多事,星龜係好易死,有Ｄ人設備齊全,用心去照顧,最後星星都走咗！雖然唔係話設備越好,龜仔就一定越長命越健康活潑,都要佢本身健康,主人養龜經驗同其他因素。每個人財力唔同,最好梗係有花園仔比佢爬下哂下太陽啦,不過好似我咁冇財力買個花園比佢地,咪盡能力訂個大Ｄ嘅爬箱,用多Ｄ時間帶佢地散步,行山接近下大自然囉。設備唔須要買到最豪,但基本設備一定要有!你隻星好叻了,成年冇缸都仲喺度,希望你可以比Ｄ應有設備佢,唔好再比佢吹波波啦,佢地個樣咁得意!祝你的龜龜身體健康!以上如有不是之處請見諒

wunclock

我送呢個龜箱出去,唔係想比人讚我係好人好好心,每一個人做野都有動機。
曾經可能因為我嘅大意,唔細心,經驗不足,令我第一隻星病死咗,當然星嘅死亡率都幾高,都係死因之一。自從佢走咗之後,我學識咗愛護小動物,尤其係龜。我冇時間冇呢方面嘅專業去幫Ｄ龜仔,唯有畫下綿力將冇用嘅送比人...其實我唔覺得自己好好心,做呢Ｄ野只係出自一份私心,希望可以為死去嘅龜仔積一點福吧了。有人pm我話要個箱,我話想揾一個有誠意又真心鍚龜嘅人,叫佢等下。佢話送就送,賣就賣,扮咩清高吖!!我想講,送唔代表清高,賣亦唔代表唔清高...只不過幾百蚊,冇咩清唔清高,我只係太執著去揾一個有緣人姐。希望對我個龜箱有興趣嘅龜友原諒我嘅婆媽同執著,每個人做事都有佢原因,而每個人亦有自己所執著嘅事,只係各人所執著的所有不同吧!

wunclock

klho 發表於 2013-6-30 17:19
C兄我有一建議,就是現在以市價(例如500蚊)賣給想要的龜友,另你可訂一個期限例如一年,如龜箱一年後還在你便 ...

謝謝你比提議我~~你個方法幾好,但衰在我好懶,唔想跟太多手尾呀。
之前有個師兄講得都啱嘅,而家唔賣遲Ｄ都會賣....不過我諗機會一半半啦,睇下好唔好彩囉。

wunclock

多謝各位ching比嘅提議,暫時有三個算係有值得我送個箱比佢既人選,如果冇更合適者,應該明晚會聯絡交收了。冇諗過收到龜箱嘅人會keep個箱一世,因為自己都做唔到,但希望攞到箱嘅龜友真係自用,用到三年以上當然最好,將來真係唔啱用要送要賣出去都理所當然,不過大前提係收呢個龜箱真係自用,同埋想龜仔有更大嘅生活空間。謝謝。