外傭案 梁家傑「4大關卡論」偷換概念誤導市民

bumblebee

公民黨呢排PK完全唔係為香港民生著想，只係識一味攪亂香港！

我到而家真係睇唔到呢班友為香港民生做過一件有益既事，相反只會做損害民生既事！就以港珠澳大橋為例，到底成萬人有飯食緊要d，定話保育緊要d呢？起港珠澳大橋可以令成萬人有工做，而唔起既話有成萬人冇工開！冇錯，保育係緊要，但前提係要先平衡民生同保育，而唔係一下子打柴晒囉！

而家又攪外傭居港權！用公帑不特止，如果外傭真係成功爭取到居港權，香港以後要負擔既社會福利又增加超多，而家已經因為班大陸人香港仔女，預計將來要額外負擔900幾億社會福利，再加埋班外傭，而家香港既細路仔，將來都唔知點算，分分鐘搵一萬要交4000蚊稅都似！

公民黨呢班友根本想攪亂香港，有咁亂攪咁亂，而且而家仲係到玩緊火，如果外傭單野贏左佢地仲有一線生機，但一但輸左，班友會永不超生！

bumblebee

退灰 發表於 2011-8-13 23:28
佢哋班友就諗住外傭贏咗，以後就會成爲佢哋嘎票倉，挽回港珠澳大橋環評報告后插水GE選票lor ...

老實講，一個政黨要爭取民心唔係咁，而係要切切實實親身落區做野！

佢地有冇去公共屋材同d老人家量血壓？有冇為住板間房而冇能力住一個單位既低下階層爭取盡快上公屋？有冇為港交所高盛錯輪事件既散戶爭取賠償？有冇反對過巴士加價？

我真係唔覺有！因為佢地唔明白草根階層既苦況，因為佢地唔係律司就係專業人士！一個月搵既夠一般草根食足一年有突，佢地完全唔會明草根階層既苦況！

bumblebee

退灰 發表於 2011-8-14 00:38
佢哋邊會落社區，只會同D俾得起律師費GE人食飯。
更加唔會明草根階層嘎狀况，平時都喺接觸埋D有錢人要打 ...

所以我都叫左我親友，一定唔好投呢個PK黨