有感而發

啊橙

有趣，原來有人打英文粗口，我係唔比允許扣分
縱使我個人政治/語言立場與某一條版規相反，
就唔應該執行版規，咁係咩道理，
你覺得我扣錯分既話，大可以pm我質問/係投訴對出。
咩打壓異見，動軌扣分等等，不妨cap圖上來
空口講白話，自加罪名本就冇意義，有圖有真相。
你地而家既係為，只係對一尐你地認為異見既人士
作出不合理既批鬥，而唔同既方式令對方難堪，
咁你地同你地口中既「打壓異見」有咩分別。
咩杏+橙/政治友等等，有種就打網名啦，
我連自己個樣都用來做頭像，我就唔怕比人點相，
而批評者反而唔敢打人個網名，呢種欲蓋彌彰既心態為何？
「有我講冇人講」何以見得？
「扮中立」，抱歉我從來都未中立過，我有個句就講個句，所謂既中立係咪應該唔出聲，冇立場就叫中立？如果係咁，即係做尐版主既就預左冇得講野，表達意見？
「扮野」，扮咩野？可否具體尐？
「唔夠人講就扣分」，請問有邊個苦主，請佢出來現身說法。你話boby個位，佢專登係到打「fuxk」呢個字，我係咪應該扣分？佢係咩料都未知就攬人上身......「冇做野」，我係幕係做左尐咩，你地又知尐咩？
樓上話我串個位，多謝你咁讚我，不過我的確好討厭人地打字又中又英，但你話「D」呢個字，就冤枉左我，我自己以前都唔識打「尐」呢個字，都係用D字代替，點會話人地。
只係有尐人中文裡面挾帶十幾廿個英文生字我唔中意咁姐，唔可以既咩？
如果我真係你地口中講得咁邪惡，啊BOBY尐帖仲可以留到今日？我會用咁多時間陪你地曬口水？你地仲可以咁大條思樣咁係到圍威喂？
仲有，我係唔支持民主架，唔好幫我添任何政制立場。同埋我好歡迎你地同我對質，最好就當面啦，係電腦面前人真係咩都夠膽講架。(不過唔使旨意我會比電話你地。)

啊橙

君臨天下 發表於 2013-8-9 10:32
上次個Ｍａｎｄ人地講整旦糕都鬧人,我咪話囉,聊天室係比人聊天,有人想分享就可以講啦,佢都可以話人{:104: ...

呢一點我老早就認左錯，如果你想既，我可以重申多次。

啊橙

Swastika39 發表於 2013-8-9 12:38
做人就將心比己
版主就好似警察
1.""冇做野?我係幕係做左尐咩，你地又知尐咩？""咁你又點知警察幕後做 ...

好可惜警察有人工豆，我地冇。
同理，既然你地認為我呢個版主係衰人，其他既係好人
咁又將版主同警察類比，咁我可唔可以理解做，你認同警察都有好人同衰人？
我既執重點係老師課餘應否講粗口，然則亦有評論樓主對當時警察是否處理恰當，
所以我冇將重點放落去警方是否恰當，更無全面批評整支警隊，
只係從該名警員既手法作依據，且我對樓主既回覆亦再無執重，
網上既文字無法表現說話者既語氣，如果反對我既人認為係聲大夾惡既，
咁我都真係唔知點反駁好，只可以話現實中認識我既人，理論上唔會對我有如此觀感。
而呢尐係我個人意見，縱使部份人認為立論錯誤，咁係咪就可以用呢種方式去點評？
咁同所謂既「文革式批鬥」又何異？

我支唔支持講粗口係我本人既標準，我唔會因為我係版主既身份而放棄自己既立場，你地話我雙重標準，呢一點講得我好中，對一尐人見到動物被虐既帖，有會員爆曬粗咁，我最多都係叫佢地冷靜，而少有扣分，除非係失控情況。然而，面對一尐罵戰中只為攻擊對方既粗口，我一地會扣分或刪除留言。或者你地認為我捉一尐唔捉一尐，係偏頗，但人情同法理呢兩個相反既標準我都會因時制宜。
你話我針對人就有少許錯誤，我唔認識你，亦唔知你為人，點樣去針對你。若你認為我唔同意你既講法就係針對你既話，咁附和呢個帖既人又係咪一樣？

其實版主呢個職位代表到尐咩？只係係某一個論壇裡面有少許權力可以加分、扣分，刪帖，呢一尐虛擬既權力就可以限制該版主既言論同立場自由？警察有槍有棍，佢地既權力比起我只係一個鍵盤黎得實際，所以警察應該做到不參與政治活動。而我有政治立場就被批評為唔中立，樓主既言其他版主冇我咁政治。政治何時被人如此神化？呢一個評論本身就唔合邏輯，其他版主冇出聲，所以佢地唔政治？獨善其身本身就係政治手段既一種，且佢地唔出聲就代表冇政治立場，咁同保皇派既690萬沉默的支持者又有咩分別？而家你地用一個帖黎聚集一尐不滿我既人黎圍插我，咁又係唔係玩緊政治手段，咁我係咪應該講番佢，「呢尐會員不嬲都唔中立，你睇下佢地幾咁政治。」咁又合唔合理？
君臨天下所講既野既根據，我真係無從稽考，就單單扣左人6分就將我打做成一個橫行霸道，自把自為既人，我睇到真係得啖笑。

我從來對唔需要人地黎尊重我，要人地黎尊重我即係要我尊重一尐我唔想尊重既人，我而家仲係年輕，我冇自信做到尊重所有人，包括我唔想尊重果尐，因此我亦都唔會強求他人尊重我。我打咁多字出黎唔係為左要人尊重我，我都話我同你地都唔認識，你點係到點講都到我現實冇影響，但有好多惡意攻擊、為鬧而鬧、非理性只求一時暢快既行為，我有需要澄清，而我都講我自己係年輕人，人生經驗不足，亦都係透過呢尐方法去對我既思維進行檢討。一尐善意既批評，我樂意接受，但面對一尐惡意既中傷，我自問未有能力去「包容」。

我的確唔係一個合格既版主，因為我連僅有既虛擬權力都冇好好運用，有權力而唔用，等如有錢唔使一樣......

