|
|
本帖最後由 herbalchung 於 2014-1-23 02:48 編輯
回復 boap 的帖子
首先, 香港一直都係屬於中國, 曾屬於英國只係暫時性殖民地. 
今日我可以講個秘密你知, 香港已回歸中國.
我地身處嘅地方係叫香港特別行政區. 唔係一個國家.
要講搶, 英國當時真係搶左香港. 我地國家同意但唔願意, 香港人更變成下等人.
奶粉有錢幾多都有. 咩奶粉你身處香港買唔到?
美素123? A+123?. 你話完全無貨係完全無根據, 你肯出錢我可當全香港人面前證明, 你先出$300每罐, 我可以合理時間內係公開合法渠道幫你買一千罐.(要試, 請過新年之後)
如果有錢就有得賣, 就印證倒奶粉唔係市面無貨. 情況等同香港近年樓價貴, 大家怨就怨樓價高買唔起, 唔會話無樓賣. 完全係兩回事.
奶粉最終流向國內係奶粉經銷商、藥房、連鎖個人用品店共同營銷策略, 遊客區分貨係特別多, 有出開街有分辨是非能力就有目共睹. 重有, 奶粉又唔係香港造, 唔係香港物資, 講搶都係香港人國內人共同搶原產國.
須重申, 據我所知. 搶係唔會俾錢嘅. 佢地絕大部份係買. 可能香港歷史上真係有一兩個人搶過奶粉, 我就唔知囉~~
經香港賣奶粉去國內, 奶粉生產商一年可以賺好多個億. 如果香港只有本地市場, 按香港低出生率粗略估計賺盡都係幾千萬. 奶粉商係做生意唔係做慈善. 基於以上, 反正都係賣俾中國人, 我相信生產商好渴望爭奪國內市場.
至於係唔係就嚟屎都無得食, 基於我唔認為屎屬於我認知當中人類正常食物, 我就唔同你分析研究.{:1_1:}
無左大陸香港唔會死. 問題係生活唔係只考慮生存死亡, 就算做露宿者好多物質野無而且生活痛苦都可以有100歲命. 但生活選擇同質數可以差天共地. 唔好講咁多, 吹就係人都識, 你如真係覺得依家年代身為中國人係香港住無大陸可以無大影響, 兼夾咁討厭自己國家, 不如發個毒誓[三年唔用大陸野同可選擇情況下唔直接間接受惠於大陸]嚟塞住我把口. 如果係曲線教人愛國就算喇, 衷心多謝{:1_1:}
記得報紙調查六成水貨客揸香港身份證, 而且由政府、公共交通機構、商戶同無數打工仔一條龍鋪路賣野俾大陸, 香港人自願都佔大多數. {:1_1:}
最多反對聲音都係少數政黨同一個網絡青少年論壇當中一大部份人. 無疑佢地以反賺錢, 有英雄感時間又多, 引致香港好易到處都聽到反對大陸所有野嘅聲音. 但係我又接觸倒市面其實有更多冷靜和平嘅人接受同歡迎國內人囉. {:1_1:}
奶粉無係香港經銷商飢餓營銷手段, 貨少唔係荷蘭新西蘭唔夠牛或者啲牛副奶細, 而係佢地扣起唔出貨. 幾次奶粉於市面貌似缺貨時經銷商都係同社會交代庫存足夠.
市面100罐需求只供應70罐, 30個客就客就到處撲貨, 變相製造免費宣傳、增加銷量同有條件加價. iphone都係行呢套. 本來香港人大部份都知, 喺國內買個班人先咁捧呢類商品場, 我唔知點解我要講唔係秘密嘅秘密俾你知. 希望其他人唔好笑我後知後覺.{:1_1:}
我正住喺中國其中一個地方-香港特別行政區. {:1_1:}
同理, CHING點解唔考慮吓, 揸住本英國國民括胡弧遺棄護照返去英國同英國人互相照應, 或者其他地方, 謀求更好發展? 至少唔會成日對住蝗蟲同我呢種五毛咁眼冤啦. {:1_1:}
CHING, 我好鐘意你俾今次機會我同你和平理性同你討論, 多謝.{:1_1:}
|
|
發表於 2014-1-24 21:23:52