啊橙

Johnson 發表於 2013-8-9 14:10
啊橙都試過針對我
大蝦系啊

幾時既事= =

啊橙

AsiaSky 發表於 2013-8-9 14:09
(4)啊橙 活動版版主之一，兼任陸龜版版主一職

正義的年青人,對爬蟲有一棵熱血之心,脾氣古怪但做事可靠,

呢尐係廿年前既事
而家可能係咁：
「賤人/垃圾/人渣/廢物一個」

啊橙

Johnson 發表於 2013-8-9 14:33
你鬧過咁多人
點會記得
你搵翻MANDYd帖咪搵倒lo

咁我有印象啦，好似係話佢淨係開尐鉤蛋糕既帖
後來我都知到自己錯左，所以都道左歉

啊橙

Johnson 發表於 2013-8-9 14:31
你知就好

我唔知架，不過係部分人心目中可能連以上四個都不如
反正就算佢地話係，我都冇打算過會認

啊橙

君臨天下 發表於 2013-8-9 15:48
我初初入壇唔知規則在交易區評論人隻龜冇則花唔值呢個價,比佢係度串我話用金錢行量人地隻龜,ＯＫ我初初唔知 ...

你係有權議價，不過請係PM到進行，有曬版規，係你地自己冇去睇過，縱好意思係到嘈。
交易區版規：「自由市場，自由議價，如認為賣家售價太高，可以私底下用pm作出建議，買家也請先行格價，以免購入物非所值的物品,如非進行買賣，請勿作出任何干擾行為」
我話你食米唔知價叫另一個標準，咩道理？
「幾時輪到我講野」，幾時輪到你唔比我講野？你誰？有你講冇我講？雙重標準!
「用金錢去衡量人地出價」，你唔係用錢買架，唔係用金錢去衡量人地出價，唔通用咩？值唔值呢個價又幾時輪到你出聲？明碼實價，唔岩就走，冇話值唔值，或者你試下去街市咁同尐豬肉佬講，睇下人地有咩反應。呢尐唔係我一個人既標準，係個個版主都會咁做，睇少少唔睇其他就係到妄加評論，自暴其短。

啊橙

Puiki 發表於 2013-8-9 15:58
都係果句啦，佢唔覺自己有問題架，就算咁多人話佢，佢都覺得只係其他人有問題，問題唔係佢身上架 ...

你自己咪又一樣唔覺自己有咩問題
個頭就話強國點衰點法，
呢頭又係五毛上身咁「批鬥」人，
你自己又好得去邊。
不如出黎傾下計，唔好坐係電腦面前，
做鍵盤戰士就冇咩出息，你敢唔敢出黎同我對質？

啊橙

君臨天下 發表於 2013-8-9 16:22
我都話你Ｄ人永遠唔知自己錯係邊,好似同個生翻講野咁,真係唔知點寫 ...

咁你既然知我錯係邊，不如你指條明路比我
總好過係到空口講白話，言之無物
同你講野我都覺得好似同個細路講野。有版規跟都話做錯，列出左又唔睇，
不如你拎個個帖條LINK出黎，睇番大家既反應
或者比個機會人地入去個帖到批評我。
不過你都應該為自己「有你講冇人講」既行為解下畫。

啊橙

君臨天下 發表於 2013-8-9 16:30
有證有句仲使講亞伯,死牛一面頸

何惜你尐證據係對你不利唔係對我......

啊橙

Puiki 發表於 2013-8-9 16:32
我唔係批鬥你，只係覺得你有雙重標準嘅問題，本人覺得，作為一名版主應該係維護論壇嘅秩序，而唔係增加爭 ...

但你咁做即係將版主禁言冇分別，
而個帖係問人支持與否，經以係一個可以進行辯論既帖
更加用一個理性既態度去進行，而唔係單方面既個人演講
一個辯論帖點會冇爭議，只在於會否出現非理性既謾罵，就例如BOBBY既「FUXK」
呢點總無爭議既餘地而必須處理，我確實履行緊我既職責，處理一尐違規既人士，
只不過係有人將我既立場，同論壇既立場畫上等號，無妄之災矣。

而用小號黎發表意見，我個人係認為行得通，但在我個性而言，我唔能夠咁做
既然我用得真面目黎做頭像，更加應該用本尊去發聲，
再者，小號並非絕對保密，若有心人要「上綱上線」，都可以話你敢講唔敢認，
我唔單止係一個版主，更加係一個香港市民，點解要用分身黎為自己發聲？警察係有生殺之權，所以必須中立，但所謂既「版主」又有尐咩絕對既力量去封殺佢，唔可以用本尊黎發自己既聲音呢？

啊橙

君臨天下 發表於 2013-8-9 16:34

得你同我講，根本無意義
或者你開帖去問其他人意見，
記住比曬成條LINK人地入去睇下發生咩事
以免被人斷章取義。